Fílip 3:18 - Kwatay (Kuwaataay)

¹⁸ Bakan keehooje iŋi kanij naane enatoora yite Kiris eekete u *t'ekuruwa i. Iŋ'ifanduun bo kasoku, abe iisooñ isokuun bo hahiye, muhuw múuma ti bibin yooŋ kep:

Fílip 3:18 ပူးပေါင်းရင်းမြစ်များ

Hirim Heetoofe hu hi Luk akiñje hu 19:41

Hi Yesu ahaŋe hu kalohen hikinu hu, aŋ'ajuk ho, n'asaboor te ho

Epotor i 20:19

Irokarok bija t'Atemit abe iyitooreit. Iyiyayiy abe yooŋ ílaamalaam, ábuki Esuwif i iŋi kakuukooro uŋu húuma hu.

Eleetar i yi Pool akiñje i bakate ku Rom 9:2

ítaañianataañian dómbokun, abe ehelam yendu ti káseñji kéeraanaariit iŋ'ite hu bakanam k'írihine ku eheet efeeneŋ. Ítumbatumba ímaŋi Atambatun áwuumam, abe n'áhinam iiwasoor ni Kiris kane arko bondu búnooni kákinineŋ bakanam ni kafak.

1 Korent 1:18

Múniyo kawaare kite eket ite *Kiris *t'ekuruwa i, bakan keeemo ku tu bútowuto bu kajokajok ko naane beeñunut. Bare t'úne keeemo ku ti bítim bite kafaku ku, diyu sembe site Atambatun.

1 Korent 6:9

Árimeyiit kaanuku kiŋki káhin meejakut mu iti kamaat hikee ti *Jáyi jite Atambatun? An atum'abuutuun: kiŋki kafurukato, n'ewaasena i, ni kiŋki kaŋot ni bakan ki kaseñeit ku, ni kiŋki kaŋot ániine n'ániine,

2 Korent 11:13

Bokondu épotoriit bakate nu múniyo. Iŋi kajuus ésuk i tu burok booniin, abe n'iŋi kásik búnokoorum bite epotor bakate Kiris keebuut ésuk i.

2 Korent 11:29

Ake afut'áyilen ti Kiris ayanee, ehelam fe eŋ'ehabano; ake n'afin aney ti kaahoofoor, iŋ'ítaañian dómbokun.

2 Korent 2:4

Ítaañianataañian dómbokun h'ibine hu íkiñjinuun, ehelam ehabanahabano yooŋ fe, abe iyiyayiy dómbokun. Ímaŋiituun káhinu áriitaañian, bare ikiñjuunkiñj kaanuku áriimeyi naane ímaŋiuun i ariike.

Galasi 1:7

Káanukiiit man abajeebaj hike hirim heetoofe, aaa, abajutee. Bare abajeebaj bakan keeemo ti kábujuuun sihel, kéemaŋie kawetekanoor Hirim Heetoofe hite hu Kiris.

Galasi 2:14

H'ijuke hu kaanuku kanooto ti káhinu ajoŋooree ariib nu múniyo mite Hirim Heetoofe hu, n'eene Piyeer tu buhooŋu kéeyilene ku fe: «Awe eeemo u Asuwif, á̱hinoorahinooro beebe naane keenooto ku Esuwif, á̱hinut naane Esuwif i. Buŋ b'a̱sooñe fu á̱maŋi katiŋgu keenooto ku Esuwif kéehin naane Esuwif i?»

Galasi 2:21

It'iteñeko hikee kajaku k'Atambatun áwufoore ku. Ábuki arko Eluwa yite Moyis eja fu kákinineŋ Atambatun n'ajok ésuk i bakan kéejube, náami kame Kiris aketaket fuufu.

Galasi 5:21

bimero buroon bite bakan, éwusan i, buñoofo beehahe bu, ni bike buroon yooŋ beehooje naane bondu. Iisooñ íyeegaluun naane íyeegaluun i bo: kiŋki kanij iyu iti kamaat ti *Jáyi jite Atambatun.

Galasi 6:12

Kiŋki katiŋguun ii kaane ariwarawar *kateyi karam, kámaŋamaŋi bujukano ésuk i tu buroon bite kúŋgowulan. Bondu bimbi káhin ii, kaanuku taŋ itim kabin káhihinooree naane kiŋki kawaare eket ite *Kiris *t'ekuruwa i.

Galasi 6:14

Íñje bare, ekuruwa yite Anahaan ite úne Yesu Kiris taŋ y'ija fu kamaku. Eket yeene t'ekuruwa i ékinineŋe fu n'ijok buroon bite aduna i naane beekete, bo yooŋ nu bujokam naane an eekete.

Efees 4:17

Bonde b'ija fu kasokuuun, abe íñje kajoku te bo alitee tu huruwu hite Anahaan u: buroŋ boonuun itim'iŋki bíyemi naane bite kéeyilenut ku. Biyinoor booniin bibajut éñjeriŋ,

Fílip 1:4

Ehelam eŋ'etoofan ko kireyi fe kane ilaw bija t'aruun fe,

1 Tesalonik 4:6

An awarut kahoofoor, man yooŋ n'abuut áwiyo éeyilene naane akina tu buroon bite haare hu. Irisokuunsok ayan faŋ kaanuku Anahaan u kaniju ásuf ti kiŋki káhin wuhoofoor naane wondu.

2 Tesalonik 3:11

Irisokuunsok bonde ábuki irijamajam kaanuku bakaake t'aruun biñek, károkaariit doon fe, tiŋkan buyooso ti bi kakolut bu ne bo.

2 Piyeer 2:10

O kahaŋu kaniju ti kiŋki kanaban wúfaŋi weejakut wute siniiin, abe n'iŋi kahuuf hiseefaate hu. Bokondu kiŋki kaliiken ésuk i bite haajuus hu kákoleyiit Atambatun, abe yooŋ iŋi kayitooro. Kájeŋginaariit bakate ku t'etiir kéenike ku, bare iŋi kátumb kálafatiniin.

Eleetar i yi Sud akiñje i 1:13

Kámoomi naane kúsuw ti han heeriye; iŋi káfuujin buroon booniin béefuñinanie bu naane han hu uu húyuusin kúsuw kite te ho ti katafa ku. Kámoomi naane wúloofiiloof weehiile, abe Atambatun afareiinfare báakinum bite hiraanu tej t'ábaanie-baanie du.