Epotor i 3:13 - Kwatay (Kuwaataay)

¹³ Atambatun ite *Aburaham, *n'Isak, ni *Sakob, Atambatun ite sifaaf úne ánikananikan aroka oone Yesu. N'árisiko arisaan eseef ite hikinu hu kaanuku eeyoolee, abe n'ariteñekoo tu buhooŋu *Pilat, h'áhabaneina hu yéeni kaanuku eewasano.

Epotor i 3:13 ပူးပေါင်းရင်းမြစ်များ

Májiye 11:27

Abe n'aane kéeyemie ku toko: —Faafam anaŋanaŋ buroon bu fe tu sumoŋiam. An ámeyiit íñj'eemo fu aañ, íñje eeemo u Añi u, bare Faaf u ámoomi. An yooŋ ámeyiit Faaf u aamo fu aañ, bare ímoomi, íñje Añi u; abe k'ijifane ku yooŋ kaanuku íiwufooriino kámoomi.

Májiye 20:19

abe boko kásikio kasaan keenooto ku Esuwif. Bokondu kásuwio, ni kámiño ni hikarawas, kahaban ni katibo *t'ekuruwa eeket. Bare hunak híhaajiyan hu, n'aŋ'aritanee t'eket i.

Májiye 22:32

«Íñj'eemo fu Atambatun ite *Aburaham, *n'Isak, ni *Sakob.» Atambatun, akina Atambatun ite keeroŋe ku, bija ni keeenee ku boko kakete fe, ábuki buroŋ bu t'éketiit ti biraane fu.

Májiye 27:2

Ni kakobo sumoŋu, abe ni kaja ne o kaja kasaan *Pilat águwernoor u.

Májiye 28:18

Yesu n'átofin abe n'aaniin: —Iwuneewun sembe tu buroon bu fe t'etiir bufor bu ni t'etaam i.

Mark 15:11

Bare eseef i bokondu ni katiŋg hahooja hu kaaniin kasok Pilat tiŋkan awasaniin Barabas.

Hirim Heetoofe hu hi Luk akiñje hu 22:57

Bare Piyeer n'ajeeŋoor aane: —Abuke, áyine ímeyiito fu.

Hirim Heetoofe hu hi Luk akiñje hu 23:4

Náami Pilat eeene eseef ite *esaraha i ni hahooja hu: —Ijukut fu b'ániine onde áhine bu beejakut, beeyak kákinineŋ n'ajoonanee.

Hirim Heetoofe hu hi Luk akiñje hu 6:37

—Atum'arijoonan an, abe Atambatun yooŋ at'ajoonanuun. Atum'aritinan an, abe Atambatun yooŋ at'atinanuun. Ariboŋket bakaaku, abe Atambatun n'aŋ'aboŋketuun.

Saaŋ 12:16

Eriboora yeene kasoŋkut kajok bondu. Bare h'abine hu áami Yesu ayitee t'etiir bufor bu éenikanee, ni kábaŋino kaanuku Míkiñjin mu musokasok bondu te o, abe yooŋ ésuk i káhinahin bija te o naane musoke i.

Saaŋ 18:40

Ni kátumb fu kataŋk t'etiir kaano: —Aaa, atum'a̱wasano! A̱wasan Barabas! Abe bare Barabas ánukenoora.

Saaŋ 19:11

Yesu n'aano: —A̱bajut t'íñje mayet sembe, kane arko taŋ s'Atambatun eeemo u t'etiir awuni su. Iŋ'ite ho aamo fu katin kite an éesikam u asaani kihaŋahaŋ kúuwe ku.

Saaŋ 19:12

Áfiitin t'ewahatu yendu, Pilat n'aŋes efehe kaanuku eewasan Yesu. Bare Esuwif i n'iŋi kataŋk kaane: —Af'a̱wasan áyin ondu, n'aŋ'áami á̱siiŋooreinoot *n'áyi ómbokun eeemo u Rom! Ábuki an fe eeene akina áyi, an ondu anatoora áyi ómbokun u!

Saaŋ 19:15

Bare ni kataŋk iŋi kaane: —A̱yoolo! A̱yoolo! A̱tibo t'ekuruwa eeket! Pilat n'aaniin: —Butum iitib áyi oonuun t'ekuruwa? Eseef ite esaraha i ni kaano: —Iribajut ake áyi eewayee n'áyi ómbokun eeemo u Rom.

Saaŋ 7:39

(Búwejet Beenabe bu bi Yesu asoke fu, beeyak bu bibin ti kéeyilene ku te o. Bare kóŋkeyin Búwejet Beenabe bu tu buwunoorutee, ábuki ti Yesu ayitoorutee t'etiir bufor bu éenikanee.)

Epotor i 22:14

Anañas n'áwutiyen aane: “Atambatun ite sifaaf úne ajifanijifan kaanuku á̱ameyi b'ámaŋie bu, a̱ajuk yooŋ afeeneŋ Éejube u, abe n'a̱jam kaaji koone.

Epotor i 24:14

Bonde bare bite nu múniyo b'ija bee kasoku hágilai: íñj'endu tu burok bija t'Atambatun ite sifaaf uni, ti Bítim bite Anahaan u. Boko iŋi kaane bítim bondu bíteiit nu múniyo, bare íyilenayilen beekiñjee bu fe *t'Eluwa yite Moyis, nu tu wuwiit wute *eyiŋana yite Atambatun.

Epotor i 3:12

Hi Piyeer ajuke hu bondu, n'áhamin ni hahooja hu aaniin: —Aruun bakate ku *Israyel, kame iŋi naŋ n'arijahale fu tu bonde? Iŋi naŋ n'af'áriheelin uni iyu kite uni írihine fu ániine onde eeja ni sembe site s'uni, man yooŋ aŋarkeyi naane uni bakan kéejube?

Epotor i 3:26

Náami t'aruun t'Atambatun ajabe fu áŋaasann aroka oone. N'áboñino kaanuku eebin éesoniyanuun, éehin huruw fe t'aruun eewatanooro kinij koone keejakut ku.»

Epotor i 4:27

«Múniyo *Erod nu Poons *Pilat kásiiŋooreinosiiŋoorein ti hikinu honde ni baabu biheet, ni bakate ku *Israyel kéesokum Yesu aroka úuwe eenabe u, a a̱jifane u éeyemi Afakana.

Epotor i 4:30

Á̱wufoor uni sembe súuwe man beehaŋe ésuk i kikaw ni bíhinee, kéesomute ku yooŋ ni karitanee tu huruwu hite Yesu aroka úuwe eenabe u.»

Epotor i 7:32

“Íñj'eemo fu Atambatun ite sifaafi, Atambatun ite Aburaham, n'Isak, ni Sakob”. Moyis n'ábit, akañenut yooŋ kásaarin hikawo éeheelin.

Eleetar i yi Pool akiñje i bakate ku Rom 9:5

Boko kaamo fu bakañi sifaaf su kómbokun ku bakate ku kóŋkeyin k'Atambatun ajifane ku. Kiris yooŋ ite t'eheet yeeniin h'abine hu éeyemi húŋgowulan. Akina aamo fu Atambatun eehaŋe u doon areyi fe. Úsokorooro ko kireyi fe! Amiin.

Esuwif i 2:9

Újakutanajakutan bare bonde: Yesu awananeewanan kawanan keefiyeit, emalaka i keehaŋo. Ti kajaku kite Atambatun, n'aket bija tu kúŋgowulan ku fe. Bare hahiye uŋ'újuk kaanuku ánikanee dómbokun naane áyi iŋi sílaam s'ajuke su t'eket yeene.

Kafeeñal ku 1:18

Íñj'eemo fu an eeemo u buroŋ. Íketaanaketaani, bare hahiye íñj'endu buroŋ hiraanu. Íñje íyekie fu sijaab site eket i, ni site ti keekete ku tindi kaja.

Kafeeñal ku 1:5

Yesu *Kiris yooŋ, aseede éejube u aja ásoniyanuun, abe n'awunuun káasuumaay, akina eeemo u átiyar u dók ti karitanee t'eket i, akina eeemo u áyi ite bákayi ku t'etaam i. Kiris ámaŋamaŋi úne, abe n'aram úne tu wuhoofoor wu ni halan hoone héeyuusee hu.