Fílip 2:15 - Kwatay (Kuwaataay)

¹⁵ man n'áriyemi bakañi Atambatun *keekuure, keeyinaatee kawatan tu doon. Arikinakin t'etaam ye ni ñatuuk, ni bakan keejakut, bare atum'árihin doon fe di káyiniuun katinan te do. Aruun kasilan tu boko naane búloofiiloof bu tu bufor bu,

Fílip 2:15 ပူးပေါင်းရင်းမြစ်များ

Májiye 10:16

—Arijamatan, iiboñuun naane bíkarniina t'etut bindaafaan bu. Áriwasiyoor naane ñuroon ñu, abe n'árineeni naane kúleebaan ku.

Májiye 17:17

Yesu n'aane: —Áribajaatia teereŋ káyilen! Ariyaŋgayaŋg faa kikaw, aruun bakate ku hahiye! Bija kaakaŋ n'ija fu iŋki biriiko n'aruun? Íñj'endu ti kajoku hikawam kep bija kaakaŋ? Aribinam n'añi u diye.

Májiye 5:45

Iyu, n'aŋ'áriwufoor kaanuku aruun ariemo fu biñi bite Faafuun eeemo u t'etiir. Ábuki aŋ'áhin taanak toone téerumin ti keejake ku ni ti kéenafute ku, n'áhin yooŋ etiir i yéenubin ti kiŋki kanij ajakee ni kéenijaariit ku.

Májiye 5:48

Faafuun eeemo u t'etiir aŋ'akuur but; aruun yooŋ áriyemi naane akina.

Hirim Heetoofe hu hi Luk akiñje hu 1:6

T'ésubaiin fe, buroŋ booniin butoofatoof Atambatun. Iŋi káhin naane buluwa boone busoke i ajoŋoor júl.

Hirim Heetoofe hu hi Luk akiñje hu 6:35

N'afin áami aruun, árimaŋi enatoora yeenuun, abe n'árihiniin meejake. Arimaageniin yooŋ, abe n'arinuutan toko siheluun. Af'árihiniin iyu, aruun kabaju hisiibanu hómbokun, abe n'aŋ'áriyemi biñi bite Atambatun eeemo u t'etiir-t'etiir. Ábuki ajakajak ti kéeenaariit ku eyeehen, ni kéenafute ku.

Saaŋ 5:35

Saaŋ ámoomi naane ejaaŋana yéetifanee kaanuku t'ajaaŋee. Aruun n'árimaŋi kaanuku yeejaaŋanuun diŋgilis kikawuun keetoof.

Epotor i 2:40

Piyeer n'asooñ áhaminiin afiyo, kaanuku keehaŋo káyilen, kikawiin yooŋ keehaŋ kayaŋgu. Aŋ'aaniin: —Arifak tu bokondu kéenijaariit ku ajakee!

Epotor i 20:30

Abe bakaake t'aruun kumuumuun kasoku báhamin bite haajuus kaanuku keeñak kéeyilene ku.

Eleetar i yi Pool akiñje i bakate ku Rom 16:19

Aruun bare, ésuk i fe émoomi kaanuku árijeŋginajeŋgin Anahaan u. Hikawam hutoofa dómbokun uŋu hoonuun hu. Bare ímaŋamaŋi áriwesinato aŋ'aribin árihin meejake mu, abe atum'arikol ni meejakut mu.

1 Korent 1:8

Humuumo káwutiyenuun sembe bija yooŋ tu hunak hiraanu hu, kaanuku an atum'abin abaj bike bite katinanuun hunak h'ábatikein hu te ho.

2 Korent 6:17

Iŋ'ite ho h'Atemit aane fu: «Arinuut ti kéeyilenut ku áriiyemi káasiŋuun. Atum'arigor mayet doon *deekuurut, abe n'iŋ'ijokuun áwariee.

Efees 5:27

Ámaŋamaŋi kaanuku kéeyilene ku ni kabin kasiiŋo hágilao káawariin naane, abe ni kakuur but, doon fe déefuñinanie itim díyemi tu boko. Ámaŋamaŋi káyemi bakan keenabe, keeyinaatee kawatan tu doon.

Fílip 1:10

áriiyini kajifan beehaŋe bu kajaku. Iyu, *n'aŋ'arikuur but, abe at'áriyini kawatanee tu doon hunak hi Kiris abin hu te ho.

Fílip 3:6

Ítumbatumba ijok bítim bondu naane, isooñen n'iŋ'íhihinoor kéeyilene ku ti Kiris. Ítumbatumba íhin naane eluwa i esoke i isooñen an ayinaatam kawatan tu doon.

1 Tesalonik 5:23

Atambatun humuumo aa awun káasuumaay ku, áhin áriiyemi bokoone ku árihabanein. Aja ajukaruun yooŋ búwejet bu, yaan i, n'eni i fe, atum'aribin ariwatanee tu doon hunak h'Anahaan ite úne Yesu Kiris ábatikein hu te ho.

1 Timote 3:10

Kajab kajukeree tu boko jak, abe af'arko kayinaatee kawatan tu doon, n'iŋi káyini káyemi ejokoora t'ejaŋgu i.

1 Timote 3:2

Hikaw hite bakan kéeyilene awarawar káyemi an eeyinaatee kawatan tu doon. Anaare afeeneŋ taŋ a aware fu kabaju, abaj hikaw, ájokumooro, abe buroŋ boone nu bújub. Awarawar kajoku áwariee kiŋki kaja te o, abe n'áyini kaliiken ésuk i bite b'Atambatun.

1 Timote 5:14

Iŋ'ite ho h'ímaŋie fu haare hu keereeŋanoorut ku simit bakan bákahaaji ki bákayiniin kakete ku ni kasooñ kaseño, keebaj biñi, abe ni kajokoor sunuuf sooniin, kaanuku man enatoora yite y'úne itim kabaj húkuuseima keesok t'úne bike.

1 Timote 5:20

Kiŋki káhin wuhoofoor wu, a̱kamoor tu boko tu buhooŋu ésuk i, man bakaaku yooŋ ni kákoleyi.

1 Timote 5:7

Bondu b'a̱wariin fu kábaŋinan, kaanuku man itim kabin kawatanee tu doon.

Eleetar i yi Pool akiñje i Tit 1:6

faaf ite kéeyilene awarut kabaju bike b'an ayino kawatano te bo; anaare afeeneŋ taŋ a aware fu kabaju; bakañio kawarawar kajoku bítim bu, abe kuruwu kooniin itim kúbujo iŋi kajakaate, man yooŋ iŋi kájeŋginaate an.

Eleetar i yi Pool akiñje i Tit 2:10

kawarutiin yooŋ kákuwat doon. Bare káyemi kep bakan keejake, abe doon fe di kasoke, ni káhin do. Ifi káhin iyu, ésuk i kasoku beejake tu bumb'úliiken bite b'Atambatun *Afakana ite úne.

Eleetar i yi Pool akiñje i Tit 2:15

Bonde b'a̱ware fu kaliiken ésuk i. A̱yaŋganan kikaw kiŋki kajamatani, abe kéejeŋginaariit ku, n'a̱kamoor tu boko. Á̱hin bondu ayan faŋ, abe atum'a̱was an tu boko eesooŋi.

Esuwif i 7:26

Náami Yesu aamo fu asaraha ómbokun u u úsawulee u. Anabanab, áhinaariit meejakut, áhoofooraariit, áhinaariitee t'afeeneŋ n'ehoofoora i, abe Atambatun ayitoyit t'etiir bufor bu.

1 Piyeer 2:12

Buroŋ boonuun t'etut *kéemeyiit ku Atambatun bíyemi beejake. Hutoof yooŋ iŋi kasok t'aruun hahiye kite aruun aŋ'árihin beejakut, boko bare bibin kajuku buroon beejake bu bamb'árihin, abe boko kasokoroor Atambatun hunak h'abin hu.

1 Piyeer 2:9

Bare aruun, aruun ariemo fu eheet yeejifanee i, aruun ariemo fu esaraha i bakate ku Atambatun Áyi u, aruun ariemo fu ésuk yeenabe i, aruun ariemo fu bakan kite Atambatun. Arijifaneejifan kaanuku aŋ'aribin arisok buroon béewarie bu b'Atambatun áhine bu, akina eeruwuun u kaanuku áriinuutin t'ébaani i, ariibin ti meejaaŋe moone méewarie-warie mu.

2 Piyeer 3:14

Kújakuwe, aruun k'ímaŋie-maŋie ku, iŋ'ite ho aamo fu makamu aruun bokondu ti kanahan hunak hondu, árihin wáhowah man n'áriyemi hágila Atambatun bakan *keekuure, bakan keeyinaatee kawatan tu doon fe, ni bakan yooŋ keebaje káasuumaay ne o.

Kafeeñal ku 2:5

Á̱baŋino t'a̱bine du a̱ney. A̱watanooro wuhoofoor wúuwe, abe n'aŋ'á̱hin ajakee naane aa á̱hinaani ti kátiyar ku. Afut'a̱watanooro, n'iŋ'ibin t'awe, abe n'iŋ'inuutan báanaŋum bite árundoora úuwe ti beemo du.

Kafeeñal ku 3:9

Iye i ija fu ni bakan kite Setani, ejuusa yendu kiŋki kaane boko kaamo Esuwif abe bare nu múniyoiit: íñje kanoŋkooraniin keebin kéesukaayi, kéemeyi kaanuku ímaŋiimaŋi.