Fílip 2:19 - Kwatay (Kuwaataay)

¹⁹ Tu hutoofe Anahaan u Yesu, íñje káboñinuun memee Timote, kaanuku man hikawam ni hiyaŋg ti b'ija bu kajamu t'aruun.

Fílip 2:19 ပူးပေါင်းရင်းမြစ်များ

Májiye 12:21

abe *kéemeyiitam ku fe kanaŋu eyakar yeeniin te o.»

Epotor i 16:1

Hunuut toko, Pool n'aja Derib, ahaban n'aja Listir. Abajeebaj bo ake ániine éeyilene huruwu hoone Timote. Íñaayo Asuwif éeyilene, abe faafo *Agerek.

Eleetar i yi Pool akiñje i bakate ku Rom 15:12

*Esayi yooŋ asokasok ti Míkiñjin mu aane: «Ake kánuutina tu noota nite Seese. O bíriteina eebin éeyemi aseef ite keenooto ku Esuwif, abe boko kanaŋu te o eyakar yeeniin.»

Eleetar i yi Pool akiñje i bakate ku Rom 16:21

Timote ii irirok, n'ebukaam Lusiyus, ni Saason, nu Sosipater kasaafuun.

1 Korent 4:17

Bondu bíkinineŋe fu n'íboñinuun Timote eeemo u naane añiam i ímaŋie, abe n'ájub t'Anahaan u. O kábaŋinanuun buŋ bu buroŋ búuma ti bítim bite Kiris beemo fu ariike, abe buroŋ bondu b'if'iliiken ésuk i tánotan ti *kéeyilene ku kareyi fe.

Efees 1:13

Aruun yooŋ kéehine ku t'afeeneŋ ni Kiris, arijamajam hirim hite múniyo mu, heeemo hu Hirim Heetoofe hu héekinineŋe hu n'arifak. H'áriyilene hu ti Kiris, Atambatun n'áhin t'aruun éluwenuma yite káwufoor kaanuku aruun bokoone ku; yo yeemo fu Búwejet Beenabe bu b'afiye bu aane o kawunu úne.

Fílip 1:1

Íñje Pool ni Timote, eroka yite Yesu *Kiris írikiñjinuun fee aruun arireyi fe, bakan kite Atambatun ki Yesu Kiris akino ku keeemo ku Fílip, nu kunahaan koonuun, n'ejokoora yeeniin.

Fílip 2:18

Aruun yooŋ kikawuun kutoof, abe katoofu keeemo ku t'aruun, ko káyemi yooŋ t'íñje.

Fílip 2:28

Iŋ'ite ho i ihaŋe fu kámaŋi káboñinuuno, kaanuku man af'arijuko, n'arisooñ aritoofan, abe íñje humuumam yooŋ n'iraan kátaañian ku.

1 Tesalonik 3:2

abe n'íriboñinuun ati úne Timote aa arok n'uni bija t'Atambatun ti kawaare kite Hirim Heetoofe hu, heesoke hu iŋ'ite hu Kiris. Íriboñinuunboñino kaanuku eeyaŋgananuun kikaw ti bítim bu, abe n'ahaŋ yooŋ kalitan káyilen koonuun.

1 Tesalonik 3:5

Ho híkinineŋe fu naane aamo i iŋkut íyini kanahan, n'íboñin Timote eebin eejuk buŋ bi káyilen koonuun keemo fu. Íkolakoleyi iŋ'eene yéeni man Setani n'abuutuun, butum burok b'iriroke bu fe bite fuufu.

2 Tesalonik 1:3

Kújakuwe, iriwarawar kaanu Atambatun ko kireyi fe eyeehen uŋu hoonuun hu. Abe ajakeejak naane ii írihin iyu, ábuki káyilen koonuun kihaŋa bija hágila, abe kámaŋioori k'árimaŋioorie ku kondu ti kahaŋu kayanu.

2 Timote 1:12

Bo bíkinineŋe fu sílaam súuma sonde. Bare ifuñeit bondu, ábuki ímoomi t'aañ ti hikawam hiyaŋge fu, abe bukuuramkuur kaanuku abajabaj sembe site kajukar b'ánihanam bu bija tu hunak hite Kajoonan ku.

Saak 4:15

Bonde b'ariware fu kasoku. Ariene: «Atemit af'ámaŋi, uni karoŋu, abe n'iŋ'írihin bonde man yooŋ bonda.»

1 Piyeer 1:21

Te o t'af'ariŋaas áriiyilen t'Atambatun éeritanno u t'eket i, abe n'áhino éenik. Iyu a ariyite fu káyilen koonuun, n'eyakar yeenuun fe arinaŋ t'Atambatun.