Fílip 3:3 - Kwatay (Kuwaataay)

³ Keeteye ku karam nu múniyo kaamo fu úne. Ábuki úne uf'úlaw Atambatun ti sembe site Búwejet boone, úne kuŋk'úsaŋgoor ni Yesu *Kiris, abe úsikut kikaw úne únaŋ t'ejoosan ite kúŋgowulan ku.

Fílip 3:3 ပူးပေါင်းရင်းမြစ်များ

Eleetar i yi Pool akiñje i bakate ku Rom 1:9

Atambatun, akina ii irok íhabanein bija te o, ti kawaare kite Hirim Heetoofe heesoke hu bite b'Añi oone, ámoomi kaanuku ehelam eŋ'éyemi t'aruun

Eleetar i yi Pool akiñje i bakate ku Rom 15:17

Náami naane íhine i t'afeeneŋ ni Yesu Kiris, íyinooni kasaŋgoor nu burok b'eemo bu te bo bija t'Atambatun.

Eleetar i yi Pool akiñje i bakate ku Rom 7:6

Bare hahiye uŋkut úkol n'Eluwa i, ábuki te yo yéekulaanie i úne, úmoomi naane bakan keekete. Náami úyinooni karoku bija t'Atambatun ti máhinar míyeni, ti sembe site Búwejet Beenabe bu, káanukiiit ti máhinar meefiyee méenuutina t'Eluwa i.

Eleetar i yi Pool akiñje i bakate ku Rom 8:15

Abe Búwejet b'Atambatun awunuun bu bíteiit káhinuuun áriiyemi búsukateen, ariisooñ áriyemi bukoloow. Bare Búwejet b'awunuun bu bite káhinuuun áriiyemi bakañio. Bo b'ifi bitiŋg úne núutaŋk úeno: «Aba, Faafa!»

Eleetar i yi Pool akiñje i bakate ku Rom 9:6

Eenut Atambatun áhinut b'asoke bu, aaa. Bare káanukiiit bakañi Israyel kareyi fe kaamo fu bakañi Atambatun bakate ku nu múniyo.

2 Korent 11:18

Makamu keehooje iŋi kamak naane bakate ku t'etaam ye, íñje yooŋ íihin naane boko.

Galasi 5:25

Makamu Búwejet Beenabe bu buwune fu úne buroŋ bu, úwas bo beejoŋooran buroŋ bite b'úne.

Galasi 6:16

Kiŋki kajok fe buroŋ bondu b'isokuun bu, Atambatun aja awuniin káasuumaay, abe n'ayubiyeniin, boko ni bakaaku yooŋ k'akino ku fe.

Efees 6:18

Naane biyino i káyemi fe, arilaw Atambatun ko kireyi fe naane Búwejet Beenabe bu biyakuun i káwufoor. Siheluun síniyo, abe n'aŋ'arilaw kep bija ti bakan kite Atambatun kareyi fe.

Fílip 1:1

Íñje Pool ni Timote, eroka yite Yesu *Kiris írikiñjinuun fee aruun arireyi fe, bakan kite Atambatun ki Yesu Kiris akino ku keeemo ku Fílip, nu kunahaan koonuun, n'ejokoora yeeniin.

Fílip 3:12

Eenut iheeka iibaj b'iŋese bu, man yooŋ iheeka iikuuranee but. Bare íñj'endu ti kateyi kep kaanuku man n'iheek íisik hisiibanu hu, ábuki Yesu *Kiris aheeka eejokam t'emoŋu.

Fílip 3:14

íñj'endu ti kateyi kep kaanuku man n'ísik hisiibanu hu. Atambatun aruwaruw úne kaanuku núusik ho t'etiir iŋi naane úhine i t'afeeneŋ ni Yesu Kiris.

Kolos 2:11

Naane árihine i ne o t'afeeneŋ, *ariteyanee yooŋ karam; káanukiiit karam kite kúŋgowulan ku, bare karam kéenuutina ku ti Kiris. Ko keemo fu anuutana síjiko sinsi sitiŋguun yéeni ariihoofoor.

Eleetar i yi Sud akiñje i 1:20

Kújakuwe, aruun k'ímaŋie-maŋie ku, aruun bare, arihaŋ bija hágila ti káyilen koonuun keenabe ku. Aŋ'arilaw ni sembe site Búwejet Beenabe bu.