Epotor i 17:5 - Kwatay (Kuwaataay)

⁵ Bare Esuwif i bakaaku ni kabet. Ni kakuukan bike bísambaŋ béeyemie tu búhuhu bu, abe ni katiŋg bakan keehooje keerito ayak abin áami hikinu hu hirkaa hitik. Ni kaja t'enuuf ite Saason hiŋes Pool ni Silas kaanuku keeja nu boko ti hahooja hu.

Epotor i 17:5 ပူးပေါင်းရင်းမြစ်များ

Májiye 27:18

Pilat asokasok bondu ábuki ámoomi kaanuku kahiñan taŋ kíkinineŋe fu eseef ite Esuwif i ni kásik Yesu kasaano.

Epotor i 13:45

H'Esuwif i kajuke hu hahooja hu, ni kahiñan. Pool aŋ'áhamin, ni kaane tókoiit, abe ni kálafatino.

Epotor i 14:19

Abaj kunak, Esuwif ni kahaŋ káreeŋin, kánuutin Antiyoos n'Íkoñom. Ni kañak hahooja hu kéesiiŋoorein nu boko, abe ni kawiŋg Pool bujuju kaanuku keeyoolo. Kahaban, ni kañakoo tíyaŋ hikinu hu, ábuki iŋi kaane man aketa.

Epotor i 14:2

Bare Esuwif i keeteñekee ku káyilen ni katiŋg keenooto ku Esuwif kayak kayinoor beejakut ti *kéeyilene ku.

Epotor i 17:13

Bare h'Esuwif ite Tesalonik kajame hu kaanuku Pool ondu Bere ti kawaare hirim hite Atambatun, ni kabin bo yooŋ keetiŋg ésuk i ayak abin áami arkee bo hitik.

Epotor i 17:6

H'aamo hu kajukutiin, ni kañak Saason ni bakaake kéeyilene keeja nu boko t'eseef ite hikinu hu, abe n'iŋi kataŋk kaane: —Háyine honde kaamo fu ti kayeeñooran kite etaam i ereyi fe. Hahiyu káreeŋino beebe,

Epotor i 17:7

abe Saason arahaniin fu! Kareyi fe iŋi kateñeko káhinu *b'áyi ómbokun eeemo u Rom asoke bu úne, ábuki iŋi kaane abajeebaj ake áyi iŋi kaano Yesu.

Epotor i 17:9

Ni káhin Saason ni bakaaku keejaam alamaan, abe ni katik kawasaniin keeja.

Epotor i 18:12

Hi Galiyoŋ áyemie hu águwernoor ite Akayi, Esuwif i ni kásiiŋoorein keejok Pool, abe ni kaja ne o ti báajoonanum bu.

Epotor i 19:40

Ábuki bakate ku Rom n'iŋi kajendan katinan úne tu bonde beebaje bee úmiye, kaane úne úrahanna, abe ut'úbaj bike bite kakamu tu bukuukanooro bonde.

Epotor i 7:9

«Sifaaf úne bokondu ni kahiñan atiiin Siseef, abe ni kajooheno éeyemi ásukateen t'ésuk ite *Esipt. Bare Atambatun ámoomi ne o,

Eleetar i yi Pool akiñje i bakate ku Rom 16:21

Timote ii irirok, n'ebukaam Lusiyus, ni Saason, nu Sosipater kasaafuun.

1 Korent 3:3

ábuki buroŋ boonuun búmoomi naane bite bu bakate ku t'etaam ye. Naane aamo i aŋ'arihiñanoor abe yooŋ aŋ'ariheñjeŋoor, eeman aamo fu árimoomi naane bakate ku t'etaam ye, máhinar moonuun yooŋ naane mite bakate ku t'etaam ye?

2 Korent 11:26

Keehooje-hooj kane íyemi ti kátuki, iŋ'ijuk kúnuur tánotan: tu wuyelu wu kane kaasiiŋ ku kibin, ni t'énukenoora i. Iŋ'ijuk kúnuur ti bakanam Esuwif i, ni ti keenooto ku yooŋ Esuwif. Iŋ'ijuk kúnuur tu búsuk bu, ni t'eramba i, ni ti han hu. Iŋ'ijuk kúnuur ti keenooto ku bakati úne nu múniyo.

Galasi 5:21

bimero buroon bite bakan, éwusan i, buñoofo beehahe bu, ni bike buroon yooŋ beehooje naane bondu. Iisooñ íyeegaluun naane íyeegaluun i bo: kiŋki kanij iyu iti kamaat ti *Jáyi jite Atambatun.

Galasi 5:26

Utum'úyitooro, utum'uŋ'úlob, utum'uŋ'úhiñanoor yooŋ.

1 Tesalonik 1:6

Arineefananeefan ti máhinar mite m'uni, ni mite m'Anahaan u; arijukajuk sílaam iŋ'ite Hirim Heetoofe hu, bare arijokajok ho ni katoofu ku, ku Búwejet Beenabe bu kuŋku buwun.

Saak 4:5

Atum'ariene man beesokee bu ti *Míkiñjin mu bite fuufu i? Meenaan: «Atambatun aŋ'áfiir dómbokun tu búwejet b'anaŋe bu t'úne.»