Kafeeñal ku 1:1 - Kwatay (Kuwaataay)

¹ Kaawiit konde kíyekie fu béenuusee bu bi Yesu *Kiris afeeñale bu. Atambatun n'áhino éemeyi bo kaanuku éewufoor bo kiŋki karok bija te o, man ni kámeyi beeware bu kabaju memee. Yesu Kiris n'áboñin amalaka oone eebin eesokam bo, íñje Saaŋ aroka oone.

Kafeeñal ku 1:1 ပူးပေါင်းရင်းမြစ်များ

Saaŋ 12:49

Abajut bike b'inoŋkooree iisok, bare Faaf u humuumo éeboñinam u áwufooramwufoor b'iware bu kasoku fe.

Saaŋ 15:15

Iroŋutuun kaane eroka, ábuki aroka ámeyiaariit te naŋ t'an u tand'arok aamo fu. Iŋ'eenuun aruun bákawiyam, ábuki b'ijame bu ti Faafam fe, isokuunsok bo.

Saaŋ 17:8

ábuki isokiinsok kirim k'a̱saanam ku, abe kajokajok ko. Bukuuriinkuur kaanuku t'awe t'ínuutina fu, abe káyilenayilen yooŋ kaanuku awe á̱boñinam.

Saaŋ 3:32

Aŋ'asok doon d'ajuke du ni d'ajame du, bare an áyilenaariito.

Saaŋ 8:26

B'íyinie bu kasoku t'aruun, ni b'íyinie bu yooŋ kajoonan buhoojahooj. Bare an éeboñinam u an ite bifeeneŋ, abe b'ijame bu te o taŋ b'if'isok ésuk i.

Eleetar i yi Pool akiñje i bakate ku Rom 16:25

Úsokoroor Atambatun! Áyinooni káhinu káyilen koonuun keeyan naane busokee i ti Hirim Heetoofe hu hih'iwaare, heesoke hu bite bu Yesu *Kiris. Hirim hondu húwufoorawufoor b'Atambatun ánuusaanie bu huta hu kóŋkeyin,

Galasi 1:12

Ijamut ho t'an, ániit yooŋ aliikenam ho, bare Yesu *Kiris humuumo áwufooram fu ho.

Efees 3:3

Atambatun afeeñamfeeñ éehinam íimeyi boone béenuusee bu. (Ikiñjakiñj bo memee íihamin te bo diŋgilis.

Eleetar i yi Pool akiñje i Tit 1:1

Íñje Pool ikiñje fee, íñje aroka ite Atambatun, *n'apotor yooŋ toko ite Yesu *Kiris. Atambatun aboñamboñ kaanuku íihin bakan k'ajifane ku kéeyilen te o, abe n'íhiniin kéemeyi múniyo mu kaanuku man ni kabaj buroŋ beetoofo.

Kafeeñal ku 1:19

Náami a̱kiñj bamb'a̱juk iye: beebaje bu hahiye, ni beeja bu bibin kabaju.

Kafeeñal ku 1:9

Íñje Saaŋ atuuun iŋi naane úhine i t'afeeneŋ ni Yesu *Kiris. Úne bakate ti Jáyi jite Atambatun, abe íñj'endu ti kajuku sílaam naane aruun, íñj'endu yooŋ ti kámuñu kep naane aruun. Kajokamjok kabin káfiiten t'ekiŋk yende yiyi kaane Patmos aŋarkeyi naane iŋ'iwaare hirim hite Atambatun, nu múniyo mi Yesu áwufooram mu.

Kafeeñal ku 17:1

Hunuut toko, ake t'emalaka i hutok ni bákasuba ku kéeyekie ku sukot hutok nu súsuba su n'abin eeenam: —A̱bin, abe n'iŋ'íwufoori buŋ b'anaare u aa afurukato ahah iya ayakee fu kajoonan. Anaare ondu, akina hikinu hómbokun heenutee kaagoroor nu wuyelu weehooje.

Kafeeñal ku 19:10

Náami íjiŋgitana bite wuwoto kaanuku íisukaayo, bare n'aanam: —A̱was, atum'á̱hin bondu! Íñje aroka yooŋ naane awe, ni bakatii keejoke ku múniyo mi Yesu áwufoore mu. Á̱sukaay Atambatun! Múniyo mi Yesu áwufoore mu meemo fu búwejet beeemo bu *t'eyiŋana yite Atambatun.

Kafeeñal ku 19:9

Amalaka u n'aanam: —A̱kiñj bonde: atoof ti keeruwee ku bite hiriy hu tu huyoosan hite asibar ite Ametek u. Abe n'asooñ aanam: —Diye kirim kite Atambatun, kirim kite nu múniyo.

Kafeeñal ku 21:2

N'ijuk hikinu heenabe hu, heeemo hu Serusalem éyeni i tu búwaneina húnuutin t'Atambatun t'etiir bufor bu. Hifareefare áwari, naane anaare aa asiimo áwariee keejoo huyoosan.

Kafeeñal ku 21:9

Ake t'emalaka i hutok ni bákasuba kéeyekie ku sukot hutok nu súsuba seehooje su nu wútaañi wu hutok nu wúsuba wuraanu wu n'aanam: —A̱bin, abe n'iŋ'íwufoori anaare eeemo u ti biseño bu, asibar ite Ametek u.

Kafeeñal ku 22:1

Hunuut toko, amalaka u n'áwufooram kaayelu kite móhujo mite buroŋ bu, kéenuutina ku t'eriikeey ite híyiaate hu yite i Atambatun n'Ametek u, abe ni kijaaŋ wililil naane eweer.

Kafeeñal ku 22:16

«Íñje Yesu íboñina fu amalaka úuma eebin eesokuun bo aruun *kéeyilene ku. Íñje ite tu butoŋ bite áyi u *Dafit, íñj'eemo fu yooŋ kaarabu ku.»

Kafeeñal ku 22:6

Abe amalaka u n'aanam: —Kirim konde kúwoorawoor, kite nu múniyo. Abe Atemit, Atambatun aa awun *eyiŋana yeene Búwejet boone áboñina fu amalaka oone eebin éewuforoor eroka yeene beeware bu kabaju memee.

Kafeeñal ku 22:8

Íñje Saaŋ, íñje ijame fu bondu, abe n'ijuk bo. Abe h'aamo hu ijama bo, abe n'ijuk bo ihaban, n'íjiŋgitan bite wuwot wute amalaka éewufooram u bo kaanuku íisukaayo.

Kafeeñal ku 22:9

Bare n'aanam: —A̱was, atum'á̱hin bondu! Íñje aroka yooŋ naane awe, naane yooŋ bakatii eyiŋana yite Atambatun, ni kéejeŋgine ku báhamin bite ti kaawiit konde. Á̱sukaay Atambatun!

Kafeeñal ku 4:1

Hunuut toko, bike yooŋ ni bifeeñam. N'ijuk tu bufor bu karuŋ kéefeŋginee. Kaaji k'ibine ku ijam hítiyar hu ti báhamin bu n'íñje keeraase ku naane káabiinu ni keenam: —Á̱sirein beebe, abe n'iŋ'íhini a̱ajuk beeja bu bibin kabaju.

Kafeeñal ku 5:7

Ametek u n'atof, abe n'asa kaawiit ku t'emoŋu yaatos yite an eeriikee u t'eriikeey ite híyiaate hu.