Epotor i 17:30 - Kwatay (Kuwaataay)

³⁰ Hítiyar hu, Atambatun aboŋketaboŋket bondu fe, ábuki ésuk i kámeyiit bimbi káhin. Bare hahiye áwufoora ésuk i fe bakate ku tánotan kaanuku kawarawar buwatanooro kinij kooniin keejakut ku.

Epotor i 17:30 ပူးပေါင်းရင်းမြစ်များ

Májiye 20:7

Ni kaano: «Aŋarkeyi an ayitut uni burok.» N'aaniin: «Yooh, arija ariirok yooŋ t'etool íima.»

Májiye 3:2

—Ariwatanooro kinij koonuun keejakut ku, ábuki *Jáyi jite Atambatun júlohenno!

Májiye 4:17

Áfiitin tu kóŋkeyin ni Yesu ajabe fu kawaare, aŋ'aane ésuk i: —Ariwatanooro kinij koonuun keejakut ku, ábuki *Jáyi jite Atambatun júlohenno!

Mark 1:15

Aŋ'aane: —Tireeŋa toko, *Jáyi jite Atambatun júlohenno! Ariwatanooro kinij koonuun keejakut ku, abe n'áriyilen ti Hirim Heetoofe hu!

Mark 6:12

Náami keeja. Ni kawaare ésuk i iŋi kaaniin kawatanooro kinij kooniin keejakut ku.

Hirim Heetoofe hu hi Luk akiñje hu 13:5

Aaa! Bare íñje isok fee n'aruun: afut'ariwatanooro wuhoofoor woonuun, aruun yooŋ kaketu arireyi fe.

Hirim Heetoofe hu hi Luk akiñje hu 15:10

Íñje isok fee n'aruun: iyu yooŋ e emalaka yite Atambatun kikawiin ufu kutoof kane ahoofoora afeeneŋ awatanooro wuhoofoor woone.

Hirim Heetoofe hu hi Luk akiñje hu 24:47

Abe eriboora yeene kawarawar kawaare tánotan fe t'etaam ye tu huruwu hoone, kéejabin Serusalem. Kawarawar kasoku ésuk i keewatanooro kinij kooniin keejakut ku man wuhoofoor wooniin nu wuboŋketee.

Epotor i 11:18

H'aamo hu kajama bondu, náami kabeba. Ni kasokoroor Atambatun kaane: —Kame fu Atambatun awuna yooŋ keenooto ku Esuwif bítim kaanuku keewatanooro wuhoofoor wooniin, keebaj buroŋ bite nu múniyo.

Epotor i 14:16

Kóyin sifaaf, awasawas biheet bu fe keejok bítim beetoofiin bu.

Epotor i 17:23

Ábuki h'iñaahoore hu ti hikinu hoonuun, ijukajuk hike ti kimiile koonuun, abe bonde bikiñjee fu toko: «Bija t'ake atambatun éemeyiitee.» Bamb'árisukaay ii t'árimeyiit bo, bo b'ibine fee kasokuuun.

Epotor i 20:21

Ilawalaw Esuwif i ni keenooto ku Esuwif eeniin kawas kinij kooniin keejakut ku kéejeŋgin Atambatun, abe ni káyilen t'Anahaan ite úne Yesu.

Epotor i 3:19

Náami ariwatanooro kinij koonuun keejakut ku, abe n'áriwuŋgan inde Atambatun man n'atot wuhoofoor woonuun.

Eleetar i yi Pool akiñje i bakate ku Rom 1:28

Naane aamo i kateñekateñeko kámeyi Atambatun, Atambatun n'awasiin nu búwesinato booniin beeñunut bu kaanuku iŋi káhin buroon bi kawarut bu káhinu.

Eleetar i yi Pool akiñje i bakate ku Rom 2:4

Bare me á̱wiinianawiinian Atambatun aŋarkeyi naane ajakajak aa, aŋ'ámuñ yooŋ, abe amokenut ti kajoonan kúuwe? Á̱meyiit kaanuku kajaku kite Atambatun kuwarawar katiŋgii a̱awatanooro kinij kúuwe?

Eleetar i yi Pool akiñje i bakate ku Rom 3:23

ábuki ésuk i ereyi fe ehoofoore fu, abe ni kábuur kániku kite Atambatun.

Eleetar i yi Pool akiñje i bakate ku Rom 3:25

Atambatun aboñaboñ Kiris éeyemi *kaasarah kaanuku man halan hoone nu hunuutan wuhoofoor wute ésuk i kéeyilene ku te o. Atambatun áhinahin bondu kaanuku éewufoor ésuk i buŋ b'ájube fu ariike. Kóŋkeyin, wuhoofoor w'ésuk i wiwi káhinaani, aŋ'áhin kite ájukaariit wo aŋarkeyi naane aŋ'ámuñ.

2 Korent 7:10

Abe kátaañian keejake t'Atambatun uŋu kubuk buwatanooro bite kafakan an u, abe an u at'awatanooro bondu hikee. Bare kátaañian kéebukaariit buwatanooro uŋu kútowutan an u.

1 Piyeer 4:3

Múniyo kóŋkeyin arifiyafiyo aa ti káhinu kite buroon bi kéeyilenut ku bimbi kámaŋi káhinu. Árikinaanakinaani tu huŋotu hu ni bakan k'ariseñeit ku, nu wúfaŋi weejakut wu, n'éwusan i, ni kahahan ku tu buñoofo nu tu búhujo bu, nu wuwaasen wute ñájiim ñu, abe bonde búfuñinanafuñinani.