Epotor i 2:30 - Kwatay (Kuwaataay)

³⁰ Bare akina ayiŋana ite Atambatun yéeni, abe ámoomi kaanuku Atambatun abinabina awaato aano o bibin káhinu ake eeyak kánuutina tu noota noone éeyemi áyi naane akina.

Epotor i 2:30 ပူးပေါင်းရင်းမြစ်များ

Májiye 22:43

Yesu n'aaniin: —Buŋ b'aamo fu Dafit, Búwejet Beenabe bu bitiŋgotiŋg ayak abin áami aŋ'aano «Anahaan u»? Ábuki fu Dafit aanaan:

Májiye 27:35

Ni katibo t'ekuruwa i. Kaanuku kéeruboor wañ woone w'asiimee wu, ni kaya bukuuj keeyit keejuk huruw doon d'aware du kabaju.

Mark 12:36

Dafit humuumo, Búwejet Beenabe bu bitiŋgotiŋg ayak abin áami aana: «Atemit aanaan Anahaan úuma: “A̱riiko inde *baatosam ayak abin áami ikalaa enatoora íiwe tuus, awe á̱ayemi áyi u.”»

Hirim Heetoofe hu hi Luk akiñje hu 24:44

Abe n'aaniin: —Bonde b'ibine fu isokuun h'íyemie hu n'aruun: beekiñjee bu t'íñje fe ti kaawiit kite *Eluwa yite Moyis, nu tu wute *eyiŋana yite Atambatun, ni *t'Élookiin i buwarawar kabaju.

Epotor i 1:16

—Kújakuwe, báhamin beesokee bu ti *Míkiñjin mu fififi buwarawar kabaju. Búwejet Beenabe bu bitiŋgatiŋg *Dafit eesoŋk busok mite mu *Suda eeje u n'ésuk i keejok Yesu.

Eleetar i yi Pool akiñje i bakate ku Rom 1:3

Husokasok bite bu Añi oone Yesu Kiris Anahaan ite úne. Abukeebuk naane húŋgowulan tu noota nite áyi u *Dafit, bare h'aritanee hu t'eket i, Búwejet Beenabe bu búwufoorawufoor ni sembe-sembe kaanuku akina Añi ite Atambatun.

Eleetar i yi Pool akiñje i bakate ku Rom 15:12

*Esayi yooŋ asokasok ti Míkiñjin mu aane: «Ake kánuutina tu noota nite Seese. O bíriteina eebin éeyemi aseef ite keenooto ku Esuwif, abe boko kanaŋu te o eyakar yeeniin.»

2 Timote 2:8

Á̱baŋino Yesu *Kiris. Akina ite tu hubukandin hite *Dafit, abe aritaneeritan t'eket i. Bondu beemo fu Hirim Heetoofe hu hih'iwaare.

Esuwif i 1:1

Hítiyar hu, Atambatun áhaminahamin sifaaf úne kómbokun, áŋaasann bo *t'eyiŋana yeene; áhaminiinhamin kuhooj ti sifasoŋ seewayee.

Esuwif i 3:7

Iŋ'ite ho hu Búwejet Beenabe bu busoke fu bonde. Beenaan: «Úmiye, af'arijam kaaji kite Atambatun,

Esuwif i 4:7

Iŋ'ite ho h'Atambatun asooñe fu áfiiten hunak hite buyooso bu toko, aŋ'aane ho «úmiye». Ariikariiko simit, n'áhamin áŋaasann tu butum bite *Dafit kirim konde k'arijame kee memee iŋ'ite hunak hondu. Aanaan: «Úmiye, af'arijam kaaji kite Atambatun, atum'arifeŋk ñúwejet ñoonuun.»

Esuwif i 6:17

Bakan keeware ku kabaju b'Atambatun aane bu o kawunu bakan koone, Atambatun ámaŋamaŋi bukuuriin but kaanuku b'asoke bu utu buwas hikee. Iŋ'ite ho h'áhamine fu ahaban, n'awaat.

Esuwif i 7:21

Yesu bare áyemayemi asaraha h'Atambatun awaate hu eeeno: «Íñje Atemit iwaate fee, abe it'iwas bo: “Awe káyemi asaraha hiraanu.”»

2 Piyeer 1:21

Ábuki an ámusut bunoŋkooro eeyiŋan báhamin bite Atambatun. Bare Búwejet Beenabe bu bitiŋge fu kúŋgowulan ku keeyiŋan báhamin bite Atambatun.

Kafeeñal ku 17:14

Boko katiiku Ametek u, bare Ametek u kaheekiiin, ábuki akina aamo fu Anahaan ite kunahaan ku, akina yooŋ aamo fu Áyi ite bákayi ku. Bakan koone k'aruwe ku abe n'ajifan, bokondu kéejeŋgino ku kariiŋaniin yooŋ ne o.»

Kafeeñal ku 19:16

Kakiñjakiñj ti kájufa koone nu tu huboŋo huruwu honde: «Áyi ite bákayi ku, n'Anahaan ite kunahaan ku».