Fílip 1:27 - Kwatay (Kuwaataay)

²⁷ Naane hiyino i káyemi fe, buroŋ boonuun bujoŋoor naane Hirim Heetoofe hite hu Kiris husoke i. Káhinu iyu, if'ibinuun kajuku, man yooŋ ibinutuun kajuku, íyinooni kajamu kaanuku arijokajok alitee. N'iŋ'ímeyi kaanuku arijokoorajokoor tu búwejet bifeeneŋ, aŋ'árisiiŋoorein yooŋ áriituum t'afeeneŋ bija ti káyilen ku keeyaajee ku ti Hirim Heetoofe hu.

Fílip 1:27 ပူးပေါင်းရင်းမြစ်များ

Májiye 12:25

Bare Yesu ámoomi béeyemie bu ti kikawiin. N'aaniin: —Bakate t'ésuk efeeneŋ ifi kayawoor, ésuk yendu búbujo. Bakate ti hikinu hifeeneŋ, man yooŋ butoŋ bifeeneŋ ifi kayawoor, boko bihabano.

Epotor i 2:46

Húnakonak fe iŋi kafand bukuukanooro *t'Enuuf ite Atambatun. Iŋi kafiitar kumburu ku tu sunuuf sooniin, abe ni kañoofo t'afeeneŋ siheliin ti katoofu kep, abajut yooŋ biyitooro.

Epotor i 24:24

Abaj kunak, Felikis n'abin n'anaar'o Durusil; anaar'o Asuwif. N'aboñ bite Pool, abe n'aŋ'ajamatano éehamin ti káyilen ku ti Yesu *Kiris.

Epotor i 4:32

*Kéeyilene ku kareyi fe ni kajokoor naane, eholiin efeeneŋ, búwejet booniin yooŋ bifeeneŋ. An tu boko áanaariit ebaj yeene akina akino yo unoono; doon dite afeeneŋ, dite yooŋ bakano.

Eleetar i yi Pool akiñje i bakate ku Rom 1:16

Ifuñeit kawaare Hirim Heetoofe hu: ho heemo fu sembe site Atambatun sans'afakan ne so an fe éeyilene, éejabin t'Esuwif i, abe n'ahabanooro ti keenooto ku Esuwif.

Eleetar i yi Pool akiñje i bakate ku Rom 1:5

Akina ákinineŋe fu Atambatun n'ásoniyan uni éehin uni epotor, kaanuku man n'írihin biheet bu fe béeyilen te o, abe ni bíjeŋgino. Iyu if'írihin huruwu hoone heehaŋ bijamo.

Eleetar i yi Pool akiñje i bakate ku Rom 1:9

Atambatun, akina ii irok íhabanein bija te o, ti kawaare kite Hirim Heetoofe heesoke hu bite b'Añi oone, ámoomi kaanuku ehelam eŋ'éyemi t'aruun

Eleetar i yi Pool akiñje i bakate ku Rom 10:8

*Míkiñjin mu meenaan: «Hirim hite Atambatun hikambuti, hondu ti káalelufi, nu tu búwejeti.» Hirim hondu heemo fu báhamin bite káyilen ku kiŋk'iriwaare.

Eleetar i yi Pool akiñje i bakate ku Rom 15:16

íiyemi aroka ite Yesu *Kiris bija ti keenooto ku Esuwif. Burok b'eemo bee te bo bite kawaare kite Hirim Heetoofe hu búmoomi naane bite *asaraha, kaanuku man keenooto ku Esuwif ni káyini káyemi kaasarah keetoofe Atambatun, ku Búwejet Beenabe bu bíkajine bija te o.

Eleetar i yi Pool akiñje i bakate ku Rom 15:29

Abe bukuuramkuur kaanuku if'ija ibin t'aruun, kásoniyan kómbokun kéenuutina ti Kiris k'ibin fu ne ko.

1 Korent 1:10

Kújakuwe, íñj'endu ti kalawuuun tu huruwu hite Anahaan ite úne Yesu *Kiris: arijamoor, káwaajinoor itim kibaj t'etutuun. Arijokoor alit tip ariibaj búwejet bifeeneŋ ni biyinoor bifeeneŋ.

1 Korent 15:58

Náami kújakuwe, aruun k'ímaŋie-maŋie ku, arijok alitee, abe n'arisiiŋo ayan faŋ. Áriñiŋkaan ko kireyi fe áriihin burok bite b'Anahaan u, ábuki árimoomi kaanuku burok bamb'arirok bija te o, búrokiit káfiiten.

2 Korent 13:11

Hahiyu úwasoor kújakuwe! Ariŋes káyemi bakan keekuure but, ariyaŋgananoor kikaw, arijamoor, abe n'arikin ti káasuumaay. Af'árihin iyu, Atambatun éemaŋie u ésuk i, abe n'aŋ'awuniin káasuumaay n'aŋ'áyemi n'aruun.

2 Korent 4:4

Bokondu káyilenut, ábuki atambatun eejakut u ite etaam i ámiñamiñ ñúwejet ñooniin ñéeyemi t'ébaani. Áhinahin bondu kaanuku itim káyini kajuku meejaaŋe mite Hirim Heetoofe hu, héewufoore hu kániku kite ku *Kiris eeemo u humuum búnokoorum bite Atambatun.

2 Korent 9:13

Abe bondu b'arija bu káhinu, bo káwufoor kaanuku áriyilenayilen árihabanein. Bakan keehooje-hooj kasokoroor Atambatun iŋi naane aa árijeŋgin Hirim Heetoofe hite hu *Kiris, hondu h'áriyilene hu. Boko yooŋ kasokorooro iŋi naane aa áriruboor ebaj yeenuun nu boko, n'ésuk i ereyi yooŋ.

Galasi 1:7

Káanukiiit man abajeebaj hike hirim heetoofe, aaa, abajutee. Bare abajeebaj bakan keeemo ti kábujuuun sihel, kéemaŋie kawetekanoor Hirim Heetoofe hite hu Kiris.

Efees 1:13

Aruun yooŋ kéehine ku t'afeeneŋ ni Kiris, arijamajam hirim hite múniyo mu, heeemo hu Hirim Heetoofe hu héekinineŋe hu n'arifak. H'áriyilene hu ti Kiris, Atambatun n'áhin t'aruun éluwenuma yite káwufoor kaanuku aruun bokoone ku; yo yeemo fu Búwejet Beenabe bu b'afiye bu aane o kawunu úne.

Efees 1:15

Iŋ'ite ho aamo fu huta h'iŋ'ibin ijam kaanuku áriyilenayilen t'Anahaan u Yesu, nu buŋ b'árimaŋie fu yooŋ bakan k'Atambatun akino ku fe,

Efees 4:1

Náami íñj'endu ti kalawuuun bonde, íñje eekulee u aŋarkeyi naane iŋ'irok bija t'Anahaan u: buroŋ boonuun bíyemi naane t'Atambatun ámaŋie du h'aruwuun hu.

Fílip 1:5

iŋi naane áriyokunanam i ti kawaare kite Hirim Heetoofe hu, huta hu tu hunak h'arijame hu ho hítiyar bija yooŋ t'úmiye.

Fílip 2:12

Náami kújakuwe, aruun k'ímaŋie-maŋie ku, árijeŋginamjeŋgin ko kireyi fe h'íyemie hu n'aruun; bare hahiye naane aamo i inooto t'aruun, ariwarawar kahaŋu kájeŋginam. Áriñiŋkaan ariirok áriiwufoor kaanuku arifakafak, abe n'árihin bo ti kábitu ni sembe hágila Atambatun,

Fílip 2:24

Abe iyakarayakar t'Anahaan u kaanuku íñje yooŋ bibin t'aruun memee.

Fílip 3:18

Bakan keehooje iŋi kanij naane enatoora yite Kiris eekete u *t'ekuruwa i. Iŋ'ifanduun bo kasoku, abe iisooñ isokuun bo hahiye, muhuw múuma ti bibin yooŋ kep:

Fílip 3:20

Úne bare bakan bakate t'etiir, abe úne bokondu ti kanahan kep Anahaan u Yesu Kiris éenuutin bo eebin eefakan úne.

Fílip 4:1

Náami kújakuwe, aruun k'ímaŋie-maŋie ku, arkaam kasooñu íheelin t'aruun dómbokun. Ábuki aŋ'árihin hikawam heetoof, abe n'aruun yooŋ n'if'isaŋgoor. Iŋ'ite ho aamo fu waasuun, arijok alitee tu buroŋ boonuun n'Anahaan u.

Kolos 1:10

Káhinu iyu, buroŋ boonuun n'uŋu butoof Anahaan u, abe n'árihin yooŋ ko kireyi fe beetoofo bu. N'aŋ'árihin yooŋ buroon bánoban fe beejake, abe n'aŋ'arihaŋ kámeyi Atambatun.

Kolos 1:4

Iŋ'irieno eyeehen ábuki irijamajam kaanuku áriyilenayilen ti Yesu Kiris, abe n'árimaŋi yooŋ bakan ku fe k'Atambatun akino ku.

1 Tesalonik 3:6

Bare Timote ábatikeino afiyeitee, abe asokasok uni beejake ti káyilen koonuun, ni kámaŋioori koonuun. Asokasok uni yooŋ kaanuku siheluun fe sondu t'uni kep, abe árimaŋamaŋi kajuku uni naane írimaŋie i yooŋ kasooñu irijukuun.

1 Tesalonik 4:1

Hahiyu kújakuwe, arijamajam t'uni buŋ b'ariware fu káhinu ariitoof Atambatun, abe múniyo bo yooŋ b'af'árihin. Bare uni bokondu ti kalawuuun tu huruwu hite Anahaan u Yesu, abe n'íriwasiyanuun bo yooŋ man n'árihin ahaŋ diyu.

1 Timote 1:11

Beeliikenee bondu, bondu ti Hirim Heetoofe hu h'isaanee hu, heesoke hu bite b'Atambatun éenike u, abe n'ajak.

1 Timote 1:19

ni káyilen, n'ehel yooŋ yeekuure. Bakaake kateñekateñeko káhinu naane siheliin susokiin i ayak abin áami káyilen kooniin kúbujaa.

2 Timote 4:7

Ítuumatuum étuum yeejake i, iteyatey yooŋ bija t'iware du karaan, abe iwasut káyilen ku.

Eleetar i yi Pool akiñje i Tit 2:10

kawarutiin yooŋ kákuwat doon. Bare káyemi kep bakan keejake, abe doon fe di kasoke, ni káhin do. Ifi káhin iyu, ésuk i kasoku beejake tu bumb'úliiken bite b'Atambatun *Afakana ite úne.

Filemoŋ 1:5

ábuki iŋ'ijam naane á̱maŋie i bakan k'Atambatun akino ku fe, ni naane á̱yilene i t'Anahaan u Yesu.

Saak 3:18

Kiŋki káhin ésuk i keebukan iŋi kanaw káasuumaay, abe miriyaay mimmi kabaj toko meemo fu buroŋ beejoŋoore.

2 Piyeer 3:11

Makamu buroon bu fe iyu i bija fu bútowuto, hahiyu arijuk jak buŋ bu buroŋ boonuun buware fu káyemi! Buwarawar kanabu, abe n'arijok yooŋ alitee t'Atambatun,

2 Piyeer 3:14

Kújakuwe, aruun k'ímaŋie-maŋie ku, iŋ'ite ho aamo fu makamu aruun bokondu ti kanahan hunak hondu, árihin wáhowah man n'áriyemi hágila Atambatun bakan *keekuure, bakan keeyinaatee kawatan tu doon fe, ni bakan yooŋ keebaje káasuumaay ne o.

Eleetar i yi Sud akiñje i 1:3

Kújakuwe, aruun k'ímaŋie-maŋie ku, ítumbatumba ímaŋi kákiñjinuun iŋi naane Atambatun afakane i úne. Bare hahiye ijukajuk kaanuku iwarawar kákiñjinuun bike bite kayaŋgananuun kikaw, kaanuku man n'árituum uŋu múniyo mite Hirim Heetoofe h'Atambatun awune hu hiraanu bakan k'akino ku.