Fílip 2:1 - Kwatay (Kuwaataay)

¹ Naane árihine i t'afeeneŋ ni *Kiris, híkinineŋut fíya kikawuun ni kiyaŋg? Naane ámaŋiuun i, híkinineŋut fíya kikawuun iŋkut kiteyoor? Arijamoorajamoor nu Búwejet Beenabe bu? Árineenaneeni me, abe aŋ'ariyubiyenoor yooŋ?

Fílip 2:1 ပူးပေါင်းရင်းမြစ်များ

Hirim Heetoofe hu hi Luk akiñje hu 2:25

Náami abajeebaj Serusalem ake ániine huruwu hoone Simiyoŋ. Ániine ondu ite bifeeneŋ, abe ájeŋginajeŋgin Atambatun. Ámoomi ti kanahan an eeja u kafakan *Israyel. Búwejet Beenabe bu búmoomi ne o,

Saaŋ 14:18

«It'iwasuun unoonuun naane biñi éfiiten, aaa, íñje kásooñina t'aruun.

Saaŋ 14:27

«Káasuumaay k'iwas fee n'aruun; káasuumaay kúuma k'iwunuun fu. Iwunutuun ko aliik naane bakate ku t'etaam ye ii kawun. Atum'ariyinoor doon fe, atum'árikoleyi yooŋ.

Saaŋ 17:13

«Hahiyu iibin t'awe, abe h'iroŋe hee t'etaam ye h'isoke fu bondu fe, kaanuku man katoofu kómbokun keeemo ku t'íñje ni kíyemi yooŋ tu boko.

Epotor i 2:46

Húnakonak fe iŋi kafand bukuukanooro *t'Enuuf ite Atambatun. Iŋi kafiitar kumburu ku tu sunuuf sooniin, abe ni kañoofo t'afeeneŋ siheliin ti katoofu kep, abajut yooŋ biyitooro.

Epotor i 4:32

*Kéeyilene ku kareyi fe ni kajokoor naane, eholiin efeeneŋ, búwejet booniin yooŋ bifeeneŋ. An tu boko áanaariit ebaj yeene akina akino yo unoono; doon dite afeeneŋ, dite yooŋ bakano.

Eleetar i yi Pool akiñje i bakate ku Rom 5:5

Abe eyakar yendu ébuutaariit, ábuki Atambatun ásikasik ti kámaŋi koone áyuus tu suhol site s'úne, áŋaasann ko tu Búwejet Beenabe b'awune bu úne.

Eleetar i yi Pool akiñje i bakate ku Rom 8:26

Iyu yooŋ u Búwejet Beenabe bu ufu búyokunan úne ti kabajaate kite k'úne kite sembe su, ábuki útumbut úmeyi buŋ b'úware fu kalawu Atambatun ariike. Bare Búwejet Beenabe bu iŋi bilaw Atambatun bíhabanein bija t'úne naane an eeemo ti kariŋgan, kariŋgan k'an ayinaat kanaban.

1 Korent 12:13

Bakaake t'úne Esuwif, bakaaku kanooto Esuwif, bakaake búsukateen, bakaaku kanooto búsukateen, bare úreyi fe *úbostee fu tu Búwejet Beenabe bu bifeeneŋ bu kaanuku núuhin eni efeeneŋ. Abe Búwejet Beenabe bu bifeeneŋ bu bibine fu t'úne úreyi fe.

1 Korent 15:31

Kújakuwe, húnakonak fe eket i yendu ti kaŋoloolam. Iisokuun bo aŋarkeyi naane iŋ'isaŋgoor n'aruun iŋi naane árihine i t'afeeneŋ n'Anahaan ite úne Yesu Kiris.

1 Korent 3:16

Kame árimeyiit kaanuku aruun ariemo fu enuuf ite Atambatun, abe Búwejet bite Atambatun bikinakin t'aruun?

2 Korent 2:14

Bare úene Atambatun eyeehen, ábuki aŋ'aja n'úne ko kireyi fe kaanuku núumaat tu búriiŋan bite *Kiris. Úne k'ásike fu kaanuku núuhin Kiris éemeyiee tánotan, naane mátiso meehundane tánotan.

Galasi 4:6

Béewufoore bu kaanuku nu múniyo aruun bakañi Atambatun, beemo fu áboñinoboñin tu suhol site s'úne Búwejet bite Añi oone. Búwejet bondu iŋi bíhin úne núutaŋk úene: «Aba! Faafa!»

Galasi 5:22

Bare doon du Búwejet Beenabe bu dundu dubuk tu buroŋ bite b'úne deemo fu: kámaŋioori ku, ni katoofu ku, ni káasuumaay ku, ni kámuñu ku, ni kajaku ku, ni káyokunan kite bakaaku, ni káyemi an ite bifeeneŋ,

Efees 4:4

Eni efeeneŋ taŋ ebaje fu, yeemo fu *kéeyilene ku; Búwejet Beenabe bifeeneŋ taŋ bibaje fu yooŋ; abe Atambatun, bite eyakar efeeneŋ taŋ b'aruwuun fu.

Fílip 1:8

Atambatun ámoomi kaanuku ímaŋiuunmaŋi arireyi fe naane Yesu Kiris ámaŋiuun i.

Fílip 3:3

Keeteye ku karam nu múniyo kaamo fu úne. Ábuki úne uf'úlaw Atambatun ti sembe site Búwejet boone, úne kuŋk'úsaŋgoor ni Yesu *Kiris, abe úsikut kikaw úne únaŋ t'ejoosan ite kúŋgowulan ku.

Kolos 2:2

Iŋ'ítuum iyu uŋu hoonuun hu arireyi kaanuku man kikawuun ni kiyaŋg, abe n'árimaŋioori áriihin t'afeeneŋ. Ímaŋamaŋi yooŋ Atambatun ásoniyanuun man n'áriyini kahooju bib nu búwesinato. Iyu, n'aŋ'áriyini kámeyi béenuusee bite b'Atambatun, bo beemo fu Kiris.

Kolos 3:12

Náami makamu Atambatun ajifanuun fu kaanuku áriiyemi bakan koone, abe yooŋ ámaŋiuunmaŋi, árimeyi kayubiyen an, abe n'aritoof yooŋ. Áritetianooro, árineeni yooŋ, abe n'aŋ'árimuñ.

Esuwif i 6:18

Náami muroon músuba mondu miyinaatee kanuutan mike meesiiŋanee, abe Atambatun ayinaat biñako te mo. Mo miyaŋganane fu úne kikaw núujok t'eyakar y'Atambatun asoke i úne, úne keeemo ku t'ésamunan yeene.

1 Piyeer 1:2

Atambatun Faaf u ajifanuunjifan aliik naane t'afiye du asok. Búwejet boone bíhinuunhin áriiyemi bokoone ku kaanuku áriijeŋgin Yesu Kiris, abe halan hoone nu *hukuuranuun. Atambatun aja ahaŋuun kásoniyan, abe n'awunuun yooŋ káasuumaay keefame-fam.

1 Saaŋ 3:24

An éejeŋgine suluwa site Atambatun, an ondu áhina t'afeeneŋ n'Atambatun, Atambatun yooŋ áhina ne o t'afeeneŋ. Abe úmoomi kaanuku Atambatun áhinahin n'úne t'afeeneŋ, ábuki awunawun úne Búwejet boone.

1 Saaŋ 4:12

An ámusut kajuku Atambatun; bare uf'úmaŋioori, Atambatun n'aŋ'áhin n'úne t'afeeneŋ, abe kámaŋi k'ámaŋie ku úne kiyanayan faŋ.

1 Saaŋ 4:16

Uni írimoomi kámaŋi k'Atambatun ámaŋie ku úne, abe íriyilenayilen ko. Atambatun ámaŋamaŋi ésuk i. An éemaŋie bakan, áhinahin t'afeeneŋ n'Atambatun, abe Atambatun áhina ne o t'afeeneŋ.