Epotor i 24:5 - Kwatay (Kuwaataay)

⁵ Irijukajuk kaanuku áyin ondu húŋgowulaniit. Ayeeñoorana Esuwif i bakate ku t'etaam ye fe, abe akina aamo fu aseef ite Enasareyeŋ i.

Epotor i 24:5 ပူးပေါင်းရင်းမြစ်များ

Májiye 10:25

Aliikena awarawar káhinu éeyemi naane ámuse oone, aroka u man n'áyemi naane aseef oone. Ésuk i ifi kaja ayak abin áami kaana ate enuuf i Belsebul, buŋ fíya bi kaja fu karuwu bakate ku t'enuuf yeene?

Májiye 2:23

iŋi heenee *Nasaret. Iyu i bije fu kaanuku man báhamin bonde *b'eyiŋana yite Atambatun kasoke bu ni bibaj. Kaanaan: «*Afakana u kaaniee an ite Nasaret.»

Mark 1:24

—Híiña, Yesu ite u *Nasaret, kame baŋka úne? Kame kátowutan uni k'a̱bine fu? Ímoomi awe a̱amo fu aañ: an eenabe u a Atambatun áboñina u!

Hirim Heetoofe hu hi Luk akiñje hu 23:19

(Barabas akuleekul aŋarkeyi naane kabinabina kárahan t'eseef ite hikinu hu, abe ni kayool an.)

Hirim Heetoofe hu hi Luk akiñje hu 23:2

Kareeŋ, ni kasok toko báhamin beehooje te o iŋi kaane: —Iriñojanañojan ániine ondu ti katiŋgu bakan uni Esuwif i kaanuku keebin keerito t'eseef i: aŋ'aaniin itim'iŋki kajaam *áyi ómbokun eeemo u Rom búhal, abe n'aŋ'aane akina humuumo aamo fu *Afakana u, áyi ite uni.

Hirim Heetoofe hu hi Luk akiñje hu 23:25

N'awasan ániine i kasoke u, eekulee u aŋarkeyi naane kárahannorahann t'eseef i, abe yooŋ ni kayool an, eefin eeene Yesu áhinee naane ti kámaŋi kite Esuwif i.

Hirim Heetoofe hu hi Luk akiñje hu 23:5

Bare ni kahaŋ mi kataŋke iŋi kaane: —Bamb'aliiken ésuk i fe bite katiŋgiiin keebin keerito t'eseef i. *Gálile b'ájabina fu, n'aja yooŋ *Súde ereyi fe, abe n'abin beebe.

Epotor i 15:5

Bare bakaake Esuwif ti keeriboore ku *n'Efarisiyeŋ i abe ni kajok bítim bite Kiris, ni karito keeene: —Keenooto ku Esuwif kéeyilene ku kawarawar kateyanee karam, abe ni kasokee kéejeŋgin Eluwa yite Moyis.

Epotor i 21:28

Iŋi kataŋk kaane: —Aruun bakate ku *Israyel, áriteyin! Ániine onde af'awaare tánotan ni t'ésuk i fe aŋ'asok t'úne Esuwif i, ni *t'Eluwa yite Moyis, ni t'Enuuf yende yite i Atambatun. Abe hahiyu, aja ayak abin áami ayoosana bakan keenooto Esuwif t'Enuuf ite Atambatun, eebuubatan *t'Anabe du!

Epotor i 22:22

Hahooja hu ni hijamatan Pool ayak abin áami ásokino bite keenooto ku Esuwif, ni kataŋk t'etiir kaane: —Árihin áyin ondu eenuut t'etaam ye! Awarut karoŋu!

Epotor i 24:14

Bonde bare bite nu múniyo b'ija bee kasoku hágilai: íñj'endu tu burok bija t'Atambatun ite sifaaf uni, ti Bítim bite Anahaan u. Boko iŋi kaane bítim bondu bíteiit nu múniyo, bare íyilenayilen beekiñjee bu fe *t'Eluwa yite Moyis, nu tu wuwiit wute *eyiŋana yite Atambatun.

Epotor i 24:4

Bare it'ikamban báhamin búuma, iisooñ ijoki afiyee. Iŋ'ite ho h'ímaŋie fu waasi, ti kajaku kúuwe, a̱jamatan uni jak diŋgilis kep.

Epotor i 25:7

Hi Pool áreeŋina hu, Esuwif i kéenuutina ku Serusalem ni kákuuto, abe ni kasok kaanuku áhinahin buroon beehooje beejakut, bare kayinaat káwufoor múniyo mite te bo.

Epotor i 26:5

Kámoomiam afiyee, abe káyinooni biseede tu hutoofiin kaanuku íñje, uni iriemo fu *n'Efarisiyeŋ i, abe bítim bondu bihaŋe fu kaniŋu t'uni.

Epotor i 28:22

Bare írimaŋamaŋi a̱akam uni awe humuumi b'a̱yinoore bu, ábuki írimoomi kaanuku tánotan fe, ésuk i iŋi kateñeko bítim b'a̱amo bu te bo.

Epotor i 5:17

Náami *asaraha ómbokun u, ni bakan koone fe keeriboore ku *n'Esaduseyeŋ i ni kahiñan *epotor i, abe ni káhabanein kaane kéerahan tu boko.

Epotor i 6:13

Ni kabin yooŋ ni bakan kaanuku keejuus kasaano. Bokondu ni kaane: —Áyin ondu áwasaariit kasoku beejakut *t'Enuuf ite Atambatun yeenabe i, ni *t'Eluwa yite Moyis!

1 Korent 11:19

(Abe káwaajinoor kuwarawar kabaju t'aruun man kéejube ku nu múniyo ni káyiniee kakeetan.)

1 Korent 4:13

An af'asok t'uni beejakut, n'iŋ'írisafin atoofee. Bija t'úmiye yooŋ, ésuk i ejokajok uni naane kuhos kite aduna i, nu buruwat bite kúŋgowulan ku.

1 Piyeer 2:19

Múniyo af'arijuk sílaam seewarutuun kabaju, abe n'aŋ'árimuñ iŋ'ite h'Atambatun, bondu bijakajak faa.