Epotor i 27:1 - Kwatay (Kuwaataay)

¹ H'aamo hu ajamooree kaanuku t'esahar t'írijufo fu iriija Itali, Festus n'ásik Pool ni bakaake keekulee asaan Suliyus, ake t'eseef ite esulaan i bakate ku *Rom, ite t'eja yiyi kaane «eja yite *áyi ómbokun eeemo u Rom».

Epotor i 27:1 ပူးပေါင်းရင်းမြစ်များ

Májiye 27:54

H'aseef ite esulaan i, ni bakan koone kéeyemie ku ti kajukar kite Yesu kajuke hu naane etaam i eyoŋoŋanooree i, ni baabu beebaje bu fe, ni kátumb kákoleyi naane abe ni kaane: «Múniyo ániine ondu áyemie fu Añi ite Atambatun!»

Hirim Heetoofe hu hi Luk akiñje hu 23:47

H'aseef ite esulaan i ajuke hu bondu beebaje bii, n'asokoroor Atambatun abe n'aane: —Nu múniyo fu ániine onde an eejake!

Hirim Heetoofe hu hi Luk akiñje hu 7:2

N'abaj bo ake t'eseef ite esulaan i bakate ku *Rom, ake tu búsukateen boone ásomutasomut dómbokun, alohen kaketu. Abe aŋ'ámaŋi naane ásukateen ondu.

Epotor i 10:1

Abajeebaj Sesare ake ániine huruwio Korneyi. Akina aseef ite esulaan bakate ku Rom ite t'eja yiyi kaane «eja yite Itali».

Epotor i 10:22

Ni kaano: —Korneyi, aseef ite esulaan i áboñina fu uni. Ániine éejube. Ájeŋginajeŋgin Atambatun, abe Esuwif i kareyi fe iŋi kasok te o beejake. Ake amalaka ite Atambatun aanoen aruwi bija te o, eeja eejamatan naŋ n'a̱ja fu kasoku koone.

Epotor i 16:10

Hi bondu bifeeñe hu Pool ahaban kep, n'iriŋes kaanuku iriija Maseduwan, ábuki bukuurakuur uni kaanuku Atambatun aruwe fu uni aane irija bo iriiwaareiin Hirim Heetoofe hu.

Epotor i 18:2

N'ajuk bo ake Asuwif huruwu hoone Akilas, eebukee t'ésuk ite Pont. Ániine ondu ti káreeŋinao akina n'anaar'o Pirisil, kánuutin Itali, ábuki Kúlod *áyi ómbokun eeemo u Rom asokasok aane Esuwif i fe kanuut bo. Pool n'aja aŋaabeiin,

Epotor i 19:21

Bondu buwas, Pool n'aane eeja Serusalem, eeŋaas Maseduwan, ajok Akayi. N'aane: —If'ija bo ihaban, iwarawar yooŋ bija *Rom.

Epotor i 21:32

N'ahaŋ akuukan toko-toko esulaan, n'eseef yeeniin, abe n'atey anaban hahooja hu. H'ésuk i kajuke hu aseef u n'esulaan yeene, ni karaan kámiñu kite Pool.

Epotor i 22:26

Hi faaf ite esulaan i ajame hu bondu, n'aja asok aseef u. N'aano: —Buŋ b'a̱ja fu? Ániine ondu fu ite yooŋ Rom!

Epotor i 23:11

Hunak hondu káajiim ku, Anahaan u n'áŋaasin tu Pool abe n'aano: —A̱jok alitee! Naane aseedaam i Serusalem, iyu yooŋ a a̱ware fu kaseedaam *Rom.

Epotor i 23:17

Náami Pool eeruw ake ti sifaaf site esulaan i abe n'aano: —A̱ja n'ahaawa onde t'aseef u, ábuki ákooki bike bite kasokio.

Epotor i 24:23

N'aane faaf ite esulaan i aa ajukar Pool akulo, bare n'awaso aŋ'áhin beetoofo bu, abe n'awas bákawiyo iŋi katofotooro.

Epotor i 25:12

Festus n'ajab áhamin n'erima yeene, ahaban n'ásafin aane: —A̱ane á̱maŋamaŋi áyi ómbokun eeemo u Rom ajoonani? Kame awe bija t'áyi ómbokun eeemo u Rom.

Epotor i 25:25

Íñje bare ijukut b'áhine beejakut beejare n'ayoolee. Bare makamu aanaan ámaŋamaŋi áyi ómbokun eeemo u Rom ajoonano, n'eene kame íñje kaboñioo.

Epotor i 27:11

Bare aseef ite esulaan i ite u Rom n'awas báhamin bite bu Pool éejeŋgin bite ateyana u, n'ate esahar i.

Epotor i 27:43

Bare aseef ite esulaan i ámaŋamaŋi kafakan Pool. Awasutiin kéehin bi kayinoore bu. N'aane kéeyinie ku kaleyi kajab kátuuso man ni káyini kareeŋu etaam i.

Epotor i 27:6

H'iriwanee hu bo, aseef ite esulaan i n'ajuk esahar yéenuutina Aleksandiri yeeware bija Itali. N'ájuf uni te yo.

Epotor i 28:1

H'aamo hu irireeŋa etaam i, n'irijam kaanuku ekiŋk i iŋi kaane yo Malt.

Epotor i 28:16

H'irireeŋe hu Rom, ni kawas Pool eekin t'eke enuuf, asulaan aŋ'ajukaro.

Esuwif i 13:24

Arisaaf égila yeenuun kareyi fe, ni bakan k'Atambatun akino ku yooŋ fe. Bakate ku Itali *kéeyilene ku kasaafuun.