Epotor i 5:41 - Kwatay (Kuwaataay)

⁴¹ Epotor i ni kanuut ti báajoonanum bu, kikawiin káatoofin ti naane Atambatun ajokiin i kaanuku kéelafatinee uŋu huruwu hite Yesu.

Epotor i 5:41 ပူးပေါင်းရင်းမြစ်များ

Hirim Heetoofe hu hi Luk akiñje hu 6:22

«Atoof t'aruun kane ésuk i kahuufuun, káfiitenuun, kálafatinuun, abe ni kábuj kuruwu koonuun aŋarkeyi aŋ'arisa *Añi ute Húŋgowulan hu ti hiñaawu!

Saaŋ 15:21

Bare boko káhinuuun bondu fe aŋarkeyi naane aruun bákuuma ku, ábuki kámeyiit an éeboñinam u.

Epotor i 21:13

Bare n'aane uni: —Baŋka b'ariyiy fu ariisooñ áribujam ehel? Ifaraa káanukiiit keekobam barebare, bare hutoof yooŋ ni kayoolam Serusalem iŋ'ite hu Anahaan u Yesu, ifaraa.

Epotor i 5:21

Epotor i ni káhin naane asoke i: nu bújom bu bib, ni kayooso t'Enuuf ite Atambatun, abe ni káyemi toko ti kaliiken ésuk i. Asaraha ómbokun u, ni kéesiiŋooreina ku ne o ni kakuukan *sifaaf site Esuwif i fe. Boko kaamo fu *sifaaf site ejoonana i. Kahaban, ni kaboñ bite epotor i t'ekulu i.

Eleetar i yi Pool akiñje i bakate ku Rom 5:3

Abe bóndiiit barebare: kikaw úne uŋu kutoof yooŋ kane újuk sílaam, ábuki úmoomi kaanuku sílaam af'abuk kámuñu;

2 Korent 12:10

Iŋ'ite ho aamo fu kabajaate kúuma kite sembe su, ni kílafatinu ku, nu kúnuur ku, ni káhihinoor ku, nu wútaañi wu, hikawam uŋu hutoof dómbokun kane bondu fe bibajam iŋ'ite hu Kiris. Ábuki if'ija ayak abin áami iŋkut ibaj sembe, toko ti sembe site Kiris t'ifi síyemi t'íñje.

Fílip 1:29

Ábuki Atambatun awunuunwun káanukiiit áriiyilen ti Kiris barebare, bare kaanuku yooŋ ariijuk sílaam uŋu hoone hu.

Esuwif i 10:34

Sílaam soonuun sifeeneŋ su ni bakan keekulee ku iŋ'ite hu Yesu. Hihi karam yooŋ ebaj yeenuun, kikawuun uŋu kutoof, ábuki árimoomi kaanuku ariyakarayakar t'eke yeehaŋe yendu, abe et'ehabano hikee.

Esuwif i 12:2

Úsik ñíkin úne únaŋ ti Yesu éefeŋgine u úne bítim bu núubaj káyilen, abe o aja fu káhinu ko keehaŋ kayanu. Ámuñamuñ keeyoolo *t'ekuruwa i, abe ajukerut yooŋ iŋ'ite ñufuñ ñeeemo ñu t'eket naane yendu, ábuki aŋandanaŋandan katoofu keefaree ku bija te o. Hahiyu ariikaa inde *baatos báariikeim bite Atambatun bite híyiaate hu.

Saak 1:2

Kújakuwe, kikawuun kutoof dómbokun kane ariwar kajuku sílaam sánosan.

3 Saaŋ 1:7

Múniyo kanuutanuut tu boko kaanuku keeja keewaare huruwu hite *Kiris, abe kásaariit doon fe ti kéeyilenut ku.