Epotor i 9:2 - Kwatay (Kuwaataay)

² eelawo eesaano bileetar bija t'eseef ite *ñáalawum ñite Damas, kaanuku af'ajuk toko háyine man yooŋ haare keejoke ti Bítim bite Anahaan u, n'ajokiin eeja nu boko Serusalem.

Epotor i 9:2 ပူးပေါင်းရင်းမြစ်များ

Májiye 10:17

Arinaŋ kikawuun t'ésuk i. Ábuki bakan kajokuuun kaanuku keeja keejoonanuun. Aruun kámiñiee kikarawas ti *ñáalawum ñite ñ'úne.

Saaŋ 14:6

Yesu n'aano: —Íñj'eemo fu bítim bu, nu múniyo mu, nu buroŋ bu. An ayinaat bija ti Faaf u t'aŋaasut t'íñje.

Epotor i 18:25

Áwufooreewufoor bítim bite Atemit, abe aŋ'aliiken ésuk i áhabanein bite bu Yesu ajoŋoor júl. Bare *kaboste kite ku Saaŋ taŋ k'ámeyie fu.

Epotor i 19:23

Kóŋkeyin, n'átumb arko hitik iŋ'ite Bítim bite Anahaan u.

Epotor i 19:9

Bare bakaake tu boko káfeŋginut ñúwejet ñooniin; kateñekateñeko káyilen, abe yooŋ n'iŋi kákojian Bítim bite Anahaan u tu buhooŋu ésuk i fe. Náami Pool eenuut tu boko, abe n'aja ni kéeyilene ku. N'aŋ'awaare húnakonak fe t'eleekool ite ake ániine huruwu hoone Tiiranus.

Epotor i 24:14

Bonde bare bite nu múniyo b'ija bee kasoku hágilai: íñj'endu tu burok bija t'Atambatun ite sifaaf uni, ti Bítim bite Anahaan u. Boko iŋi kaane bítim bondu bíteiit nu múniyo, bare íyilenayilen beekiñjee bu fe *t'Eluwa yite Moyis, nu tu wuwiit wute *eyiŋana yite Atambatun.

Epotor i 24:22

Felikis, éemeyie u bite Bítim bite Anahaan u akuur but n'atofanan kajoonan ku. N'aaniin: —Lisiyas, aseef ite esulaan i af'áreeŋin, n'iŋ'íkotinuun.

Epotor i 26:10

Bo b'íhine fu Serusalem. Eseef ite *esaraha i kawunamwun sembe, abe n'ijok bakan keehooje bakate Atambatun ikul. Abe ifi kaane kawareewar kayoolu, n'iŋ'eene yooŋ hee toko.

Epotor i 26:12

Pool n'asooñ aane áyi u: —Iyu i ísitine fu kaanuku iija Damas. Eseef ite *esaraha i kaboñamboñ bo, abe hikawam hiyaŋgayaŋg ti sembe si kawunam su.

Epotor i 6:9

Bakaake ni kájeeŋoorin ne o; boko kaamo fu bakate ti *báalawum bimbi kaane «Báalawum bite keeroŋut ku búsukateen». Abajeebaj tu boko Esuwif bakate Siren n'Aleksandiri, n'Esuwif bakate Silisi n'Asi.

Epotor i 7:19

N'ahooh sifaaf úne kómbokun, n'áhihinooriin, abe n'anoŋkooraniin iŋi kawasan bilekej booniin tíyaŋ kaanuku keeket.

Epotor i 9:14

Abe h'abine hii beebe, eseef ite esaraha i kawunowun sembe site kajoku ésuk i fe kiŋki kalaw tu huruwu húuwe.

Epotor i 9:21

Keejamo ku fe ni kajahale, abe n'iŋi kaanoor: —Ániine óndiiit kereŋ áyemie fu Serusalem ti káhihinoor kite kiŋki kalaw tu huruwu hite Yesu? Kajoku kóoniiniit k'abine fu beebe kaanuku eeja nu boko t'eseef ite *esaraha i?

2 Korent 11:32

H'íyemie hu Damas, águwernoor ite u bo kóyin áyi u Aretas asiiŋanasiiŋan esulaan tu wuruŋ wute hikinu hu kaanuku man ni kajokam.

Galasi 1:17

ijeit yooŋ Serusalem kajuku keejabe ku káyemiam *epotor. Bare ijaja toko-toko bija Arabi, ihaban n'íbatikein Damas.