Epotor i 6:7 - Kwatay (Kuwaataay)

⁷ Hirim hite Atambatun ti kahaŋu bijamo kep. Kéeyilene ku yooŋ ti kahaŋu kahooju Serusalem, abe keehooje *t'esaraha i ni kajok bítim bite *Kiris.

Epotor i 6:7 ပူးပေါင်းရင်းမြစ်များ

Májiye 19:30

Bare keehooje ti keeemo ku hahiye étiyar i, boko bibin káyemi eraan i, abe keeemo ku hahiye eraan i ni káyemi étiyar i.

Hirim Heetoofe hu hi Luk akiñje hu 2:34

Simiyoŋ n'ásoniyaniin, abe n'aane Mari íñaay ite Yesu: —Atambatun ajifanajifan añi onde kaanuku eebin eeneyan bakan keehooje *t'Israyel, abe n'aritan bakan keehooje. O káyemi báaluwenum bite Atambatun, bare ésuk i biteñekoo.

Saaŋ 12:42

N'abaj bare t'eseef ite Esuwif i kumuumiin bakan keehooje kéeyilene ti Yesu. Bare kakañenut kasoku bo t'etiir iŋ'ite *Efarisiyeŋ i, kaanuku itim kabin kawiisee ti *báalawum booniin.

Epotor i 12:24

Hirim hite Atambatun ti kahaŋu bijamo kep, *kéeyilene ku yooŋ ti kahaŋu kahooju.

Epotor i 13:8

Bare álugusa u Elimas (iyu u huruwu hoone hije fu ti *kigerekaay) n'aŋ'afitanooriin, ábuki ámaŋiit aseef u ajok bítim bite *Kiris.

Epotor i 14:22

N'iŋi kahaŋ yooŋ káwutiyen *kéeyilene ku sihel ti kikinu kondu, abe n'iŋi kaaniin káñiŋkaan keejok alit tip ti bítim bu. Iŋi kaaniin: —Úwarawar kajuku sílaam sómbokun kaanuku núuyooso ti *Jáyi jite Atambatun.

Epotor i 19:20

Iyu i hirim hite Atemit hihaŋe fu bijamo, abe ni hihaŋ yooŋ kabaju sembe.

Epotor i 2:47

Iŋi kasokoroor Atambatun, abe ésuk i ereyi fe n'émaŋiiin. Húnakonak fe Atemit ti káwutiyeniin bakan keefake éyeni.

Epotor i 21:20

Hi kajame hu bondu, ni kasokoroor Atambatun abe ni kaane Pool: —Abuke, a̱jukajuk kaanuku Esuwif keereeŋe súñjune kayoosaa bítim bite *Kiris, abe kajokajok *Eluwa yite Moyis káhabanein.

Epotor i 6:1

Kóŋkeyin, naane aamo i *kéeyilene ku bokondu ti kahaŋu kahooju kep, Esuwif i kiŋki káhamin *kigerekaay ku ni kasok t'Esuwif i keebukee ku *Israyel. Kaanaan haare hite hu tu boko ki bákayiniin kakete ku káhinaariitee áwariee ti káruboor kite buroon bu kiŋki kibaj húnakonak.

Eleetar i yi Pool akiñje i bakate ku Rom 1:5

Akina ákinineŋe fu Atambatun n'ásoniyan uni éehin uni epotor, kaanuku man n'írihin biheet bu fe béeyilen te o, abe ni bíjeŋgino. Iyu if'írihin huruwu hoone heehaŋ bijamo.

Eleetar i yi Pool akiñje i bakate ku Rom 16:26

bare hahiye wuwiit *w'eyiŋana yite Atambatun kakiñje wu wúnuutanno ho t'ébaani i. Bondu bibajabaj naane t'Atambatun eeemo u buroŋ hiraanu afiye du asok. Siheet site t'etaam i fe sijama hirim hondu kaanuku man ni síyilen, abe ni síjeŋgin Atambatun.

Galasi 1:23

Kajamajam barebare naane ésuk i eene: «Áyin u aa áhihinoor úne hítiyar hu ondu hahiye ti kawaare Hirim Heetoofe hu h'ámaŋie hu yéeni kábuju.»

Galasi 6:10

Náami kóyin k'úbaje bítim kep, úhin meejake bija t'ésuk i ereyi fe, áhaŋum ti *kéeyilene ku naane úne.

Kolos 1:6

Hirim hondu Heetoofe hu híreeŋinuun naane hireeŋe i yooŋ tánotan fe t'etaam ye. Hondu ti kabukoor, hondu yooŋ ti kahaŋu bija hágila. Iyu yooŋ i hije fu t'aruun huta h'aŋ'aribin arijam abe n'árimeyi kaanuku Atambatun aŋ'áwufoor ésuk i kajaku koone nu múniyo.

2 Tesalonik 1:8

O bibin ti kaañen kómbokun kaanuku eenij ásuf ti kéemaŋiit ku kámeyi Atambatun, abe n'iŋi kateñeko káhinu naane Hirim Heetoofe hite h'Anahaan ite úne Yesu *Kiris husoke i.

2 Timote 2:9

Iŋi Hirim hondu Heetoofe hu h'ijuk fee sílaam su, abe n'ifaakee yooŋ ni ñaasel naane ánukenoora. Bare hirim hite Atambatun hifaakutee ni ñaasel.

Esuwif i 11:8

Káyilen kíkinineŋe fu *Aburaham n'ájeŋgin h'Atambatun aruwo hu eeeno aja t'ésuk y'aware i bibin kawunio. N'anuut b'áyemie bu eeja t'ámeyiit yooŋ t'aja du.

Esuwif i 5:9

H'aamo hu *akuuranee but ahaban, n'áyemi ti kiŋki kájeŋgino kareyi fe an u aa afakaniin hiraanu.

Eleetar i yi Sud akiñje i 1:20

Kújakuwe, aruun k'ímaŋie-maŋie ku, aruun bare, arihaŋ bija hágila ti káyilen koonuun keenabe ku. Aŋ'arilaw ni sembe site Búwejet Beenabe bu.

Eleetar i yi Sud akiñje i 1:3

Kújakuwe, aruun k'ímaŋie-maŋie ku, ítumbatumba ímaŋi kákiñjinuun iŋi naane Atambatun afakane i úne. Bare hahiye ijukajuk kaanuku iwarawar kákiñjinuun bike bite kayaŋgananuun kikaw, kaanuku man n'árituum uŋu múniyo mite Hirim Heetoofe h'Atambatun awune hu hiraanu bakan k'akino ku.