Epotor i 22:30 - Kwatay (Kuwaataay)

³⁰ Aseef ite esulaan i n'ámaŋi kámeyi beekuuro iŋi naŋ n'Esuwif i katinane fu Pool. Ho hi tifiite fu, n'aane kájendino ñaasel ñu, abe n'aboñ bite eseef ite *esaraha i, ni *sifaaf site ejoonana i fe kaanuku keekuukanooro. Ahaban, n'abin nu Pool, abe n'asiiŋano hágilaiin.

Epotor i 22:30 ပူးပေါင်းရင်းမြစ်များ

Májiye 10:17

Arinaŋ kikawuun t'ésuk i. Ábuki bakan kajokuuun kaanuku keeja keejoonanuun. Aruun kámiñiee kikarawas ti *ñáalawum ñite ñ'úne.

Májiye 27:2

Ni kakobo sumoŋu, abe ni kaja ne o kaja kasaan *Pilat águwernoor u.

Májiye 5:22

Íñje bare eenuun: an fe eeyiŋate t'áwiyo, o kajoonanee. An af'aane áwiyo: «A̱yakut hikaw!», n'aŋ'ajee ne o ti sifaaf site ejoonana i. An n'aane áwiyo: «Esoŋ yendu!», n'aŋ'áfiitenee sambuun.

Epotor i 21:11

N'abin t'uni, abe n'ásik nibaŋ nite nu Pool eekobooro wuwot nu sumoŋu abe n'aane: —Bonde bu Búwejet Beenabe bu busoke fu. Beene: «An eekino u nibaŋ nonde, iye e Esuwif i kaja fu kakobio Serusalem, abe ni kásiko kasaan keenooto ku Esuwif.»

Epotor i 21:33

Aseef ite esulaan i n'atof areeŋ Pool, n'ajoko, abe n'aane kakobo ni ñaasel ñúsuba. Ahaban, n'ákandijen ésuk i akina aamo fu aañ, ni naŋ n'áhine fu.

Epotor i 22:5

*Asaraha ómbokun u, ni *sifaaf site ejoonana i fe káyinooni biseede kaanuku bifeeneŋ b'if'isok iye. Boko kumuumiin kasaanam fu bileetar beekiñjee bija ti bakati úne Esuwif i bakate ku Damas. N'ija bo kaanuku iijok keejoke ku Bítim bite Anahaan u, abe n'ibin nu boko Serusalem kéehihinooree.

Epotor i 23:1

Pool n'ajondoman ti sifaaf site ejoonana i abe n'aane: —Kújakuwe, buroŋ búuma bukuurakuur but t'Atambatun bija yooŋ tu hunak hite úmiye. Eholam ebebabeb tu bondu.

Epotor i 23:15

Hahiyu aruun ni *sifaaf site ejoonana i arija ariilaw aseef ite esulaan i eebinuun ne o; arieno uŋu hoone hu h'aririikee fu kaanuku ariihaŋ kajuku áwariee. Uni irifaraa kaanuku iriiyoolo t'áreeŋinoorut diye.

Epotor i 23:20

Ahaawa u n'aane: —Esuwif i kajamoorajamoor kaanuku keelawi a̱ajeiin nu Pool kuwaatu bija ti sifaaf site ejoonana i, kaane keehaŋ kajuku hoone hu áwariee.

Epotor i 23:28

N'ija ne o ti báajoonanum bite Esuwif i, ábuki ímaŋamaŋi kámeyi te naŋ t'atine fu tu boko.

Epotor i 23:6

Pool ámoomi kaanuku ti sifaaf site ejoonana i, bakaake *Esaduseyeŋ, bakaaku *Efarisiyeŋ. Náami eetaŋk toko t'etutiin aane: —Kújakuwe, íñje Afarisiyeŋ, añi ite Afarisiyeŋ. Aŋarkeyi naane iyakarayakar ti bíriteina bite t'eket i híkinineŋe fu kajoonan kúuma.

Epotor i 26:29

Pool n'aano: —Ahil iye man yooŋ n'afiyee, íñj'endu ti kalawu Atambatun, isokut kaanuku bija t'awe unooni, bare bija yooŋ ti keejamatan kee úmiye t'íñje fe, man n'áriyemi naane íñje, abin aŋeñen ti ñaasel ñonde!

Epotor i 5:21

Epotor i ni káhin naane asoke i: nu bújom bu bib, ni kayooso t'Enuuf ite Atambatun, abe ni káyemi toko ti kaliiken ésuk i. Asaraha ómbokun u, ni kéesiiŋooreina ku ne o ni kakuukan *sifaaf site Esuwif i fe. Boko kaamo fu *sifaaf site ejoonana i. Kahaban, ni kaboñ bite epotor i t'ekulu i.