Epotor i 26:18 - Kwatay (Kuwaataay)

¹⁸ Iiboñi a̱aja á̱feŋgin ñíkiniin, abe n'á̱nuutanniin t'ébaani i keebin ti meejaaŋe mu. Boko kánuutina ti sembe site Setani keebin t'Atambatun. Ifi káyilen t'íñje, wuhoofoor wooniin n'uŋu wuboŋketee, abe n'iŋi káyini kareyi ti bakan kite Atambatun.»

Epotor i 26:18 ပူးပေါင်းရင်းမြစ်များ

Májiye 4:10

Náami Yesu eeeno: —A̱ja Setani! Ábuki busokeesok ti Míkiñjin mu kaanuku: «Á̱sukaay Atemit Atambatun úuwe, abe n'á̱jiŋgitan hágilao, o unoono taŋ.»

Májiye 4:16

Bokondu kéeyemie ku t'ébaani kajukajuk meejaaŋe wililil! Abe kéekinaanie ku t'ésuk yéebaanie i yite eket i, meejaaŋe mu míŋaasino!»

Hirim Heetoofe hu hi Luk akiñje hu 1:77

abe n'á̱wufoor yooŋ bakan koone kaanuku, t'aboŋketiin du wuhoofoor wu, toko t'afakaniin fu.

Hirim Heetoofe hu hi Luk akiñje hu 1:79

O bibin kajaaŋan keeemo ku t'ébaani i, ni bakan k'eket i eŋolool ku, éehin úne núuja ti bítim bite káasuumaay ku.

Hirim Heetoofe hu hi Luk akiñje hu 2:32

O aamo fu meejaaŋe meeja mu kajaaŋan biheet bu bireyi fe, abe akina kákinineŋ Israyel bakan kúuwe ni kánikanee.

Hirim Heetoofe hu hi Luk akiñje hu 24:45

Náami éefeŋginiin ñúwejet kaanuku man ni kánandin *Míkiñjin mu

Hirim Heetoofe hu hi Luk akiñje hu 24:47

Abe eriboora yeene kawarawar kawaare tánotan fe t'etaam ye tu huruwu hoone, kéejabin Serusalem. Kawarawar kasoku ésuk i keewatanooro kinij kooniin keejakut ku man wuhoofoor wooniin nu wuboŋketee.

Hirim Heetoofe hu hi Luk akiñje hu 4:18

«Búwejet bite Atemit bondu t'íñje, iŋ'ite ho h'ajifanam fu kaanuku iibin isok keebajut ku doon fe Hirim Heetoofe hu. Áboñinamboñin iisok keekulee ku kaanuku kawasanee, n'íwufoor kéefuume ku kaanuku káyinooni kajuku, kéehihinooree ku kaanuku boko karamiee,

Saaŋ 17:17

Á̱wufooriin múniyo mu kéeyemi bakan kúuwe káhabanein. Hirim húuwe heemo fu múniyo mu.

Saaŋ 3:19

Bakan naane an ondu kajoonanee aŋarkeyi naane meejaaŋe mu mibinabin t'etaam ye, ni kateñeko mo kéemaŋi ébaani i, ábuki kánoŋkaariit ajakee.

Saaŋ 4:10

Yesu n'aano: —Kane á̱meyi yéeni b'Atambatun bamb'awun, n'aañ yooŋ af'aani iye a̱wuno éehujo, humuumi a̱ja fu kaanio awuni á̱ahujo, abe n'aŋ'awuni móhujo mummu muwun buroŋ bu.

Saaŋ 4:14

Bare an eeyak u búhujo tu móhujo m'ija mu kawunio, búhujo buroŋuto kajoku hikee. Ábuki móhujo m'ija mu kawunio káyemi t'enio naane káabulanu tu móhujo miyak kábulu, abe ni míhino eebaj buroŋ béehabanaariit bu.

Saaŋ 8:12

Yesu n'asooñ abin áyemi ti báhamin ni hahooja hu. N'aane: —Íñj'eemo fu meejaaŋe mu tu kúŋgowulan ku. An éeseinam u ti hiñaawu, at'aja hikee t'ébaani, o bija ti meejaaŋe mu mummu muwun buroŋ bu.

Saaŋ 9:39

Ahaban, Yesu n'aane: —Káwaajinoor ésuk i kíkinineŋe fu n'ibin t'etaam ye, man kéejukaariit ku ni kajuk, abe kiŋki kajuk ni kafin káfuum.

Saaŋ 9:5

Naane iŋ'iyak bifiyo t'etaam ye fe, íñj'eemo fu meejaaŋe meeja mu kajaaŋan yo.

Epotor i 10:43

*Eyiŋana yite Atambatun fe kasokasok uŋu hoone hu; kaanaan an fe éeyilene ti Yesu, ti sembe site huruwu hondu t'Atambatun aja fu kaboŋketo wuhoofoor wu.

Epotor i 13:47

Ábuki bonde b'Atemit asoke fu uni. Aanaan: «Íhinihin á̱ayemi meejaaŋe mu ti kéemeyiitam ku, kaanuku a̱aja a̱sok ésuk i tánotan fe t'etaam ye buŋ b'iyakiin fu kafakan.»

Epotor i 15:9

Te o úwayeit nu boko: akuuranakuuran ñúwejet ñooniin aŋarkeyi naane káyilenayilen.

Epotor i 2:38

Piyeer n'aaniin: —Ariwatanooro kinij koonuun keejakut ku, abe huruw t'aruun n'áhin eebostee tu huruwu hite Yesu *Kiris man wuhoofoor woone nu wuboŋketee, abe Atambatun n'aŋ'awunuun Búwejet Beenabe bu.

Epotor i 20:21

Ilawalaw Esuwif i ni keenooto ku Esuwif eeniin kawas kinij kooniin keejakut ku kéejeŋgin Atambatun, abe ni káyilen t'Anahaan ite úne Yesu.

Epotor i 20:32

«Hahiyu iiwasuun tu sumoŋu Atambatun, ni hirim hite kajaku koone. Ho híyiniuun fu káwutiyen sihel, abe nu huwunuun yooŋ t'ebaj y'anaŋe i bija ti bakan k'akino ku.

Epotor i 26:19

Pool n'asooñ aane: —Maan Agiripa, náami bondu beefeeñam bii béenuutina bu t'etiir bufor bu, iŋesut biteñeko káhinu naane busokam i.

Epotor i 26:23

kaanaan *Afakana u kajuku sílaam, o yooŋ aja fu káyemi átiyar u ti bíriteina bu t'eket i, abe o káwufoor Esuwif i ni baabu biheet meejaaŋe mite káasuumaay ku.

Epotor i 3:19

Náami ariwatanooro kinij koonuun keejakut ku, abe n'áriwuŋgan inde Atambatun man n'atot wuhoofoor woonuun.

Epotor i 5:31

Atambatun n'ayito inde *baatoso, abe n'áhino éeyemi Aseef *n'Afakana, kaanuku man *Israyel n'éyini buwatanooro kinij kooniin keejakut ku, wuhoofoor wooniin weeboŋketee.

Eleetar i yi Pool akiñje i bakate ku Rom 8:17

Abe makamu úne bakañio, úne kabaju húrub t'ebaj y'anaŋe i bija ti bakan koone. Úne kamaatu te yo ni Kiris, ábuki uf'úmaat ti sílaam soone, úne yooŋ kamaatu ti kániku koone.

1 Korent 1:2

Uni bokondu ti kákiñjinuun aruun bakate ku Korent *kéeyilene ku, aruun k'Atambatun akino ku. Aruwuunruw kaanuku áriihin t'afeeneŋ ni Yesu Kiris, aruun ni bakaaku fe keeemo ku tánotan, kiŋki karuw huruwu hite Anahaan ite úne Yesu Kiris, Anahaan ooniin n'Anahaan ite úne toko.

1 Korent 1:30

Atambatun áhinuunhin t'afeeneŋ ni Yesu Kiris, abe akina Kiris ákinineŋe fu n'úmeyi búwesinato béenuutina bu t'Atambatun. Akina ákinineŋe fu yooŋ Atambatun n'ajok úne bakan kéejube, n'ajifan úne núuyemi bakan koone, abe n'áhin úne núufak tu wuhoofoor wu,

2 Korent 4:4

Bokondu káyilenut, ábuki atambatun eejakut u ite etaam i ámiñamiñ ñúwejet ñooniin ñéeyemi t'ébaani. Áhinahin bondu kaanuku itim káyini kajuku meejaaŋe mite Hirim Heetoofe hu, héewufoore hu kániku kite ku *Kiris eeemo u humuum búnokoorum bite Atambatun.

2 Korent 4:6

Ábuki Atambatun eeene u: «Meejaaŋe mu mija mijaaŋan t'ébaani i!» o yooŋ áhine fu meejaaŋe moone meejaaŋ ti sihel site s'uni, kaanuku man n'ajaaŋan uni ti kámeyi kite kániku koone kiŋki kisilan tu buhooŋu bite Kiris.

2 Korent 6:14

Atum'aŋ'árigiilool ni kéeyilenut ku áriihin t'afeeneŋ. Doon déejube díyinooni fíya káhinu t'afeeneŋ nu doon deejakut? Meejaaŋe míyinooni fíya káhinu t'afeeneŋ n'ébaani i?

Galasi 2:20

Náami aŋkut áami íñj'eemo fu tu buroŋ bu, bare Kiris aamo fu tu buroŋ bu t'íñje. Buroŋ bite t'etaam ye b'eemo bee te bo hahiye, íñj'endu te bo ti káyilen ku t'Añi ite Atambatun éemaŋiam u, abe n'ásik síhiinio asaan bija t'íñje.

Galasi 3:14

Iyu i bije fu kaanuku man kásoniyan k'Atambatun aane ku o kásoniyan Aburaham, keenooto ku Esuwif ni kabaj ko yooŋ ti Yesu Kiris, abe ti káyilen kite k'úne, n'úbaj yooŋ Búwejet Beenabe bu b'Atambatun aane bu o kawunu úne.

Galasi 3:2

Doon difeeneŋ donde taŋ d'ímaŋie fu arisokam: Búwejet bite Atambatun, aribajabaj bo aŋarkeyi naane árijeŋginajeŋgin *Eluwa yite Moyis, man yooŋ aŋarkeyi naane arijamajam Hirim Heetoofe hu abe n'áriyilen ho?

Efees 1:11

Naane írihine i t'afeeneŋ ni Kiris, iribajabaj húrub hite h'uni t'Atambatun, ábuki Atambatun asoŋka bijifan uni naane t'áhabaneina du. Abe Atambatun áhinahin buroon bu fe beeriib ni naane ámaŋie i akina humuumo.

Efees 1:14

Búwejet Beenabe bu beemo fu húrub hítiyar hu ti meejake m'Atambatun anaŋe mu bija ti bakan koone. Úne kabaju mo kane úfakanee kuur. Náami úsokoroor Atambatun naane ahahe i!

Efees 1:18

Iŋ'ilaw Atambatun kaanuku eejaaŋan ñúwejet ñoonuun, man n'árimeyi eyakar yómbokun y'aruwuun i bite te yo, n'ebaj yéewarie-warie i y'anaŋe i bija ti bakan k'akino ku.

Efees 1:7

Ti halan hite Kiris t'Atambatun arame fu úne ti meejakut mu, abe n'aboŋket úne yooŋ wuhoofoor wute w'úne. Iyu a áwufoore fu úne kajaku koone keehahe-hahe ku, n'áhin úne yooŋ núuwesinato, abe n'úniyo.

Efees 2:8

Múniyo iŋi kajaku kite k'Atambatun h'arifake fu, ábuki áriyilenayilen te o. T'áruuniit tu bondu búnuutina, Atambatun awunuun fu bo.

Efees 4:18

abe kájokaariit doon fe. Kabajut buroŋ b'Atambatun bamb'awun, ábuki kámeyiit doon tus, abe ñúwejet ñooniin yooŋ iŋi ñíbaani túruk.

Efees 5:11

Atum'arikol nu burok beebajut bu éñjeriŋ, bite kiŋki kanij t'ébaani i, bare arirej bo.

Efees 5:14

Múniyo doon déeŋaasina akuur but díyemia meejaaŋe. Iŋ'ite ho hi kaane fu: «Á̱niyo, awe eeemo u t'a̱ŋote, a̱rito t'etut keekete ku, abe Kiris n'aŋ'ajaaŋani.»

Efees 5:8

Hítiyar hu aruun ébaani; bare hahiye, naane árihine i t'afeeneŋ n'Anahaan u, aruun meejaaŋe. Náami arinoŋk naane bakan bakate meejaaŋe,

Efees 6:12

Ábuki fu újeit étuum nu kúŋgowulan, bare étuum nu ñúwejet ñeejakut ñu ñeeemo ñu t'etiir, ni bakate sembe su, ni siseef su, ni keekino ku sembe su t'etaam ye yeeemo i t'ébaani.

2 Timote 2:26

Náami n'iŋi kasooñ kabaj kikaw, abe n'iŋi kafak t'éfiir ite Setani yeejokiin i yéeni, abe n'aŋ'áhiniin keejam te o.

Esuwif i 10:10

Makamu Yesu Kiris áhina ahaban b'Atambatun ámaŋie bu, kaasarah k'áhine ku kite eni yeene, kifeeneŋ ku taŋ abe yooŋ kiraanu, kukuurana úne tu wuhoofoor wu.

Esuwif i 10:14

Náami ni kaasarah kifeeneŋ taŋ, akuurana hiraanu bakan kéekajinee ku bija t'Atambatun.

Esuwif i 11:6

Abe an ayinaat katoofu Atambatun t'abajut káyilen. Múniyo an eeemo ti kalohu Atambatun awarawar káyilen kaanuku Atambatun abajabaj, abe aŋ'asiiban yooŋ kiŋki kaŋeso.

Esuwif i 9:15

Iŋ'ite ho hi Kiris asiiŋee fu t'etut Atambatun nu kúŋgowulan ku, ti kaajamoor kíyeni ku k'ajamoore ku nu boko. Áhinahin bondu kaanuku man bakan k'Atambatun aruwe ku ni káyini kabaju ebaj yéehabanaariit i, y'Atambatun aane i o kawunu bakan koone. Boko kabaju yo, ábuki Kiris aketaket, abe eket yeene efakanafakan ésuk i tu wuhoofoor wi káhine wu, boko ti kájeŋgin kite kaajamoor kítiyar ku.

Saak 2:5

Kújakuwe, aruun k'ímaŋie-maŋie ku, arijamatan: keebajut kíiit kereŋ k'Atambatun ajifane fu kaanuku kéeyilen te o, káyilen kooniin kéeyemi ebaj yeeniin, abe ni kabaj Jáyi j'aane ju o kawunu kéemaŋio ku?

1 Piyeer 1:4

abe úmoomi kaanuku úne kákini buroon beejake b'Atambatun anaŋe bu bija ti bakan koone. Buroon bondu biyinaat búbujo, biyinaat kabuubat, biyinaat yooŋ bútowuto. Atambatun anaŋanaŋ bo tu bufor bu bija t'aruun.

1 Piyeer 2:25

Ábuki fu árimoomi yéeni naane bíkarniina béetowutee, bare hahiye áribatikannee t'ahaawa u aa ajukaruun.

1 Piyeer 2:9

Bare aruun, aruun ariemo fu eheet yeejifanee i, aruun ariemo fu esaraha i bakate ku Atambatun Áyi u, aruun ariemo fu ésuk yeenabe i, aruun ariemo fu bakan kite Atambatun. Arijifaneejifan kaanuku aŋ'aribin arisok buroon béewarie bu b'Atambatun áhine bu, akina eeruwuun u kaanuku áriinuutin t'ébaani i, ariibin ti meejaaŋe moone méewarie-warie mu.

1 Saaŋ 1:9

Bare uf'úsok Atambatun wuhoofoor wute w'úne, makamu ájubajub, abe doon fe d'asoke aŋ'áhin do, o kaboŋket úne wuhoofoor wu, abe n'aŋ'akuuran úne ti meejakut mánoman.

1 Saaŋ 2:12

Kúñuumo, iikiñjuun bonde: wuhoofoor woonuun wuboŋketeeboŋket, Kiris éekinineŋ.

1 Saaŋ 3:8

An eekine ti kaahoofoor, akina an ite Setani, ábuki Setani ahoofoorahoofoor huta hu ti kájabina ku. Bonde bíkinineŋe fu Añi ite Atambatun n'abin: kaanuku éebuj burok bite Setani.

1 Saaŋ 5:19

Úmoomi kaanuku Atambatun akino fu úne, bare etaam i ereyi fe yendu ti sembe site Batuuk bu.

Eleetar i yi Sud akiñje i 1:1

Íñje Sud aroka ite Yesu *Kiris, íñje at'ute Saak íkiñjinuun fee aruun k'Atambatun Faaf u aruwe ku. Ámaŋiuunmaŋi, abe Yesu Kiris af'ajukaruun.

Kafeeñal ku 21:27

Bare doon fe *deekuurut utu duyooso toko, n'an fe aŋ'áhin buroon béekojie, man yooŋ n'aŋ'ajuus. Keeemo ku kuruwu kooniin kikiñjee fu ti kaawiit kite buroŋ bu taŋ, kite k'Ametek u kaja fu buyooso ti hikinu hondu.