Kafeeñal ku 1:4 - Kwatay (Kuwaataay)

⁴ Íñje Saaŋ ikiñje fee bakate ku ti kikinu keemo hutok nu kúsuba kite Asi *kéeyilene ku: Atambatun aja ásoniyanuun, abe n'awunuun káasuumaay, akina eeemo u, akina éeyemie u, akina eebin u. Ñúwejet ñu hutok nu ñúsuba ñu ñeeemo ñu hágila eriikeey yeene yite híyiaate hu ñija ñúsoniyanuun, abe nu ñuwunuun yooŋ káasuumaay.

Kafeeñal ku 1:4 ပူးပေါင်းရင်းမြစ်များ

Saaŋ 1:1

Hítiyar hu, h'Atambatun áwuwane hu dóonodoon fe, Hirim hu káafiyein híyemi. Hirim hu húmoomi n'Atambatun, abe ho heemo fu Atambatun.

Epotor i 19:10

Bondu ni bibaj ayak areeŋ simit súsuba. Esuwif i, ni keenooto ku Esuwif fe keekine ku t'ésuk ite Asi kasooñen ni kajam hirim hite Atemit.

Epotor i 2:9

Bakaake t'úne kéenuutina Part, bakaaku Medi n'Elam, n'abaj kéenuutina Mesopotami, *Súde ni Kapadoos, Pont n'Asi,

Eleetar i yi Pool akiñje i bakate ku Rom 1:7

Aruun keeemo ku *Rom k'íkiñjina fee, aruun k'Atambatun ámaŋie ku arireyi fe, abe n'aruwuun kaanuku áriiyemi bakan koone. Atambatun Faaf úne, n'Anahaan u Yesu Kiris kaja kásoniyanuun, abe ni kawunuun káasuumaay.

1 Korent 1:3

Atambatun Faaf úne, n'Anahaan u Yesu Kiris kaja kásoniyanuun, abe ni kawunuun káasuumaay.

2 Korent 1:2

Atambatun Faaf úne, n'Anahaan ite úne Yesu Kiris kaja kásoniyanuun, abe ni kawunuun káasuumaay.

Esuwif i 13:8

Yesu *Kiris afeeneŋ u hukan, n'úmiye, bija yooŋ kuwaatu fe.

Saak 1:17

kawunu fe keetoofe ni keejake, t'etiir tu buroon bondu búnuutina fu. T'Atambatun áwuwana ite meejaaŋe meeemo mu t'etiir t'ufu búnuutin béewanein. Atambatun áwayaariit, áwetekaariit yooŋ éehin ébaani.

Kafeeñal ku 1:1

Kaawiit konde kíyekie fu béenuusee bu bi Yesu *Kiris afeeñale bu. Atambatun n'áhino éemeyi bo kaanuku éewufoor bo kiŋki karok bija te o, man ni kámeyi beeware bu kabaju memee. Yesu Kiris n'áboñin amalaka oone eebin eesokam bo, íñje Saaŋ aroka oone.

Kafeeñal ku 1:11

Ni keene: —Bamb'a̱juk iye, a̱kiñj bo ti kaawiit, abe n'a̱boñ ko *kéeyilene ku ti kikinu hutok nu kúsuba konde: Efees, Simirn, Perigam, Tiyatiir, Sarid, Filadelfi, ni Lawodise.

Kafeeñal ku 1:17

H'ijuko hu, n'iney bite wuwoto naane an eekete. N'ásit emoŋio yaatos i t'íñje abe n'aanam: —Atum'á̱koleyi! Íñj'eemo fu átiyar u n'araan u toko.

Kafeeñal ku 1:20

Wúloofiiloof wu hutok nu wúsuba wu w'a̱juke wu t'emoŋiam yaatos i, ni báanaŋum bite búrundoora bu hutok nu súsuba su bite éwurus i, iye i bije fu: wúloofiiloof wu hutok nu wúsuba wu weemo fu emalaka yite kéeyilene ku ti kikinu keemo hutok nu kúsuba; báanaŋum bite búrundoora bu hutok nu súsuba su ni bíyemi kéeyilene ku ti kikinu keemo hutok nu kúsuba.

Kafeeñal ku 1:8

Atemit, Atambatun eehaŋe u ebaja sembe aane: «Íñj'eemo fu átiyar u n'araan u toko, íñj'eemo u, íñje éeyemie u, íñje eebin u.»

Kafeeñal ku 1:9

Íñje Saaŋ atuuun iŋi naane úhine i t'afeeneŋ ni Yesu *Kiris. Úne bakate ti Jáyi jite Atambatun, abe íñj'endu ti kajuku sílaam naane aruun, íñj'endu yooŋ ti kámuñu kep naane aruun. Kajokamjok kabin káfiiten t'ekiŋk yende yiyi kaane Patmos aŋarkeyi naane iŋ'iwaare hirim hite Atambatun, nu múniyo mi Yesu áwufooram mu.

Kafeeñal ku 16:5

N'ijam amalaka eebaje u sembe tu móhujo mu n'aane Atambatun: «Á̱jubajub naane a̱joonane i iye, awe Eenabe u, awe eeemo u, awe yooŋ éeyemie u.

Kafeeñal ku 2:12

—A̱kiñj amalaka ite bakate ku Perigam *kéeyilene ku a̱ano: «An éeyekie u kábura keebaliŋge ku aane:

Kafeeñal ku 2:18

—A̱kiñj amalaka ite bakate ku Tiyatiir *kéeyilene ku a̱ano: «Añi ite Atambatun ite ñíkin ñeeemo ñu naane sineemak, abe wuwoto n'uŋu wútumb wusilan naane mañ meebunane aane:

Kafeeñal ku 2:8

—A̱kiñj amalaka ite bakate ku Simirn *kéeyilene ku a̱ano: «An eeemo u átiyar u n'araan u toko, éeketaanie u, abe n'aritanee t'eket i aane:

Kafeeñal ku 22:16

«Íñje Yesu íboñina fu amalaka úuma eebin eesokuun bo aruun *kéeyilene ku. Íñje ite tu butoŋ bite áyi u *Dafit, íñj'eemo fu yooŋ kaarabu ku.»

Kafeeñal ku 22:8

Íñje Saaŋ, íñje ijame fu bondu, abe n'ijuk bo. Abe h'aamo hu ijama bo, abe n'ijuk bo ihaban, n'íjiŋgitan bite wuwot wute amalaka éewufooram u bo kaanuku íisukaayo.

Kafeeñal ku 3:1

—A̱kiñj amalaka ite bakate ku Sarid *kéeyilene ku a̱ano: «An éeyekie u ñúwejet ñu hutok nu ñúsuba ñite ñ'Atambatun, nu wúloofiiloof wu hutok nu wúsuba wu aane: ímoomi buroon b'á̱hine bu fe. A̱jokeejok naane an eeroŋe, bare awe an eekete.

Kafeeñal ku 3:14

—A̱kiñj amalaka ite bakate ku Lawodise *kéeyilene ku a̱ano: «An u ii kaane Amiin, aseede éejube u ite u nu múniyo, a Atambatun aŋaase u te o éewuwan doon areyi fe aane:

Kafeeñal ku 3:7

—A̱kiñj amalaka ite bakate ku Filadelfi *kéeyilene ku a̱ano: «An eenabe u, eeemo u an ite bifeeneŋ, éeyekie u ejaab ite áyi u *Dafit, akina aa áfeŋgin abe an at'áyini kafeŋku, n'afeŋk abe an at'áyini káfeŋgin aane:

Kafeeñal ku 4:5

T'eriikeey ite híyiaate hu yeeemo i t'etut, etiir i eŋ'esib toko, n'awen toko, biranda bu yooŋ nu busok. Kíit kéetife keemo hutok nu kúsuba kúmoomi hágila eriikeey yendu: ko keemo fu ñúwejet ñu hutok nu ñúsuba ñite ñ'Atambatun.

Kafeeñal ku 4:8

Muroon mibaakiir meeroŋe mondu mibajabaj dánodan fe síbend seemo hutok n'efeeneŋ, abe sini site te mo fe ñíkin, bija yooŋ t'etaam síbend su fe. Káajiim ni kaajiŋgan uŋu muhooñ meene: «Atemit, Atambatun eehaŋe u ebaja sembe, anabanab, anabanab, anabanab, akina éeyemie u, akina eeemo u, akina eebin u.»

Kafeeñal ku 5:6

Náami iijuk Ametek t'asiiŋee kaagoroor n'eriikeey ite híyiaate hu. Muroon mibaakiir mu míhinohin t'etut, ni bíhaaniin bu yooŋ. Aŋ'a̱juk kite amooteemoot yéeni. Abajabaj wusiin weemo hutok nu wúsuba, ni ñíkin yooŋ ñeemo hutok nu ñúsuba. Ñíkin ñondu ñeemo fu ñúwejet ñu hutok nu ñúsuba ñite ñ'Atambatun, ñaññ'aboñ t'etaam i ereyi fe.

Kafeeñal ku 8:2

Abe n'ijuk emalaka i hutok ni bákasuba ku kiŋki kasiiŋo hágila Atambatun. Ni kawunee wúbiinu weemo hutok nu wúsuba.