Epotor i 19:9 - Kwatay (Kuwaataay)

⁹ Bare bakaake tu boko káfeŋginut ñúwejet ñooniin; kateñekateñeko káyilen, abe yooŋ n'iŋi kákojian Bítim bite Anahaan u tu buhooŋu ésuk i fe. Náami Pool eenuut tu boko, abe n'aja ni kéeyilene ku. N'aŋ'awaare húnakonak fe t'eleekool ite ake ániine huruwu hoone Tiiranus.

Epotor i 19:9 ပူးပေါင်းရင်းမြစ်များ

Májiye 15:14

Ariwasiin ii: boko bakan kéefuume kéegilane bakan kéefuume, kéewufooriin bítim bu! Abe an éefuume af'aja n'áwiyo éefuume, éewufooro bítim bu, boko kaneyu t'ésubaiin fe ti kaayeen.

Májiye 16:4

Aruun bakate ku hahiye arijakut, áriwuŋgawuŋg yooŋ Atambatun kiñaawu, abe bare n'árimaŋi kajuku beehaŋuun kikaw. Bare at'áriwufooree mayet bifeeneŋ, kane arko taŋ beebaje bu *Sonas. Ahaban, n'awasiin toko eeja.

Májiye 26:55

Ahaban, Yesu n'aane hahooja hu: —Íñje ítumbe íyemi ánukenoora h'aribine hee búuma nu wúbura, nu bugol yooŋ? Húnakonak fe úne uf'úyemi, iŋ'iliiken ésuk i *t'Enuuf ite Atambatun, abe arijokutam.

Saaŋ 12:40

«Atambatun áhiniinhin kéefuum, kaanuku ñíkiniin itim'iŋi ñujuk, afeŋkafeŋk yooŋ ñúwejet ñooniin, kaanuku itim'iŋi ñínandin; itim kabin káwuŋgan nu boone éehiniin kéekoyi.»

Epotor i 11:26

H'ajuko hu, n'abin ne o Antiyoos. Ni kariiko bo emit ñeeba ni kéeyilene ku, abe n'iŋi kaliiken bakan keehooje-hooj. Antiyoos bi kéeyilene ku kaanee fu Ekarjen hítiyar.

Epotor i 14:4

Bakate ti hikinu hu ni káwaajinoor: bakaake ni kásiiŋoorein n'Esuwif i, bakaaku *n'epotor i.

Epotor i 17:4

Bakaake tu boko ni káyilen kirim kondu, abe ni kaŋaabo Pooliin ni Silas. *Egerek keehooje-hooj kéejeŋgine Atambatun, ni haare keehooje keejamee ni kaŋaabeiin yooŋ.

Epotor i 19:23

Kóŋkeyin, n'átumb arko hitik iŋ'ite Bítim bite Anahaan u.

Epotor i 19:30

Pool n'ámaŋi yéeni bija kaanuku éehamin ni hahooja hu, bare *kéeyilene ku kawasuto éehin bo.

Epotor i 20:31

Náami áriniyo, abe n'áribaŋino kaanuku simit síhaaji lám, kaajiŋgan ni káajiim, iŋ'irim huruw-ruw fe t'aruun iyak iŋ'iyiy.

Epotor i 22:4

Íhihinoorahihinoor keejoke ku ti Bítim bite Anahaan u iyak iŋ'iyool. Ijokajok háyine ni haare iikobiin ni ñaasel, abe n'ija ífiiten t'ekulu i.

Epotor i 24:21

Kane arko fíya bonde b'iritee bu iisiiŋo isok bo t'etiir hágilaiin eene: “Aŋarkeyi naane iyakarayakar ti bíriteina bite t'eket i híkinineŋe fu n'ijoonanee úmiye tu buhooŋuuun!”»

Epotor i 28:22

Bare írimaŋamaŋi a̱akam uni awe humuumi b'a̱yinoore bu, ábuki írimoomi kaanuku tánotan fe, ésuk i iŋi kateñeko bítim b'a̱amo bu te bo.

Epotor i 7:51

«Aruun bokondu keeyaŋge kii kikaw, ñúwejet ñoonuun ni ñifeŋko, wúkondinuun yooŋ nu wulofo! Ko kireyi fe aruun bokondu ti biteñeko kájeŋgin Búwejet Beenabe bu! Aruun naane sifaafuun!

Epotor i 9:2

eelawo eesaano bileetar bija t'eseef ite *ñáalawum ñite Damas, kaanuku af'ajuk toko háyine man yooŋ haare keejoke ti Bítim bite Anahaan u, n'ajokiin eeja nu boko Serusalem.

Eleetar i yi Pool akiñje i bakate ku Rom 11:7

Náami uŋ'úene yooŋ buŋ? Keehaŋe kahooju ti bakate ku Israyel kabajut bi kaŋese bu. Keefamut tu boko taŋ k'Atambatun ajifane ku kabaje fu bo. Bakaaku, ñúwejet ñooniin ñíbaanabaani,

Eleetar i yi Pool akiñje i bakate ku Rom 9:18

Náami Atambatun aŋ'ajifan an a ámaŋie u kayubiyen, n'ajifan yooŋ an a ámaŋie u kábaanian búwejet.

1 Korent 16:9

ábuki ibaja bítim beejake-jak bite káhinu burok bómbokun bija t'Atambatun. Enatoora i bare kahoojahooj beebe.

1 Timote 6:5

ni síjeeŋoor séehabanaariit su. Kiŋki káhin iyu, ñúwejet ñooniin ñíbaanabaani, abe iŋkut kámeyi yooŋ múniyo mu. Iŋi kaane man káyilen ku t'Atambatun efehe yite bisaanumato.

2 Timote 1:15

Naane á̱meyie i, bakate ku tu búsuk bite Asi fe káwuŋgamwuŋg kiñaawu; Fisel n'Erumosen yooŋ boko.

2 Timote 3:5

Boko káhinu ni kite bayi kabajabaj káyilen, bare boko biteñeko sembe site te ko. A̱kamb bakan kondu!

2 Timote 4:2

atoof, átaañi, a̱waare hirim hite Atambatun, abe n'aŋ'a̱sooñoor kep. A̱joŋooran kéehinaariit ku ajakee, a̱kamoor ti kiŋki kahoofoor, abe n'á̱wutiyeniin sihel kéehin ajakee. A̱liikeniin ni kámuñu kómbokun.

Esuwif i 3:13

Atambatun ámaŋamaŋi káhamin n'úne úmiye yende yeesokee i ti *Míkiñjin mu. Náami ariyaŋgananoor kikaw húnakonak fe, man kaahoofoor ku itim kibin kubuut ake t'aruun, eefeŋk Atambatun búwejeto.

2 Piyeer 2:12

Bare bokondu iŋi kanoŋkooro kéehin naane bíndakakureŋ béemuusut, bite bibin kajokiee abe nu buyoolee, ábuki iŋi kálafatin bi kámeyiit bu. Boko kayooliee naane bíndakakureŋ bu.

2 Piyeer 2:2

Keehooje kasayiiin ti kiñaawu ti manoŋkar mooniin meejakut mu, kéekinineŋ ésuk i ni kálafatin bítim bite múniyo mu.

Eleetar i yi Sud akiñje i 1:10

Bare háyine hondu iŋi kálafatin bi kámeyiit bu. Abe buroon bimbi kanoŋkooro kéehin naane bíndakakureŋ bu, bondu yooŋ bija fu kátowutaniin.