Epotor i 5:17 - Kwatay (Kuwaataay)

¹⁷ Náami *asaraha ómbokun u, ni bakan koone fe keeriboore ku *n'Esaduseyeŋ i ni kahiñan *epotor i, abe ni káhabanein kaane kéerahan tu boko.

Epotor i 5:17 ပူးပေါင်းရင်းမြစ်များ

Májiye 27:18

Pilat asokasok bondu ábuki ámoomi kaanuku kahiñan taŋ kíkinineŋe fu eseef ite Esuwif i ni kásik Yesu kasaano.

Májiye 3:7

Hi Saaŋ ajuke hu kaanuku *Efarisiyeŋ keehooje *n'Esaduseyeŋ iŋi kabin te o kaanuku eebosteiin, n'aaniin: —Ñuroon ñondu! Aañ me aanuun fu árinooni kateyi Atambatun, makamu hunak hoone hite Kajoonan ku húlohenno?

Saaŋ 12:10

Náami eseef ite *esaraha i káhabaneino kaanuku keebin keeyool yooŋ Lasaar,

Saaŋ 12:19

*Efarisiyeŋ i n'iŋi kaanoor: —Arijuka kaanuku ut'úyini toko doon: ésuk i fe bokondu ti kanabano!

Epotor i 13:45

H'Esuwif i kajuke hu hahooja hu, ni kahiñan. Pool aŋ'áhamin, ni kaane tókoiit, abe ni kálafatino.

Epotor i 15:5

Bare bakaake Esuwif ti keeriboore ku *n'Efarisiyeŋ i abe ni kajok bítim bite Kiris, ni karito keeene: —Keenooto ku Esuwif kéeyilene ku kawarawar kateyanee karam, abe ni kasokee kéejeŋgin Eluwa yite Moyis.

Epotor i 17:5

Bare Esuwif i bakaaku ni kabet. Ni kakuukan bike bísambaŋ béeyemie tu búhuhu bu, abe ni katiŋg bakan keehooje keerito ayak abin áami hikinu hu hirkaa hitik. Ni kaja t'enuuf ite Saason hiŋes Pool ni Silas kaanuku keeja nu boko ti hahooja hu.

Epotor i 4:26

Bákayi kite etaam i fe kafaraa kitiik kawasan, abe eseef i ni kásiiŋoorein kéesokum Atemit, *n'Afakana a ajifane u.»

Epotor i 4:6

N'abaj toko ake iŋi kaano Aan, o aamo fu asaraha ómbokun u. Kayif yooŋ ámoomi toko, ni Saaŋ, n'Aleksandur, nu butoŋ bite asaraha ómbokun u fe.

Epotor i 5:16

Bakan keehooje-hooj n'iŋi kánuutin tu músuk meeemo mu inde Serusalem keebin n'ésomuta yeeniin, ni bakan ki birab bu bujoke ku, abe kareyi fe iŋi kákoyi.

Epotor i 7:9

«Sifaaf úne bokondu ni kahiñan atiiin Siseef, abe ni kajooheno éeyemi ásukateen t'ésuk ite *Esipt. Bare Atambatun ámoomi ne o,

Galasi 5:21

bimero buroon bite bakan, éwusan i, buñoofo beehahe bu, ni bike buroon yooŋ beehooje naane bondu. Iisooñ íyeegaluun naane íyeegaluun i bo: kiŋki kanij iyu iti kamaat ti *Jáyi jite Atambatun.

Saak 4:5

Atum'ariene man beesokee bu ti *Míkiñjin mu bite fuufu i? Meenaan: «Atambatun aŋ'áfiir dómbokun tu búwejet b'anaŋe bu t'úne.»

1 Piyeer 2:1

Náami hahiyu ariwas bánafut bu, ni haajuus hu, nu butuuko bu, ni baabet bu, nu husoku hu ti bakan.