Epotor i 5:14 - Kwatay (Kuwaataay)

¹⁴ Bakan keehooje-hooj, háyine ni haare ni káyilen t'Anahaan u, abe ni kaŋaabeiin.

Epotor i 5:14 ပူးပေါင်းရင်းမြစ်များ

Epotor i 11:24

Múniyo Barnabas an eejake, eehooje bib nu Búwejet Beenabe bu, abe n'abaj yooŋ káyilen kómbokun. Bakan keehooje-hooj ni káwutiyenee ti bítim bite Anahaan u.

Epotor i 2:41

Bakan keehooje-hooj ni kajok ti báhamin boone, abe ni *kabostee. Hunak hondu, bakan keereeŋe súñjune síhaaji ni káwutiyen kaŋaabo *kéeyilene ku.

Epotor i 2:47

Iŋi kasokoroor Atambatun, abe ésuk i ereyi fe n'émaŋiiin. Húnakonak fe Atemit ti káwutiyeniin bakan keefake éyeni.

Epotor i 22:4

Íhihinoorahihinoor keejoke ku ti Bítim bite Anahaan u iyak iŋ'iyool. Ijokajok háyine ni haare iikobiin ni ñaasel, abe n'ija ífiiten t'ekulu i.

Epotor i 4:4

Bare keehooje ti keejame ku báhamin bite Piyeeriin ni Saaŋ ni káyilen. Náami *kéeyilene ku kasooña kahaŋ kahooju kareeŋ súñjune hutok.

Epotor i 6:7

Hirim hite Atambatun ti kahaŋu bijamo kep. Kéeyilene ku yooŋ ti kahaŋu kahooju Serusalem, abe keehooje *t'esaraha i ni kajok bítim bite *Kiris.

Epotor i 8:12

Bare h'aamo hu Filip abina eesok Hirim Heetoofe hu hite *Jáyi jite Atambatun, nu huruwu hite Yesu *Kiris, ni káyilen, abe ni káhin keebostee, háyine hu ni haare hu.

Epotor i 8:3

Sóol n'afin aŋes kábuju kéeyilene ku; aŋ'ayooso tu sunuuf su eejok háyine hu ni haare hu, abe n'aja akuliin.

Epotor i 9:2

eelawo eesaano bileetar bija t'eseef ite *ñáalawum ñite Damas, kaanuku af'ajuk toko háyine man yooŋ haare keejoke ti Bítim bite Anahaan u, n'ajokiin eeja nu boko Serusalem.

Epotor i 9:31

Náami kéeyilene ku kabajabaj káasuumaay ti kikinu kite *Súde, ni *Gálile, ni *Samari. Káyilen kooniin ti kahaŋu kayanu kep, abe buroŋ booniin fe kájeŋgin Atambatun. Búwejet Beenabe bu nu búyokunaniin yooŋ keehaŋ kahooju.

Epotor i 9:35

Bakate ku Lida kareyi fe, ni keekine ku ti kaatend kite Saron ni kajuko, abe ni kajok ti bítim bite Anahaan u.

Epotor i 9:42

Bondu ni bijamo ti hikinu hite Sope fe, abe bakan keehooje ni káyilen t'Anahaan u.

2 Korent 6:15

*Kiris áyinooni fíya kajamoor ni Setani? Man yooŋ an éeyilene, áyinooni fíya kakolu n'an éeyilenut?

Galasi 3:28

Náami Asuwif man yooŋ an eenooto Asuwif, ásukateen man yooŋ an eenooto ásukateen, ániine man yooŋ anaare, arireyi fe ariwayeit: arirare iŋi naane árihine i t'afeeneŋ ni Yesu Kiris.