Epotor i 17:11 - Kwatay (Kuwaataay)

¹¹ Bakate ku bo kahaŋe Esuwif i bakate ku Tesalonik bíhandino, ábuki kajokajok hirim hite Atambatun káhabanein. Húnakonak fe, n'iŋi kajaŋga ti *Míkiñjin mu keejuk man bu Pool bamb'asok bite toko.

Epotor i 17:11 ပူးပေါင်းရင်းမြစ်များ

Májiye 13:23

Bakaaku kámoomi naane sinawaay seeneye su t'etaam yeejake i. Boko kaamo fu kiŋki kajam hirim hu, abe n'iŋi kajok naane hije i. N'iŋi kabukoor miriyaay, bakaake meereeŋe téemeer, bakaake bakan bákahaaji, bakaake butuman nu sumoŋu.

Hirim Heetoofe hu hi Luk akiñje hu 1:2

Ni kakiñj bo naane bakan keejuke ku bo ni ñíkiniin huta hu ti kájabina ku kanabane i uni bo, bokondu keesooñe ku káyemi ewaaraa Hirim hite Atambatun.

Hirim Heetoofe hu hi Luk akiñje hu 11:3

A̱wun uni húnakonak fe buñoofo b'irisawulee bu.

Hirim Heetoofe hu hi Luk akiñje hu 16:29

Aburaham n'ásafin aane: «Bakatii bokondu nu wuwiit wute *Moyis, nu wute *eyiŋana yite Atambatun wute káwufooriin; kaja káhin naane wusoke i!»

Hirim Heetoofe hu hi Luk akiñje hu 24:44

Abe n'aaniin: —Bonde b'ibine fu isokuun h'íyemie hu n'aruun: beekiñjee bu t'íñje fe ti kaawiit kite *Eluwa yite Moyis, nu tu wute *eyiŋana yite Atambatun, ni *t'Élookiin i buwarawar kabaju.

Saaŋ 3:21

Bare an u aa áhin beejake bite bu nu múniyo, aŋ'abin ti meejaaŋe mu, ésuk i keejuk kaanuku bamb'áhin biriibariib naane t'Atambatun ámaŋie du.

Saaŋ 5:39

Aŋ'ariŋesoor ti *Míkiñjin mu ábuki aŋ'ariene man múnooni kákinineŋ n'aribaj buroŋ béehabanaariit bu. Abe Míkiñjin mondu míhaminahamin uŋu húuma hu!

Epotor i 10:33

N'ihaŋ íboñin búuwe, abe á̱hinahin áwariee naane a̱bine i. Hahiyu uni bokondu diye irireyi fe hágila Atambatun, kaanuku iriijamatan bireyi fe b'Atemit asaani bu kaanuku a̱asok uni.

Epotor i 11:1

*Epotor i ni *kéeyilene ku kéeyemie ku *Súde ni kajam kaanuku bakaake keenooto Esuwif kajoka yooŋ hirim hite Atambatun.

Epotor i 17:1

Pool ni Silas ni kaŋaas Amfipolis n'Apoloni, abe ni kareeŋ Tesalonik. Abajeebaj bo *báalawum bite Esuwif.

Epotor i 2:41

Bakan keehooje-hooj ni kajok ti báhamin boone, abe ni *kabostee. Hunak hondu, bakan keereeŋe súñjune síhaaji ni káwutiyen kaŋaabo *kéeyilene ku.

1 Tesalonik 1:6

Arineefananeefan ti máhinar mite m'uni, ni mite m'Anahaan u; arijukajuk sílaam iŋ'ite Hirim Heetoofe hu, bare arijokajok ho ni katoofu ku, ku Búwejet Beenabe bu kuŋku buwun.

1 Tesalonik 2:13

Iŋ'iriene Atambatun ko kireyi fe eyeehen ti bike yooŋ: h'irisokuun hu hirim hite Atambatun, arijamatanajamatan, abe n'áriyilen ho náaneiit hirim hite húŋgowulan, bare naane hirim hite Atambatun; múniyo hite h'Atambatun, abe uŋu hurok t'aruun kéeyilene ku.

2 Tesalonik 2:10

O káhinu buroon bánoban beejakut kaanuku eebuut keeemo ku tu bútowuto. Abe bokondu tu bútowuto ábuki múniyo meewariin mu yéeni kafakan, káfeŋginut mo ñúwejet ñooniin.

Saak 1:21

Iŋ'ite ho aamo fu arinuutan ti siheluun doon fe *deekuurut, abe n'ariwas kunoŋk fe keejakut. Áritetianooro ariijok hirim heenawee hu ti siheluun, ábuki húnooniuun kafakan.

1 Piyeer 2:2

Áriyemi naane bilekej: naane ii kámaŋi miin mite síñaayiin, árimaŋi yooŋ ko kireyi fe míis meekuure mite Hirim hite Atambatun, man n'árijuw mo ariihaat, abe n'arifak.