Epotor i 9:31 - Kwatay (Kuwaataay)

³¹ Náami kéeyilene ku kabajabaj káasuumaay ti kikinu kite *Súde, ni *Gálile, ni *Samari. Káyilen kooniin ti kahaŋu kayanu kep, abe buroŋ booniin fe kájeŋgin Atambatun. Búwejet Beenabe bu nu búyokunaniin yooŋ keehaŋ kahooju.

Epotor i 9:31 ပူးပေါင်းရင်းမြစ်များ

Eleetar i yi Pool akiñje i bakate ku Rom 5:5

Abe eyakar yendu ébuutaariit, ábuki Atambatun ásikasik ti kámaŋi koone áyuus tu suhol site s'úne, áŋaasann ko tu Búwejet Beenabe b'awune bu úne.

Eleetar i yi Pool akiñje i bakate ku Rom 15:13

Yala Atambatun aa áhin ésuk i ni kayakar te o, n'áhinuun ariitoofan dómbokun, abe n'áhinuun ariibaj káasuumaay iŋi naane áriyilene i te o. Káhinu iyu, sembe site Búwejet Beenabe bu n'iŋi síhinuun ariihaŋ kabaju eyakar.

Epotor i 8:1

Sóol aanaan hee naane Eejen ayoolee i. Hunak hondu hoho, bakate ku Serusalem *kéeyilene ku ni kajab káhihinooree naane. Kéeyilene ku fe ni kayisaloolo tu búsuk bite *Súde ni *Samari, abin aŋeñen *t'epotor i.

Efees 4:12

Awunawun bondu bakan k'Atambatun akino ku kaanuku man ni káyini káhinu burok bite káyokunan bakaaku kéeyilene ku. Iyu, keeemo ku eni yite *Kiris, abe ni káyilen kareyi fe n'iŋi kahaŋ kayanu ti káyilen ku.

2 Korent 13:10

Bonde bíkinineŋe fu n'íkiñjinuun úne káakamboorin kee: ímaŋamaŋi kane ija ibin, n'íŋaabeinuun aruun káawatanoorein, it'iŋk'ija káhaminuun ásufee. Ábuki sembe s'Anahaan u awunam su síteiit kábujuuun, so site káhinuuun ariihaŋ kayanu ti káyilen ku.

2 Korent 10:8

Maske ihaŋahaŋ kamaku dikee iŋ'ite sembe s'Anahaan u awune su uni. Bare ijeit bufuño, ábuki sembe sondu síteiit kábujuuun, so site káhinuuun ariihaŋ kayanu ti káyilen ku.

2 Korent 7:1

Kújakuwe, aruun k'ímaŋie-maŋie ku, makamu Atambatun aanaan o káhinu úne bondu fe, úkuuranooro tu buroon bu fe bumbu bubuusatan sini su nu ñúwejet ñu. Úbaj buroŋ bite bakan keenabe kareeŋ, abe n'úkoleyi Atambatun.

Epotor i 16:5

Kéeyilene ku n'iŋi kajok bítim bu alit tip, abe n'iŋi kahaŋ yooŋ kahooju húnakonak.

Epotor i 12:24

Hirim hite Atambatun ti kahaŋu bijamo kep, *kéeyilene ku yooŋ ti kahaŋu kahooju.

Epotor i 6:7

Hirim hite Atambatun ti kahaŋu bijamo kep. Kéeyilene ku yooŋ ti kahaŋu kahooju Serusalem, abe keehooje *t'esaraha i ni kajok bítim bite *Kiris.

Eleetar i yi Sud akiñje i 1:20

Kújakuwe, aruun k'ímaŋie-maŋie ku, aruun bare, arihaŋ bija hágila ti káyilen koonuun keenabe ku. Aŋ'arilaw ni sembe site Búwejet Beenabe bu.

Esuwif i 4:9

Náami kayihu kibajabaj bija ti bakan kite Atambatun, naane yooŋ koone ku tu hunak hutoken hu nu kúsuba.

1 Timote 1:4

A̱aniin kawas kúsuwanooru kondu, ni kájatinanoor kite kuruwu kite sifaaf su kéehabanaariit kii. Bondu fe iŋi bíyitin síjeeŋoor. Búyokunanaariit an éehin burok bite Atambatun, beeemo bu iŋi bíhinee ni káyilen.

1 Tesalonik 5:11

Náami ariyaŋgananoor kikaw, abe n'áriwutiyenoor káyilen naane aa arifiy árihin.

Kolos 1:10

Káhinu iyu, buroŋ boonuun n'uŋu butoof Anahaan u, abe n'árihin yooŋ ko kireyi fe beetoofo bu. N'aŋ'árihin yooŋ buroon bánoban fe beejake, abe n'aŋ'arihaŋ kámeyi Atambatun.

Fílip 2:1

Naane árihine i t'afeeneŋ ni *Kiris, híkinineŋut fíya kikawuun ni kiyaŋg? Naane ámaŋiuun i, híkinineŋut fíya kikawuun iŋkut kiteyoor? Arijamoorajamoor nu Búwejet Beenabe bu? Árineenaneeni me, abe aŋ'ariyubiyenoor yooŋ?

Efees 5:21

Árijeŋgin bakanuun, boko yooŋ ni kájeŋginuun iŋi naane arijoke i *Kiris nu sumoŋu súsuba.

Efees 4:29

Atum'árihamin báhamin beejakut; arisok kep báhamin beebaje éñjeriŋ bite káyokunan ésuk i ti bisawula booniin keehaŋ kayanu ti káyilen ku, abe nu butoof yooŋ kiŋki kajamatanuun.

Efees 4:16

O ákinineŋe fu eni i ereyi fe n'eŋ'ejokoor ayan faŋ tu súkulinu su seeemo du. Arko doon fe deeemo te yo déehin burok bite te do, n'eŋ'ehaat ti kámaŋioori ku.

2 Korent 12:19

Hahiyu tíme ariena man uni írihaminuun atoof iye kaanuku iriiŋes ekooŋ t'aruun, bare me? Aaa kújakuwe, aruun k'írimaŋie-maŋie ku, írihaminuunhamin hágila Atambatun naane eroka bakate *Kiris, abe irisokuunsok bonde fe kaanuku man n'arihaŋ kayanu ti káyilen ku.

1 Korent 14:26

Náami hahiyu buŋ kújakuwe? Af'arikuukanooro, ake n'aŋ'ahooñ Atambatun, ake n'aliiken ésuk i bike, ake n'asok bike b'Atambatun áwufooro, ake n'áhamin ti kíhaminiin kuway, ake n'áhandin bo ésuk i. Bondu fe buwarawar káyokunan *kéeyilene ku keehaŋ kayanu ti káyilen ku.

1 Korent 14:12

Iyu yooŋ a ariemo fu: makamu árimaŋamaŋi dómbokun buroon bu Búwejet bite Atambatun bumbu buwun, ariŋes man n'arihaŋ kabaju bimbi búyokunan kéeyilene ku keehaŋ kayanu ti káyilen ku.

Eleetar i yi Pool akiñje i bakate ku Rom 14:19

Náami úŋes bimbi bíkinineŋ núuriiko t'afeeneŋ ti káasuumaay, abe ni bilitan yooŋ káyilen kite bakan úne.

Eleetar i yi Pool akiñje i bakate ku Rom 14:17

Ábuki *Jáyi jite Atambatun buroon bíteiit buñoofo bu man yooŋ búhujo bu; jo jite kájubu, ni káasuumaay, ni katoofu, abe bondu fe tu Búwejet Beenabe bu t'ufu búnuutin.

Epotor i 2:47

Iŋi kasokoroor Atambatun, abe ésuk i ereyi fe n'émaŋiiin. Húnakonak fe Atemit ti káwutiyeniin bakan keefake éyeni.

Epotor i 5:11

*Kéeyilene ku ni bakaaku fe keejame ku bondu ni kákoleyi dómbokun.

Epotor i 20:32

«Hahiyu iiwasuun tu sumoŋu Atambatun, ni hirim hite kajaku koone. Ho híyiniuun fu káwutiyen sihel, abe nu huwunuun yooŋ t'ebaj y'anaŋe i bija ti bakan k'akino ku.