Fílip 2:2 - Kwatay (Kuwaataay)

² Náami árihinam iitoofan ireeŋan: árimaŋioori, aribaj biyinoor bifeeneŋ, siheluun yooŋ síyemi efeeneŋ tu doon fe d'árimaŋie káhinu.

Fílip 2:2 ပူးပေါင်းရင်းမြစ်များ

Saaŋ 3:29

Eeman kereŋ an eesee akino fu anaar'o? Bare ajak u, akina aa asiiŋo kaagoroor n'an eesee u, eejam naane aa asok, aŋ'atoofan dómbokun naane aa ajam kaaji koone. Katoofu kondu yooŋ keemo fu t'íñje, abe itoofanatoofan íhabanein.

Epotor i 1:14

Kareyi fe iŋi kafand bukuukanooro keelaw, boko ni haare hu, ni Mari íñaay ite Yesu, ni bakati kite Yesu yooŋ.

Epotor i 2:1

H'aamo hu hunak hite *efeet ite Pantakot hireeŋa, *kéeyilene ku kareyi fe ni kakuukanooro tand'afeeneŋ.

Epotor i 2:46

Húnakonak fe iŋi kafand bukuukanooro *t'Enuuf ite Atambatun. Iŋi kafiitar kumburu ku tu sunuuf sooniin, abe ni kañoofo t'afeeneŋ siheliin ti katoofu kep, abajut yooŋ biyitooro.

Epotor i 5:12

*Epotor i n'iŋi káhin buroon beehooje-hooj beehaŋe ésuk i kikaw. *Kéeyilene ku kareyi fe iŋi kafand bukuukanooro *t'Enuuf ite Atambatun, ti káwuwoor kite *Salomoŋ.

Eleetar i yi Pool akiñje i bakate ku Rom 12:16

Arijok ésuk i fe kare. Atum'ariyitooro, bare arijokoor ni bakan keejokutee ku doon fe. Atum'arijokooro bakan kéewesinatee.

1 Korent 1:10

Kújakuwe, íñj'endu ti kalawuuun tu huruwu hite Anahaan ite úne Yesu *Kiris: arijamoor, káwaajinoor itim kibaj t'etutuun. Arijokoor alit tip ariibaj búwejet bifeeneŋ ni biyinoor bifeeneŋ.

2 Korent 13:11

Hahiyu úwasoor kújakuwe! Ariŋes káyemi bakan keekuure but, ariyaŋgananoor kikaw, arijamoor, abe n'arikin ti káasuumaay. Af'árihin iyu, Atambatun éemaŋie u ésuk i, abe n'aŋ'awuniin káasuumaay n'aŋ'áyemi n'aruun.

2 Korent 2:3

Iŋ'ite ho h'ibine fu íkiñjinuun yaayu eleetar, ábuki ímaŋiit bibin t'aruun, n'íŋaabein bakan keeware ku yéeni káhinu hikawam heetoof ni káhinam íitaañian. Múniyo bukuuramkuur kaanuku hikawam ufu hutoof, arireyi fe koonuun ku yooŋ uŋu kutoof.

2 Korent 7:7

Abe káanukiiit kikaw uni kiyaŋgayaŋg iŋi naane Tit áreeŋina i barebare, bare kiyaŋgayaŋg yooŋ iŋi naane asoke i uni kaanuku aruun kumuumuun aribeetoorobeetoor. Asokasok uni kaanuku árimaŋamaŋi dómbokun kasooñu arijukam, n'asok yooŋ naane ariwatanooree i beebine bu bibaj, ni naane árihabaneina i bísiiŋooreina n'íñje, isooñen hikawam ni hihaŋ katoofu.

Fílip 1:4

Ehelam eŋ'etoofan ko kireyi fe kane ilaw bija t'aruun fe,

Fílip 2:16

aruun ti káwufooriin hirim hite buroŋ bu. Af'árihin iyu, n'iŋ'íyini kasaŋgoor n'aruun hunak hi *Kiris abin hu te ho. Bo káwufoor kaanuku burok búuma bireyi fe káfiiteniit, iñeekut yooŋ fuufu.

Fílip 2:20

O unoono taŋ i iribaje fu kaayinoor kifeeneŋ, abe ehelo fe yendu t'aruun.

Fílip 4:2

Íñj'endu ti kalawu haare honde t'ésubaiin, Ewodi ni Sentis, waasi, kajokoor naane huruw n'at'o, ábuki Anahaan u ákiniuun fu.

Kolos 2:5

Hutoof yooŋ ikambuunkamb, ehelam bare yendu t'aruun, abe hikawam hutoofatoof dómbokun, ábuki ijukajuk naane arijoŋoore i, abe n'arijok alitee ti káyilen koonuun ti Kiris.

2 Tesalonik 2:13

Kújakuwe, iriwarawar kaanu ko kireyi fe Atambatun eyeehen uŋu hoonuun hu, aruun k'Anahaan u ámaŋie ku. Múniyo Atambatun ajifanuunjifan kaanuku áriiyemi étiyar i ti kafaku ku.

2 Timote 1:4

Iŋ'íbaŋino muhuw múuwe, n'aŋ'arkaam kasooñu ijuki kaanuku hikawam heetoof.

Filemoŋ 1:20

Hee ati, íñje ilawi, waasi, a̱wunam bonde iŋ'ite h'Anahaan u: á̱hin ehelam yeerooŋo iŋi naane waajokoore i ti Kiris.

2 Saaŋ 1:4

Hikawam hutoofatoof dómbokun h'ijuke hu kaanuku bakaake ti bakañii kakinakin tu múniyo mu naane t'eluwa yi Faaf u asaane i úne esoke du.

3 Saaŋ 1:4

Bimbi bihaŋ káhinu hikawam heetoof fe beemo fu kane ijam kaanuku bakañiam kakinakin tu múniyo mu.