Fílip 1:6 - Kwatay (Kuwaataay)

⁶ Bonde bare bukuuramkuur: Atambatun eejabe u burok bonde béewarie bee t'aruun, abaa te bo ayak abin áami yooŋ bihabanaa tu hunak hi Yesu *Kiris ábatikein hu te ho.

Fílip 1:6 ပူးပေါင်းရင်းမြစ်များ

Saaŋ 6:29

Yesu n'aaniin: —Doon d'Atambatun ámaŋie du deemo fu áriyilen t'an a áboñina u.

Epotor i 11:18

H'aamo hu kajama bondu, náami kabeba. Ni kasokoroor Atambatun kaane: —Kame fu Atambatun awuna yooŋ keenooto ku Esuwif bítim kaanuku keewatanooro wuhoofoor wooniin, keebaj buroŋ bite nu múniyo.

Epotor i 16:14

Ake ti haare hondu huruwu hoone Lidi, buroko kajoohenan bípiis beelaañe beeseere naane. Akina ite Tiyatiir, abe ájeŋginajeŋgin Atambatun. N'ajamatan, abe Anahaan u n'áfeŋgino búwejet kaanuku eenaŋ hikawo ti bu Pool áyemie bu ti kasoku ku.

1 Korent 1:8

Humuumo káwutiyenuun sembe bija yooŋ tu hunak hiraanu hu, kaanuku an atum'abin abaj bike bite katinanuun hunak h'ábatikein hu te ho.

2 Korent 1:15

Hikawam hútumbatumba hiyaŋg tu bondu isooñen n'eene yéeni if'íyemi ti bija bija bu Maseduwan, n'iŋ'íŋaasin t'aruun, abe n'ífiitein bo yooŋ íñje ti bíbatikeina. Káhinu iyu, kikawuun n'uŋu kutoof kireeŋ kúsuba, abe n'aŋ'áriyokunanam iiyuun kátuki kúuma inde *Súde.

2 Korent 2:3

Iŋ'ite ho h'ibine fu íkiñjinuun yaayu eleetar, ábuki ímaŋiit bibin t'aruun, n'íŋaabein bakan keeware ku yéeni káhinu hikawam heetoof ni káhinam íitaañian. Múniyo bukuuramkuur kaanuku hikawam ufu hutoof, arireyi fe koonuun ku yooŋ uŋu kutoof.

2 Korent 7:16

Hikawam hutoofa dómbokun naane aamo i íyinooni kayakar t'aruun tu doon areyi fe.

2 Korent 9:4

Káhinaate iyu, if'ibin t'aruun ni bakate ku Maseduwan, abe n'írireeŋin aruun t'arifareit, káwoolu k'íriwooluuun ku n'uŋu kusooñ kíyemi t'uni ñufuñ, abe aruun kumuumuun yooŋ n'aŋ'arifuño.

Galasi 5:10

Bare Anahaan u áhinahin hikawam heeyaŋg t'aruun. Bukuuramkuur kaanuku at'ariyinoor beewayee nu búuma bu. Bare an u aa ábuj ii siheluun, are buŋ m'are, Atambatun kaniju te o.

Efees 4:12

Awunawun bondu bakan k'Atambatun akino ku kaanuku man ni káyini káhinu burok bite káyokunan bakaaku kéeyilene ku. Iyu, keeemo ku eni yite *Kiris, abe ni káyilen kareyi fe n'iŋi kahaŋ kayanu ti káyilen ku.

Fílip 1:10

áriiyini kajifan beehaŋe bu kajaku. Iyu, *n'aŋ'arikuur but, abe at'áriyini kawatanee tu doon hunak hi Kiris abin hu te ho.

Fílip 1:29

Ábuki Atambatun awunuunwun káanukiiit áriiyilen ti Kiris barebare, bare kaanuku yooŋ ariijuk sílaam uŋu hoone hu.

Fílip 2:12

Náami kújakuwe, aruun k'ímaŋie-maŋie ku, árijeŋginamjeŋgin ko kireyi fe h'íyemie hu n'aruun; bare hahiye naane aamo i inooto t'aruun, ariwarawar kahaŋu kájeŋginam. Áriñiŋkaan ariirok áriiwufoor kaanuku arifakafak, abe n'árihin bo ti kábitu ni sembe hágila Atambatun,

Fílip 2:13

ábuki Atambatun ondu tu burok t'aruun kaanuku éehinuun áriimaŋi beetoofo bu, abe n'árihin bo yooŋ.

Fílip 2:16

aruun ti káwufooriin hirim hite buroŋ bu. Af'árihin iyu, n'iŋ'íyini kasaŋgoor n'aruun hunak hi *Kiris abin hu te ho. Bo káwufoor kaanuku burok búuma bireyi fe káfiiteniit, iñeekut yooŋ fuufu.

Kolos 2:12

*H'aribostee hu, anokooreenokoor kite arihokeehok ni Kiris, abe n'ariritanee yooŋ ne o, ábuki áriyilenayilen ti sembe site Atambatun eeritano u t'eket i.

1 Tesalonik 1:3

Iŋ'iriboo bíbaŋino hágila Atambatun Faaf úne buroon bamb'árihin béewufoore bu káyilen koonuun ti Yesu, nu buŋ b'áriñiŋkaane fu tu burok aŋarkeyi naane árimaŋiomaŋi, nu buŋ b'eyakar yeenuun t'Anahaan ite úne Yesu *Kiris eyane fu.

2 Tesalonik 1:11

Iŋ'ite ho h'if'irilaw ko kireyi fe bija t'aruun. Iŋ'irilaw Atambatun ite úne kaanuku man n'áhinuun áriiyemi bakan bakate nu múniyo, buroŋ boonuun beeriib ni naane ámaŋie i h'aruwuun hu. Áyokunanuun yooŋ ni sembe soone áriiyini káhinu meejake m'árimaŋie mu, nu burok b'ariemo bu te bo aŋarkeyi naane áriyilenayilen te o.

2 Tesalonik 3:4

Anahaan u áhinahin kikaw uni keeyaŋg uŋu hoonuun hu. Bukuurakuur uni kaanuku aŋ'árihin naane ii irisokuun, abe aribaa yooŋ káhinu bo.

Filemoŋ 1:21

Bukuuramkuur h'íkiñjin hee n'awe kaanuku awe káhinu b'ilawi bu; ímoomi yooŋ kaanuku awe káhinu ahaŋ diyu.

Esuwif i 10:35

Náami eyakar yeenuun etum'ébujo, ábuki yo eja fu kákinineŋ n'aribaj hisiibanu hómbokun.

Esuwif i 12:2

Úsik ñíkin úne únaŋ ti Yesu éefeŋgine u úne bítim bu núubaj káyilen, abe o aja fu káhinu ko keehaŋ kayanu. Ámuñamuñ keeyoolo *t'ekuruwa i, abe ajukerut yooŋ iŋ'ite ñufuñ ñeeemo ñu t'eket naane yendu, ábuki aŋandanaŋandan katoofu keefaree ku bija te o. Hahiyu ariikaa inde *baatos báariikeim bite Atambatun bite híyiaate hu.

1 Piyeer 5:10

Sílaam soonuun iti sifiyo dómbokun. Atambatun eehaŋe u émaŋia úne, aruwuunruw bite kániku koone kéehabanaariit ku aŋarkeyi naane árihinahin ni Yesu Kiris t'afeeneŋ. O humuumo karitanuun ariisiiŋo, n'ayaŋgananuun yooŋ ti kawunuuun sembe, abe n'asiiŋanuun t'ayane.

2 Piyeer 3:10

Hunak h'Anahaan u ábatikein hu te ho káfufu naane ákuw. Hunak hondu, karim kéekolinanie-kolinani kajamiee kane bufor bu bíyemi tu bútowuto, abe buroon beeemo bu te bo kásufiee. Etaam i nu doon fe deeemo te yo kajoonanee.