Fílip 4:8 - Kwatay (Kuwaataay)

⁸ Kújakuwe, biraanu búuma bonde: árisik siheluun arinaŋ tu buroon beejake, beejare kasokorooree. Bo beemo fu doon fe dite nu múniyo, doon fe dite kájeŋginee, déejube, *deekuure, deetoofe, nu doon fe deewaree kajoku nu sumoŋu súsuba.

Fílip 4:8 ပူးပေါင်းရင်းမြစ်များ

Májiye 22:16

Ni kaboñ te o bakaake t'eriboora yeeniin, ni bakaake ti kéesiiŋooreina ku *n'Erod. Kareeŋ ni kaane Yesu: —Ámuse u, írimoomi kaanuku awe an ite bifeeneŋ, abe aŋ'a̱liiken ésuk i múniyo mu ti bítim bite Atambatun. Á̱koleyiit yooŋ an fe, ábuki á̱anaariit man an onde an ómbokun man yooŋ.

Mark 6:20

ábuki Erod ámaŋiit doon fe dibaj Saaŋ. Aŋ'áhino kákoleyi, ábuki ámoomi kaanuku Saaŋ an ite bifeeneŋ, abe yooŋ an eenabe. Saaŋ af'áyemi ti báhamin, Erod ehelo ébebaariit tuf, bare aŋ'ámaŋi naane kajamatano.

Hirim Heetoofe hu hi Luk akiñje hu 16:15

Yesu n'aaniin: —Aruun aŋ'árihin kaanuku t'abin aane árijubajub, bare Atambatun ámoomiuun ahaban. Ábuki b'ésuk i kajoke bu naane bómbokun, Atambatun ahuufahuuf bo.

Hirim Heetoofe hu hi Luk akiñje hu 2:25

Náami abajeebaj Serusalem ake ániine huruwu hoone Simiyoŋ. Ániine ondu ite bifeeneŋ, abe ájeŋginajeŋgin Atambatun. Ámoomi ti kanahan an eeja u kafakan *Israyel. Búwejet Beenabe bu búmoomi ne o,

Hirim Heetoofe hu hi Luk akiñje hu 23:50

N'abaj ake ániine huruwu hoone Siseef, ite ti hikinu hite Esuwif i hihi kaane Arimate. Ániine ondu ajakajak, abe ite bifeeneŋ. Ámoomi ti kanahan n'eyakar yómbokun Atambatun eesiiŋan Jáyi joone. Boko kaamo fu *sifaaf site ejoonana i, bare ariboorut ni bakano ti hirim hi kajoke hu te ho, ni ti naane káhine i.

Saaŋ 7:18

An aŋ'anoŋk eesok boone bu, an ondu aŋesa kánikan huruwu hoone. Bare an n'afin aŋes kánikan huruwu hite an eeboño u, ondu an ite bifeeneŋ, anooto an ite meekane.

Epotor i 10:22

Ni kaano: —Korneyi, aseef ite esulaan i áboñina fu uni. Ániine éejube. Ájeŋginajeŋgin Atambatun, abe Esuwif i kareyi fe iŋi kasok te o beejake. Ake amalaka ite Atambatun aanoen aruwi bija te o, eeja eejamatan naŋ n'a̱ja fu kasoku koone.

Epotor i 22:12

«Ake ániine éejube ámoomi bo iŋi kaano Anañas. Ajokajok *Eluwa yite Moyis dómbokun, abe Esuwif i bakate ku Damas fe iŋi kasok te o beejake.

Epotor i 6:3

Kújakuwe, iŋ'ite ho aamo fu arijifan t'aruun háyine kaamo hutok ni bákasuba kéewoore, keehooje bib nu Búwejet Beenabe bu, abe ni káwesinato yooŋ, iriisaaniin burok bondu.

Eleetar i yi Pool akiñje i bakate ku Rom 13:13

Únoŋk ajakee naane aa anoŋkee mijiniŋga raŋgaw. Úwas buñoofo beehahe bu, n'éwusan i; úwas huŋotu hu ni bakan k'úseñeit ku, nu bufurukato bu; úwas síheñjeŋoor su, ni bíhiñanoor bu.

Eleetar i yi Pool akiñje i bakate ku Rom 13:3

An af'aŋ'áhin meejake, awarut kákoleyi keeemo ku t'éŋguur i. Bare af'áhin meejakut, toko t'awariin fu kákoleyi. Afut'á̱maŋi kákoleyi an eeemo t'éŋguur i, á̱hin meejake, abe n'aŋ'asokoroori.

Eleetar i yi Pool akiñje i bakate ku Rom 14:18

An af'áhin burok bite Kiris naane iyu, o katoofu Atambatun, abe ésuk i yooŋ kasoku te o beejake.

Eleetar i yi Pool akiñje i bakate ku Rom 2:29

Asuwif ite u nu múniyo, tu búwejeto t'aamo fu Asuwif, abe kateyi karam kite ku nu múniyo keemo fu kite ehol i. Karam kondu, tu Búwejet bite Atambatun tu kúnuutina fu, t'Eluwa yíiit yeekiñjee i. Asuwif ondu ite u nu múniyo, Atambatun af'asokorooro, kúŋgowulan kíiit.

1 Korent 4:5

Iŋ'ite ho aamo fu atum'arijoonan an tu hunak hu hireeŋoorut. Arinahan Anahaan u eebin: o kafeeñal ti meejaaŋe mu béenuusee bu t'ébaani i, abe n'áwufoor yooŋ biyinoor bite kúŋgowulan ku béenuusee bu. Abe huruw fe, Atambatun kaliiku ti b'áhine bu eesokorooro.

2 Korent 13:7

Uni bokondu ti kalawu Atambatun kaanuku atum'aŋk'árihin doon fe deejakut. Úniiit írimaŋie káwufoor kaanuku burok bite b'uni t'aruun bijakajak, aaa. B'írimaŋie bu kep beemo fu árihin meejake, hutoof yooŋ irijokutee *epotor bakate nu múniyo.

2 Korent 6:8

Iŋi kajok uni nu sumoŋu súsuba, abe ni kafuñatan uni. Ni kasok t'uni beejakut, abe ni kasok t'uni beejake. Ni kajok uni naane ejuusa, abe bare uni bakate bifeeneŋ.

2 Korent 8:18

Íriboñiniinboñin o n'ake ati úne. Ati úne ondu, *kéeyilene ku fe iŋi kasok te o beejake iŋi naane aa awaare ajakee Hirim Heetoofe hu.

2 Korent 8:21

B'iriŋes bu káhinu beemo fu beejake bu, káanukiiit t'Atemit barebare, bare yooŋ tu kúŋgowulan ku.

Galasi 5:22

Bare doon du Búwejet Beenabe bu dundu dubuk tu buroŋ bite b'úne deemo fu: kámaŋioori ku, ni katoofu ku, ni káasuumaay ku, ni kámuñu ku, ni kajaku ku, ni káyokunan kite bakaaku, ni káyemi an ite bifeeneŋ,

Efees 4:25

Iŋ'ite ho aamo fu atum'aŋ'arijuus! Huruw-ruw fe asok áwiyo bite bu nu múniyo, ábuki úhinahin t'afeeneŋ.

Efees 5:9

ábuki meejaaŋe mu uŋu mubuk doon fe deejake, ni deejoŋoore, ni dite múniyo.

Efees 6:14

Náami arijok alitee: arijok múniyo mu naane aa ariwuuj ñibaŋ ti kikeejuuun. Arijok kajoŋoor ku naane aa arisol kájufa kite hitiik.

Fílip 3:1

Kújakuwe, hahiyu iisokuun bonde: kikawuun kutoof naane árihine i t'afeeneŋ n'Anahaan u. It'ílaam hikee ti kasoku koonuun b'iheeke bu iikiñj, abe bo bihaŋe fu káwooru bija t'aruun.

Kolos 4:5

Arinoŋk nu búwesinato hágila kéeyilenut ku. Af'aribaj bítim bite káhiniiin meejake kep, atum'ariwas bo beefakuun.

1 Tesalonik 4:12

Af'árihin iyu, kéeyilenut ku ti *Kiris n'iŋi kasok t'aruun beejake, abe at'árilaaman an fe tu doon.

1 Timote 2:2

Aŋ'arilawo bija ti bákayi ku, ni keeemo ku t'éŋguur i fe, man buroŋ bite b'úne ni bibeb, abe nu butoof. Iyu, n'uŋ'úyini káwufoor kaanuku újeŋginajeŋgin Atambatun, abe yooŋ manoŋkar mite m'úne fe meejake.

1 Timote 3:11

Haare hu yooŋ kiŋki kajokoor kikaw kite sijaŋgu su kawarawar káyemi keejoŋoore, abe kawarut yooŋ kasoku t'an. Kájokumooro, abe kájub tu buroon bu fe.

1 Timote 3:4

Awarawar káyini káyeki butoŋ boone, abe n'áhin yooŋ bakañio kéejeŋgino káhabanein.

1 Timote 4:12

Atum'a̱was an fe eeheebi aŋarkeyi naane á̱moomi añi. Bare á̱hin man kéeyilene ku ni kaliikool n'awe ti máhaminar múuwe, ti manoŋkar múuwe, ti naane á̱maŋie i an, ti káyilen kúuwe, ni *kakuuru kúuwe.

1 Timote 5:10

Awarawar káyemi an éemeyiee tu burok boone beejake bu: an eejoŋoorane bakañio, aŋ'ajok áwariee kiŋki kaja te o, abe yooŋ n'aŋ'añaw wuwot wute *kéeyilene ku. Awarawar káyemi an aŋ'áyokunan yéeni keeemo ku ti sílaam su, abe n'aŋ'áhin yooŋ buroon bánoban beejake.

1 Timote 5:2

A̱jok haare hu keehaane ku naane síñaayi, abe búsuŋgute bu, n'a̱jokiin naane bákaniini, n'ehol yeekuure but.

Eleetar i yi Pool akiñje i Tit 1:8

Bare awarawar kajoku áwariee emoosoora i kiŋki kabin te o, abe n'ámaŋi meejake mu. Awarawar iŋi kayinoor ajakee, n'áyemi an éejube, an eenabe, abe n'aŋ'ájokumooro.

Eleetar i yi Pool akiñje i Tit 2:14

Awunawun buroŋ boone iŋ'ite h'úne, kaanuku eefakan úne ti meejakut fe, abe n'akuuran úne. Iyu, n'uŋ'útumb úyemi bakan koone kéeñiŋkaane ti káhinu buroon beejake taŋ.

Eleetar i yi Pool akiñje i Tit 2:2

A̱ane háyine hu keehaane ku itim'iŋi káwusan; káhin ajakee, kayinoor yooŋ ajakee, kajok alitee ti káyilen ku, ni kámaŋi ku, ni kámuñu ku.

Eleetar i yi Pool akiñje i Tit 2:7

Awe humuumi a̱warawar iŋi káhinu ajakee tu buroon bu fe man ésuk i n'éhin naane awe. Af'á̱yemi ti kaliiken ésuk i, á̱habann eheli, abe n'a̱sok báhamin beeñune.

Eleetar i yi Pool akiñje i Tit 3:14

Bakan wane yooŋ kawarawar káñiŋkaan keeliiken káhinu buroon beejake, kaanuku man ni káyini káyokunan keebaje ku bisawula bómbokun. Ifi káhin iyu, n'iŋi káñjeriŋ ti dike doon.

Esuwif i 11:2

Bakate ku kóŋkeyin, káyilen kooniin kíkinineŋe fu ni katoof Atambatun.

Esuwif i 13:18

Arilaw bija t'uni. Bukuurakuur uni kaanuku ñúwejet ñite ñ'uni ñukuurakuur, abe írimaŋamaŋi káhinu ko kireyi fe meejake.

Saak 1:27

T'Atambatun Faaf úne, bítim bite bu nu múniyo abe nu bukuur, iye i bije fu: biñi bu éfiiten i, ni haare hu ki bákayiniin kakete ku, úyokunaniin kane káyemi ti sílaam, abe utum'úwas buroon beekuurut bu bite bu t'etaam ye béetifen úne.

Saak 3:17

Bare búwesinato béenuutina bu t'etiir, bítiyar bite te bo beemo fu *bukuurakuur. Hunuut toko ni bíyemi bite káasuumaay, ni bíneeni, abe biyaŋgut hikaw. Uŋu buyubiyen dómbokun, abe n'uŋu bubuk kunoŋk keejake. Bújokaariit ésuk i kawayo, abe bútuukaariit.

1 Piyeer 1:22

Arikuuranoorakuuranooro aŋarkeyi naane árijeŋginajeŋgin múniyo mu. Iŋ'ite ho h'árimaŋie fu bakatuuun *kéeyilene ku. Náami árimaŋioori dómbokun siheluun síhabanein.

1 Piyeer 2:12

Buroŋ boonuun t'etut *kéemeyiit ku Atambatun bíyemi beejake. Hutoof yooŋ iŋi kasok t'aruun hahiye kite aruun aŋ'árihin beejakut, boko bare bibin kajuku buroon beejake bu bamb'árihin, abe boko kasokoroor Atambatun hunak h'abin hu.

1 Piyeer 4:8

Beehaŋe bu fe beemo fu árimaŋioori dómbokun, ábuki kámaŋioori aŋ'ahok wuhoofoor weehooje.

2 Piyeer 3:1

Kújakuwe, aruun k'ímaŋie-maŋie ku, eleetar yende ésooboriyan y'íkiñjin fee n'aruun. Tu súsuba su fe, iŋ'íbaŋinanuun b'ariliikenee bu kaanuku man n'arinaŋ tu ñúwejet ñoonuun biyinoor beejoŋoore.

1 Saaŋ 3:18

Kúñuumo, úwarut kámaŋioori ni kirim keetoofe barebare; úwarawar kámaŋioori nu múniyo tu buroon bumb'úhin.

1 Saaŋ 3:3

An fe eebaje eyakar yendu ti Kiris *bukuuranooro naane Yesu Kiris akuure i.

1 Saaŋ 4:1

Kújakuwe, aruun k'ímaŋie-maŋie ku, atum'áriyilen ésuk i fe kiŋki kaane Búwejet Beenabe bu bondu tu boko. Ariŋesiin kep ariijuk man búwejet bi kabaje bu, t'Atambatun tu búnuutina. Isokuunsok bonde ábuki kiŋki kajuus kaane boko kaamo *eyiŋana yite Atambatun bokondu t'etaam i, abe kahoojahooj.