Epotor i 2:40 - Kwatay (Kuwaataay)

⁴⁰ Piyeer n'asooñ áhaminiin afiyo, kaanuku keehaŋo káyilen, kikawiin yooŋ keehaŋ kayaŋgu. Aŋ'aaniin: —Arifak tu bokondu kéenijaariit ku ajakee!

Epotor i 2:40 ပူးပေါင်းရင်းမြစ်များ

Májiye 12:34

Ñuroon ñondu! Buŋ b'ariyino fu káhamin atoofee, abe bare arijakut? Ábuki fu butum af'ánuutann beeemo bu tu búwejet bu.

Májiye 16:4

Aruun bakate ku hahiye arijakut, áriwuŋgawuŋg yooŋ Atambatun kiñaawu, abe bare n'árimaŋi kajuku beehaŋuun kikaw. Bare at'áriwufooree mayet bifeeneŋ, kane arko taŋ beebaje bu *Sonas. Ahaban, n'awasiin toko eeja.

Májiye 17:17

Yesu n'aane: —Áribajaatia teereŋ káyilen! Ariyaŋgayaŋg faa kikaw, aruun bakate ku hahiye! Bija kaakaŋ n'ija fu iŋki biriiko n'aruun? Íñj'endu ti kajoku hikawam kep bija kaakaŋ? Aribinam n'añi u diye.

Májiye 23:33

Ñuroon ñondu! Búsunduk! Buŋ b'af'arisooñ ariyinoor n'aŋ'ariene aruun kafaku tu kúnuur kite sambuun su?

Mark 8:38

Isokuunsok bonde ábuki ake ti bakate ku hahiye kéewuŋge ku Atambatun kiñaawu, ehoofoora yooŋ, af'aane ífuñinanafuñinani te o, íñje ni kirim kúuma, *Añi ute Húŋgowulan hu yooŋ kaanu áfuñinanafuñinani te o kane aja abin ti kániku kite Faafo, akina n'emalaka i keenabe ku.

Hirim Heetoofe hu hi Luk akiñje hu 16:28

Bakat'am bokondu toko kaamo hutok. Aja áyeegaliin kaanuku man itim kabin yooŋ diye ti sílaam se.»

Hirim Heetoofe hu hi Luk akiñje hu 21:36

Áriniyo, abe n'arilaw ko kireyi fe man Atambatun n'awunuun sembe site kafaku tu buroon bondu beeja bu kabaju, ni site bisiiŋo hágila *Añi ute Húŋgowulan hu.

Saaŋ 21:25

Yesu áhinahin bike buroon beehooje-hooj. Arko yéeni beekiñjee ni bifeeneŋ, ni bifeeneŋ, íyilenut kaanuku wuwiit weeyak wu kakiñjiee nu wure t'etaam i ereyi fe.

Epotor i 10:42

N'áhamin uni ayan, aane iriwaare ésuk i, abe n'irisok kaanuku akina aamo fu an u a Atambatun asiiŋane u kaanuku eejoonan keeroŋe ku ni keekete ku.

Epotor i 15:32

Makamu Sud ni Silas, boko *eyiŋana yite Atambatun, ni káhamin ni kéeyilene ku afiyo, kaanuku keehaŋiin kayaŋganan kikaw, abe yooŋ ni kawuniin sihel.

Epotor i 20:11

Ahaban, n'asooñ asiro. N'afiitar humburu hu abe ni kateŋ. N'asooñ áhamin toko afiyo ayak abin áami taanak tu túnuutino, abe n'aja.

Epotor i 20:2

N'añaahoor kikinu kite ku bo, abe n'aŋ'áhamin ni kéeyilene ku afiyo aaniin kajok alitee. Ahaban, n'aja Geres,

Epotor i 20:21

Ilawalaw Esuwif i ni keenooto ku Esuwif eeniin kawas kinij kooniin keejakut ku kéejeŋgin Atambatun, abe ni káyilen t'Anahaan ite úne Yesu.

Epotor i 20:24

Bare t'íñje, buroŋ búuma bijarut doon tus. Ímaŋamaŋi kep kareeŋan doon d'eemo du te do, nu burok b'Anahaan u Yesu asaanam bu: bo beemo fu kawaare kite Hirim Heetoofe hite kajaku kite Atambatun.

Epotor i 20:9

Ake ahaawa huruwio Utikus ámoomi t'ariikee humuum ti kaajeŋgen ku. N'aŋot his Pool ti báhamin bu kep. Átumb aŋot asooñen n'áneyin huta hu t'enuuf éhaajiyan i t'etiir bibin yooŋ t'etaam. Ni kajoko kásaarin, kame náami ehunuŋ.

Epotor i 28:23

Ni káfiiten hunak hi kaware hu káfimboor nu Pool. H'aamo hu hireeŋa, ni kabin kahaŋ kahooju t'enuuf i tu Pool áyemie du. Huta hu nu bújom bu bija yooŋ kaanendan ku, Pool n'aŋ'aliikeniin kep: n'aŋ'asokiin bite *Jáyi jite Atambatun, abe n'aŋ'ájokin *t'Eluwa yite Moyis, nu wuwiit *w'eyiŋana yite Atambatun kakiñje wu, eekamiin bite bu Yesu kaanuku man ni káyilen.

Epotor i 4:36

Iyu a ake ániine áhine fu, huruwio Siseef. Akina *Alefit, eebukee Siipur. Epotor i n'iŋi kasokorooro Barnabas (aamo fu «an u aa ayaŋganan kikaw»).

2 Korent 5:20

Náami uni bakan ki Kiris aboñe, abe ti sembe soone t'if'írihamin, anokoor naane Atambatun humuumo af'áhaminuun. Uni bokondu ti káwasiyanuun bonde tu huruwu hite Kiris: waasuun, atum'ariteñeko kabukan ku n'Atambatun.

2 Korent 6:17

Iŋ'ite ho h'Atemit aane fu: «Arinuut ti kéeyilenut ku áriiyemi káasiŋuun. Atum'arigor mayet doon *deekuurut, abe n'iŋ'ijokuun áwariee.

Galasi 5:3

Abe iisooñ isok bo: an fe éesike hikawo anaŋ ti kateyi karam, awarawar káhinu *b'Eluwa yite Moyis esoke bu fe-fe-fe.

Efees 4:17

Bonde b'ija fu kasokuuun, abe íñje kajoku te bo alitee tu huruwu hite Anahaan u: buroŋ boonuun itim'iŋki bíyemi naane bite kéeyilenut ku. Biyinoor booniin bibajut éñjeriŋ,

Fílip 2:15

man n'áriyemi bakañi Atambatun *keekuure, keeyinaatee kawatan tu doon. Arikinakin t'etaam ye ni ñatuuk, ni bakan keejakut, bare atum'árihin doon fe di káyiniuun katinan te do. Aruun kasilan tu boko naane búloofiiloof bu tu bufor bu,

1 Tesalonik 2:11

Árimoomi yooŋ kaanuku huruw fe t'aruun, írimoomi n'akina naane faaf ni bakañio.

1 Timote 4:16

A̱naŋ toko hikawi tu buroŋ búuwe, ni ti bamb'a̱liiken ésuk i. A̱jok tu bondu alitee. Af'á̱hin iyu, n'aŋ'a̱fak, kiŋki kajamatani yooŋ n'iŋi kafak.

1 Piyeer 5:12

Silas áyokunanam fu íikiñjinuun eleetar yende yéetofie ee. T'íñje, akina ati ite bifeeneŋ. Ímaŋiuunmaŋi kayaŋganan kikaw, abe n'eenuun yooŋ káasuumaay kite Atambatun naane isokuun ee i keemo fu. Arijok te ko alitee.