Fílip 4:1 - Kwatay (Kuwaataay)

¹ Náami kújakuwe, aruun k'ímaŋie-maŋie ku, arkaam kasooñu íheelin t'aruun dómbokun. Ábuki aŋ'árihin hikawam heetoof, abe n'aruun yooŋ n'if'isaŋgoor. Iŋ'ite ho aamo fu waasuun, arijok alitee tu buroŋ boonuun n'Anahaan u.

Fílip 4:1 ပူးပေါင်းရင်းမြစ်များ

Májiye 10:22

Ésuk i fe kahuufuuun uŋu húuma hu. Bare an eeja u kajoku alit tip bija tu hunak hiraanu hu, Atambatun kafakano.

Saaŋ 8:31

Yesu n'aane Esuwif i kéeyilene ku te o: —Af'arijok ti hirim húuma, n'aŋ'áami aruun eriboora íima nu múniyo;

Epotor i 11:23

H'areeŋe hu bo ayak ajuk naane Atambatun ásoniyane i kéeyilene ku, nu hutoofo dómbokun. N'ayaŋgananiin kikaw kareyi fe aaniin kajok alit tip t'Anahaan u nu suhol séehabaneina.

Epotor i 14:22

N'iŋi kahaŋ yooŋ káwutiyen *kéeyilene ku sihel ti kikinu kondu, abe n'iŋi kaaniin káñiŋkaan keejok alit tip ti bítim bu. Iŋi kaaniin: —Úwarawar kajuku sílaam sómbokun kaanuku núuyooso ti *Jáyi jite Atambatun.

Epotor i 2:42

Iŋi kajok alit tip ti b'epotor i bimbi kaliikeniin, ni kariiko t'afeeneŋ biriiko beejake, ni kafiitar kumburu ku t'afeeneŋ, abe n'iŋi kalaw yooŋ t'afeeneŋ.

Eleetar i yi Pool akiñje i bakate ku Rom 2:7

Atambatun kawunu buroŋ béehabanaariit bu kiŋki káñiŋkaan ti káhinu kite meejake mu. Tu bondu t'ifi kaŋes kániku ku, nu kusokorooru ku, nu buroŋ béehabanaariit bu.

1 Korent 15:58

Náami kújakuwe, aruun k'ímaŋie-maŋie ku, arijok alitee, abe n'arisiiŋo ayan faŋ. Áriñiŋkaan ko kireyi fe áriihin burok bite b'Anahaan u, ábuki árimoomi kaanuku burok bamb'arirok bija te o, búrokiit káfiiten.

1 Korent 16:13

Áriniyo, abe n'arisiiŋo ayan faŋ ti káyilen ku. Atum'aŋ'árikoleyi, bare aribaj sembe.

Galasi 5:1

*Kiris aramaram úne kaanuku utum'uŋk'úyemi búsukateen bite Eluwa yite Esuwif i. Náami arijok alitee, atum'aŋk'arisooñ áriyemi búsukateen.

Fílip 1:27

Naane hiyino i káyemi fe, buroŋ boonuun bujoŋoor naane Hirim Heetoofe hite hu Kiris husoke i. Káhinu iyu, if'ibinuun kajuku, man yooŋ ibinutuun kajuku, íyinooni kajamu kaanuku arijokajok alitee. N'iŋ'ímeyi kaanuku arijokoorajokoor tu búwejet bifeeneŋ, aŋ'árisiiŋoorein yooŋ áriituum t'afeeneŋ bija ti káyilen ku keeyaajee ku ti Hirim Heetoofe hu.

Fílip 1:8

Atambatun ámoomi kaanuku ímaŋiuunmaŋi arireyi fe naane Yesu Kiris ámaŋiuun i.

Fílip 2:16

aruun ti káwufooriin hirim hite buroŋ bu. Af'árihin iyu, n'iŋ'íyini kasaŋgoor n'aruun hunak hi *Kiris abin hu te ho. Bo káwufoor kaanuku burok búuma bireyi fe káfiiteniit, iñeekut yooŋ fuufu.

Fílip 2:26

Ámaŋiuunmaŋi kajuku dómbokun arireyi fe, abe ehelo yooŋ ebebut, ábuki arijamajam kaanuku ásomutasomut yéeni.

Kolos 4:12

Epafuras eeemo u yooŋ ite t'aruun asaafuun. Akina aroka ite Yesu Kiris, abe aŋ'áñiŋkaan kep ti kalawu Atambatun bija t'aruun kaanuku man n'arijok alitee, n'arihaat yooŋ ti káyilen ku, abe n'arifare káhinu b'Atambatun ámaŋie bu fe.

1 Tesalonik 3:13

Káhinu iyu, o káwutiyenuun sembe kaanuku man hunak h'ábatikein hu te ho, akina Anahaan ite úne Yesu ni bakan k'akino ku fe, n'aŋ'áriyemi bakan keenabe hágila Atambatun Faaf úne, abe an at'áyiniuun kawatan tu doon areyi fe.

2 Tesalonik 2:15

Náami kújakuwe, arijok alitee, abe n'arinaŋ ti kikawuun b'irijoŋoore bu n'aruun iriiliikenuun, man yooŋ b'írikiñjinuun bu.

2 Timote 2:1

Áñuumo, awe bare a̱baj sembe t'Atambatun, éewufoore u úne kajaku koone h'úhine hu t'afeeneŋ ni Yesu *Kiris.

Esuwif i 10:23

Újok alitee t'eyakar i yuy'úwaare iye, ábuki úmoomi kaanuku Atambatun káhinu b'asoke bu.

Esuwif i 3:14

Uf'újok alit tip t'eyakar y'úbaje i huta h'újabe hu káyilen ku bija yooŋ tu hunak hiraanu hu, n'uŋ'úbaj húrub ti *Kiris.

Esuwif i 4:14

Úbajabaj *asaraha ómbokun, o aamo fu Yesu, Añi ite Atambatun. Akanakan bufor bu eeja t'Atambatun. Náami újok alit tip ti káyilen kite k'úne.

2 Piyeer 3:17

Kújakuwe, aruun k'ímaŋie-maŋie ku, aruun bare, ariheeka áriimeyi bonde. Iŋ'ite ho aamo fu aritey énafuta i, itim kabin kahiilanuun ti kájuumu kooniin, kéehinuun atum'aŋk'arijok alitee.