Fílip 3:19 - Kwatay (Kuwaataay)

¹⁹ boko búmuje tu bútowuto, ábuki kariin keemo fu etambatun yeeniin, abe beewariin bu yéeni káhinu keefuño, ne bo n'ifi kasaŋgoor. Buroon bite bu t'etaam ye taŋ b'ifi kayinoor.

Fílip 3:19 ပူးပေါင်းရင်းမြစ်များ

Májiye 16:23

Bare Yesu n'aweteko abe n'aane Piyeer: —A̱kambam «Setani»! Aw'ondiam ti kafitu, ábuki aŋ'a̱yinoor naane kúŋgowulan ku, bare náaneiit Atambatun.

Májiye 25:41

«Ahaban, n'aŋ'aane keeemo ku inde baamayo: “Arikambam, aruun k'Atambatun áwuume ku! Arija ti sineemak séehokaariit su, seefaree su bija ti Setani n'emalaka yeene!

Hirim Heetoofe hu hi Luk akiñje hu 12:19

Ihaban, n'iŋ'eene: óom, ebaj íiwe yendu bija yooŋ simit. A̱yih, a̱ñoofo, abe n'á̱hujo a̱afin a̱takanoor.»

Hirim Heetoofe hu hi Luk akiñje hu 16:19

—Abajeebaj ake ániine husaanum. Wañ wu waw'asiimo uŋu wúwari naane, abe nu wuseer. Húnakonak fe aŋ'añoofo atoofee.

Hirim Heetoofe hu hi Luk akiñje hu 18:4

Bare ajoonana u n'ateñeko. Abin ahaŋ bifiyo, n'ayinoor aane: «Múniyo, íkoleyiit Atambatun, butumam yooŋ bunooto t'an.

Eleetar i yi Pool akiñje i bakate ku Rom 16:18

ábuki bakan naane bokondu károkaariit bija ti *Kiris Anahaan ite úne; iŋi karok bija ti kariin! Nu ñutum ñooniin ñeetoofe ñaa, ni báhamin booniin yooŋ bite kásoŋotiyan ku n'ifi kabuut kéeniyeit ku.

Eleetar i yi Pool akiñje i bakate ku Rom 6:21

Náami naŋ n'aribaje fu toko? Buroon béefuñinanie t'aruun úmiye, ábuki iŋi bibin n'eket i!

1 Korent 3:3

ábuki buroŋ boonuun búmoomi naane bite bu bakate ku t'etaam ye. Naane aamo i aŋ'arihiñanoor abe yooŋ aŋ'ariheñjeŋoor, eeman aamo fu árimoomi naane bakate ku t'etaam ye, máhinar moonuun yooŋ naane mite bakate ku t'etaam ye?

1 Korent 5:2

Abe aruun bokondu yooŋ ti biyitooro! Eeman ariwarawar yéeni kátaañian dómbokun, abe n'arinuutan t'aruun an u aa áhin ii bondu?

1 Korent 5:6

Biyitooro boonuun bondu bijakut! Árimeyiit kereŋ naane báhamin bonde bije i: «*Élefir yeefamut ef'ékundufuloolan éfariŋ yeefame»?

2 Korent 11:12

Ibaa káhinu naane ii íhin hahiye. Iyu, kiŋki kaŋes kasaŋgoor ti kaanu ku karare n'uni tu burok bu iti kabaj bi kaware bukuuso te bo.

2 Korent 11:15

Náami buwarut yooŋ kajahal an kane eroka yite Setani kásik búnokoorum bite eroka yite meejake mu. Bare kámuje kooniin, boko kágalinee doon deejakut fe di karoke.

Galasi 6:13

Keeteye ku karam boko kumuumiin kájeŋginaariit *Eluwa yite Moyis ereyi. Kámaŋamaŋi aritey karam kaanuku iŋi kabin kamak kaane boko kákinineŋe fu n'aritey karam.

Fílip 2:21

Bakaaku fe uŋu hooniin hu h'ifi kayinoor, bare iŋ'ite híiit Yesu *Kiris.

Kolos 3:2

Ariyinoor iŋ'ite buroon beeemo bu t'etiir kep, abe n'ariwas biyinoor bite buroon beeemo bu t'etaam.

2 Tesalonik 1:9

Kúnuur ki kaja ku kajuku keemo fu konde: boko bútowuto hiraanu, keekamboor sat n'Anahaan u, ni sembe soone séenike su.

2 Tesalonik 2:12

Náami kéeyilenut ku fe tu múniyo mu, abe n'iŋi kabaj katoofu kooniin ti meejakut mu kajoonanee.

2 Tesalonik 2:8

Ánafuta u n'aŋ'áŋaasin, abe Anahaan u Yesu n'aŋ'áwuur te o eeyoolo. O kátumbu ábujarooroo ni meejaaŋe meeyak mu káriboorina ne o kane ábatikein.

1 Timote 6:5

ni síjeeŋoor séehabanaariit su. Kiŋki káhin iyu, ñúwejet ñooniin ñíbaanabaani, abe iŋkut kámeyi yooŋ múniyo mu. Iŋi kaane man káyilen ku t'Atambatun efehe yite bisaanumato.

2 Timote 3:4

Boko kásiku bakan kasaan bakaake, ni káhin yooŋ buroon beeñunut, abe ni kayitooro. Kámaŋi kite beetoofiin bu kihaŋe fu tu boko kámaŋi kite Atambatun.

Saak 4:16

Bare aruun n'aŋ'arifin ariyitooro ti jísamban joonuun. Biyitooro naane bondu bijakut.

2 Piyeer 2:1

Kóŋkeyin, abajabaj *Israyel bakan iŋi karito ni kajuus kaane boko kaamo *eyiŋana yite Atambatun. Iyu yooŋ i bakaake kayak fu birito t'etutuun, abe n'iŋi kajuus kaane boko kaamo émuse, bare bi kaja fu kaliiken ésuk i bíteiit nu múniyo. Boko kaliikenuun bite haajuus bite kátowutan ésuk i, abe boko biteñeko yooŋ Ámuse u eejaame u wuhoofoor wooniin. Iŋ'ite ho aamo fu bútowuto booniin káfufu, abe n'aŋ'áami boko kaŋese bo.

2 Piyeer 2:13

Kunoŋk keejakut ki káhine ku bakaaku, boko kabatikanee ko. Katoofu kooniin fe keemo fu ni káhin wúfaŋi wooniin weejakut wu mijiniŋga raŋgaw. Ifi káyemi tu buñoofo n'aruun t'afeeneŋ, iŋi kajuusuun kep kikawiin keetoof; abe bondu bútumbatumba búfuñinani t'aruun.

2 Piyeer 2:3

Émuse yendu, káfaŋi kooniin kite sírirem su káhinu ni kasokuun báhamin bi kanoŋke kéetuut, kaanuku man ni kahoohuun. Bare afiyee naane kajoonan kooniin kisiiŋee i, abe at'ahul bútowuto booniin ni bireeŋ!

Eleetar i yi Sud akiñje i 1:10

Bare háyine hondu iŋi kálafatin bi kámeyiit bu. Abe buroon bimbi kanoŋkooro kéehin naane bíndakakureŋ bu, bondu yooŋ bija fu kátowutaniin.

Eleetar i yi Sud akiñje i 1:16

Bokondu burokiin kawatan ésuk i taŋ, kámusut hikee katoofan; beetoofiin bu taŋ b'ifi káhin. Báhamin booniin fe jímak, abe ñutum ñu aŋ'atoof naane kaanuku keebaj t'ésuk i doon.

Eleetar i yi Sud akiñje i 1:4

Ábuki abajeebaj bakan keejakut, kéenuusee kéeyoosein t'aruun. Iŋi kawetekanoor hirim heesoke hu mite kajaku kite Atambatun ite úne, kaanuku kéeyini káhinu beejakut naane hutoofiin i. Iyu ifi kateñeko Yesu *Kiris eeemo u Aseef ite úne unoono, n'Anahaan u yooŋ toko. Afiyeefiyo naane *Míkiñjin mu musoke i buŋ b'Atambatun aja fu kaniju tu boko.

Kafeeñal ku 18:7

Árihin ho heejuk sílaam, nu wútaañi are ni naane hínikaanie i, are yooŋ n'ebaj yeehahe i yi híbajaanie i. Iŋi hiyinoor yéeni ni heene: “Iriikariiko diye naane áyi anaare, inooto anaare a áyino akete, abe it'ímus kátiñja hikee.”

Kafeeñal ku 19:20

Éndakakureŋ i n'ejokee, yo n'an u aa ajuus aane akina *ayiŋana ite Atambatun, eebine u áhin buroon beehaŋe bu ésuk i kikaw tu buhooŋu éndakakureŋ i. (Nu bondu beehaŋe bu ésuk i kikaw n'abuute fu bakan kéeyekie ku ékeetanuma yite éndakakureŋ i, abe n'iŋi kásukaay búwisenum bite te yo.) Éndakakureŋ i n'an u aa ajuus aane akina ayiŋana ite Atambatun ni káfiitenee bároŋari ti han hite sineemak su n'efor yéesufe i.

Kafeeñal ku 21:8

Bare bukoloow bu, ni kéeyilenut ku, ni kiŋki káhin buroon béekojie bu, ni kiŋki kayool bakan, ni kiŋki kaŋot ni bakan ki kaseñeit ku, n'élugusa i, ni kiŋki kásukaay ñúwisenum ñu, n'ejuusa i fe, boko káyemi ti han héesufe-sufe hu hite sineemak su n'efor i. Ho heemo fu eket ésooboriyan i.

Kafeeñal ku 22:15

Bare kiŋki káhin meejakut mu, n'élugusa i, ni kiŋki kaŋot ni bakan ki kaseñeit ku, ni kiŋki kayool bakan, ni kiŋki kásukaay ñúwisenum ñu, n'ejuusa i fe kiŋki kámaŋi buroon bite haajuus hu, boko káyemi tíyaŋ!