Epotor i 4:29 - Kwatay (Kuwaataay)

²⁹ Hahiyu Atemit, a̱juk naane ii kákolinan uni, abe n'a̱wun uni sembe, uni eroka íiwe iŋ'irisok hirim húuwe ni kikaw keeyaŋge.

Epotor i 4:29 ပူးပေါင်းရင်းမြစ်များ

Epotor i 13:46

Náami Pool ni Barnabas ni kásafiniin, kikawiin káayaŋgin piŋ, kaaniin: —Aruun ariware fu kajabu arijam hirim hite Atambatun. Bare makamu ariteñekaa ho, abe yooŋ arijukerajuker náami t'aruun ajakutee kaanuku ariibaj buroŋ béehabanaariit bu, iriija kame ti keenooto ku Esuwif.

Epotor i 14:3

Pool ni Barnabas ni kafiyo bare Íkoñom. Iŋi káhamin ni kikaw keeyaŋge, abe n'eyakar yómbokun t'Anahaan u. Anahaan u n'áwufoor kaanuku bimbi kawaare ti kajaku koone bite nu múniyo, ábuki awuniinwun sembe site káhinu buroon beehaŋe ésuk i kikaw.

Epotor i 19:8

Pool n'aŋ'aja ti *báalawum bu, abe kiim kíhaaji n'aŋ'áhamin toko hikawo káayaŋgin piŋ. N'aŋ'áhamin toko bite *Jáyi jite Atambatun, abe n'aŋ'aŋes káhinu kiŋki kajamatano kéeyileno.

Epotor i 26:26

Áyi u Agiripa ajamajam bonde; iŋ'ite ho i hikawam hiyaŋge fu, íiyini káhamin ne o. Bukuuramkuur kaanuku ajamajam bo bireyi fe, ábuki t'álooseit ti bibaje fu.

Epotor i 28:31

Aŋ'awaare Jáyi jite Atambatun, abe n'aŋ'aliiken ésuk i bite b'Anahaan u Yesu *Kiris ni hikaw heeyaŋge piŋ, abe an ákolenaariito.

Epotor i 4:13

Kéeyemie ku ti kajoonan ku ni kajahale kareyi fe hi kajuke hu kaanuku Piyeeriin ni Saaŋ kikawiin kiyaŋgayaŋg, kúŋgowulan yooŋ taŋ, abe kámusut kajaŋga. Ni kakeetan kaanuku iŋi kariboor yéeni ni Yesu.

Epotor i 4:21

Kéeyemie ku ti kajoonan ku ni kasooñ kákolinaniin, abe ni kawasaniin. Kátumbut kabaj bi kaware bu bukuuso te bo keenij tu boko, ábuki ésuk i fe émoomi ti kasokoroor Atambatun tu bondu beebaje bu.

Epotor i 4:31

H'aamo hu kahabana kalawu ku, n'ayoŋoŋanooree toko ti kakuukanooree du. Búwejet Beenabe bu nu búhoojiniin kareyi fe, abe ni káyemi ti kasoku hirim hite Atambatun ni kikaw keeyaŋge piŋ.

Epotor i 9:27

Náami Barnabas éeyokunano, abe n'aja ne o *t'epotor i. N'asokiin naane Sóol ajuke i Anahaan u ti bítim bu, nu buŋ b'Anahaan u áhamine fu ne o. N'asokiin yooŋ buŋ bu Sóol awaaree fu Damas ariike tu huruwu hite Yesu ni hikaw heeyaŋge.

Epotor i 9:28

Áfiitin tu hunak hondu, Sóol n'aŋaabeiin, n'aŋ'ariboor nu boko Serusalem naane hutoofo i, abe n'aŋ'awaare tu huruwu hite Anahaan u ni hikaw heeyaŋge.

1 Korent 14:13

Iŋ'ite ho aamo fu an aa áhamin ti kíhaminiin kuway, awarawar kalawu Atambatun eewuno aŋ'abin áhandin bo ti kike k'ésuk i ejame.

2 Korent 3:12

Eyakar yendu y'iribaje i ékinineŋe fu kikaw kite k'uni ni kiyaŋg iŋ'iriwaare Hirim Heetoofe hu.

Fílip 1:14

Bakan keehooje-hooj ti *kéeyilene ku, hi kajame hu kaanuku íñj'endu t'ekulu i, kikawiin ni kihaŋ kayaŋgu t'Anahaan u, kasooñen ni kahaŋ káñiŋkaan ti kawaare kite ésuk i Hirim hite Atambatun ti kákoleyiit.

1 Tesalonik 2:2

Árimoomi yooŋ kaanuku h'íriyemie hu Fílip, bakate ku bo káhihinoorahihinoor uni, abe ni kálafatin uni. Bare h'írireeŋina hu t'aruun, naane átaañie i fe, Atambatun ayaŋgananayaŋganan uni kikaw iriisokuun Hirim Heetoofe hu héenuutina hu te o.

2 Timote 4:17

Bare Anahaan u aseeŋamseeŋo, abe n'awunam sembe isooñen n'íyini kawaare Hirim Heetoofe hu hireyi fe, keenooto ku Esuwif kareyi fe kayak kajam ho. Abe Anahaan u n'áhin iifak ti bíŋaŋ bu.