Fílip 3:15 - Kwatay (Kuwaataay)

¹⁵ Úne keeyane ku ti bítim bite Atambatun, iyu u úware fu kayinoor. Abe bakaake t'aruun ifi kayinoor awayee, Atambatun káwufooruun múniyo mu akuur but.

Fílip 3:15 ပူးပေါင်းရင်းမြစ်များ

Májiye 5:48

Faafuun eeemo u t'etiir aŋ'akuur but; aruun yooŋ áriyemi naane akina.

Hirim Heetoofe hu hi Luk akiñje hu 11:13

Naane árijakaatie i fe, árimoomi kawunu bakañuuun buroon beejake. Náami buŋ bi Faaf úne eeemo u t'etiir atuf'áhin ahaŋ diyu ariike, eewun Búwejet Beenabe bu kiŋki kalawo bo?

Saaŋ 6:45

Tu wuwiit *w'eyiŋana yite Atambatun kakiñje wu, busokeesok toko kaanuku: «Atambatun kaliikeniin kareyi fe.» An fe eejamatane Atambatun, abe n'ajok b'aliikeno bu, o bibin t'íñje.

Saaŋ 7:17

An af'ámaŋi káhinu b'Atambatun ámaŋie bu, o kámeyi man bimb'iliiken ésuk i, t'Atambatun tu búnuutina fu, man yooŋ íñje iŋ'inoŋk iisok.

Eleetar i yi Pool akiñje i bakate ku Rom 15:1

Úne keeyane ku ti káyilen ku, úwarut kaŋesu káhinu beetoofe bu úne, bare úwarawar káyokunan keebajut ku káyilen keeyane.

1 Korent 14:20

Kújakuwe, atum'aŋ'ariyinoor naane biñi. Ti káhinu kite meejakut mu, áriyemi naane bilekej; bare ti biyinoor bu, áriyemi naane sifaaf.

1 Korent 2:6

Bare keeemo ku káyilen kooniin kiyanayan, iŋ'iriwaareiin búwesinato bu. Búwesinato bite bíiit t'etaam ye, bite bíiit yooŋ bakan kómbokun ku bakate ku t'etaam ye keeemo ku bakate bútowuto.

Galasi 5:10

Bare Anahaan u áhinahin hikawam heeyaŋg t'aruun. Bukuuramkuur kaanuku at'ariyinoor beewayee nu búuma bu. Bare an u aa ábuj ii siheluun, are buŋ m'are, Atambatun kaniju te o.

Efees 1:17

Iŋ'ilaw Faaf u éenike u, Atambatun ite Anahaan ite úne Yesu *Kiris kaanuku eewunuun Búwejet bite búwesinato, ni bite káwufooruuno, abe ni bíhinuun ariihaŋo kámeyi.

Kolos 1:28

Kiris ondu if'iriwaare ésuk i fe. Iŋ'íriyeegaliin, abe n'iriliikeniin yooŋ ni káwasi k'Atambatun awune ku uni fe, kaanuku man huruw fe n'abin asiiŋo hágila Atambatun, káahaatin ti naane áhine i t'afeeneŋ ni Kiris.

Kolos 4:12

Epafuras eeemo u yooŋ ite t'aruun asaafuun. Akina aroka ite Yesu Kiris, abe aŋ'áñiŋkaan kep ti kalawu Atambatun bija t'aruun kaanuku man n'arijok alitee, n'arihaat yooŋ ti káyilen ku, abe n'arifare káhinu b'Atambatun ámaŋie bu fe.

1 Tesalonik 4:9

Kújakuwe, ti kámaŋioori keeware ku kabaju t'etut bakan *kéeyilene, arisawuleit ariikiñjee tu bondu, ábuki Atambatun humuumo áwufooruunwufoor naane ariware i kámaŋioori.

2 Timote 3:17

Iyu a Atambatun áhine fu kaanuku man an eeemo oone n'áyemi an eefaree áhabanein, éeyinie káhinu burok fe beejake.

Esuwif i 5:14

Bare maanu wéekunde wu, wo wute keehaate ku; buroon bimbi kajuk tu buroŋ booniin biliikenaliiken siheliin kámeyi beejake bu ni beejakut bu.

1 Saaŋ 2:5

An bare éejeŋgine hirim hoone, kámaŋi k'ámaŋie ku Atambatun keeyane faŋ. Iye u úyinie fu kámeyi man úhinahin t'afeeneŋ n'Atambatun.