Epotor i 16:6 - Kwatay (Kuwaataay)

⁶ Búwejet Beenabe bu ni biteñeko kaanuku Pool ni Silas keewaare hirim hite Atambatun tu búsuk bite Asi; náami keekan Firisi ni Galasi.

Epotor i 16:6 ပူးပေါင်းရင်းမြစ်များ

Hirim Heetoofe hu hi Luk akiñje hu 1:2

Ni kakiñj bo naane bakan keejuke ku bo ni ñíkiniin huta hu ti kájabina ku kanabane i uni bo, bokondu keesooñe ku káyemi ewaaraa Hirim hite Atambatun.

Epotor i 10:19

Piyeer toko kep ti kayinoor kite beefeeño bu, Búwejet Beenabe bu ni beeno: —A̱jam, háyine bákahaaji bokondii ti kákandijen.

Epotor i 11:12

Búwejet Beenabe bu ni beenam iriboor nu boko, hikawam itim hiteyoor. Bokonde hutok n'afeeneŋ u kéeyilene ku ni kásilimbanam, abe n'iriyooso t'enuuf ite ániine éeboñiniin u.

Epotor i 16:7

Hi kalohene hu ésuk ite Misi, ni kaŋes bija Bitini, bare Búwejet bite Yesu buwunutiin bondu.

Epotor i 18:23

N'ariiko bo afiyo dikee, abe n'aja tu búsuk bite Galasi ni Firisi, aŋ'akaro ayaŋganan kéeyilene ku fe kikaw.

Epotor i 19:10

Bondu ni bibaj ayak areeŋ simit súsuba. Esuwif i, ni keenooto ku Esuwif fe keekine ku t'ésuk ite Asi kasooñen ni kajam hirim hite Atemit.

Epotor i 20:16

Múniyo Pool áhabaneinohabanein aane it'iriya Efees aŋarkeyi naane ámaŋiit bifiyo t'ésuk ite Asi. Ábuki amokenamoken kaanuku eereeŋ Serusalem tu hunak hite *efeet ite Pantakot i.

Epotor i 20:28

Áriwasiyoor kikawuun, abe n'arinaŋ ko yooŋ ti kaahaaw ku fe ku Búwejet Beenabe bu bisaanuun ku ariihaaw. Áriyemi ehaawa yite bakate ku Atambatun kéeyilene ku, k'aŋese ku ni halan hite Añi oone.

Epotor i 20:4

Bakaake ni kariboor ne o. Boko kaamo fu: Sopater, añi ite Pirus ite u Bere, n'Aristarik ni Sekundus bakate Tesalonik, ni Gáyiyus ite u Derib, ni Tisik ni Tirofim bakate Asi, ni Timote.

Epotor i 21:27

Kunak ku hutok nu kúsuba ku kulohena bihabano, Esuwif kéenuutina Asi ni kajuk Pool *t'Enuuf ite Atambatun. Ni katiŋg hahooja hu heerito te o, abe ni kajoko.

Epotor i 6:9

Bakaake ni kájeeŋoorin ne o; boko kaamo fu bakate ti *báalawum bimbi kaane «Báalawum bite keeroŋut ku búsukateen». Abajeebaj tu boko Esuwif bakate Siren n'Aleksandiri, n'Esuwif bakate Silisi n'Asi.

Epotor i 8:29

Búwejet Beenabe bu ni beene Filip: —A̱tof a̱reeŋ esaret yendu.

Eleetar i yi Pool akiñje i bakate ku Rom 16:5

Arisaafam yooŋ kéeyilene ku kiŋki kakuukanooro t'enuuf yeeniin. Arisaafam yooŋ áwiyam Epayenet, eeemo u átiyar u ti káyilen ku ti Kiris t'ésuk ite Asi.

1 Korent 12:11

Búwejet bifeeneŋ bu ifi bíhin ii bondu fe: huruw fe n'uŋu buwuno beewayee, naane tu hutoofe du bo.

1 Korent 16:1

Útif hahiyu ti bite sírirem su sunsu sukuukanee bija ti bakan kite Atambatun bakate ku Serusalem. Isokasok bakate ku Galasi *kéeyilene ku buŋ bi kaware fu káhinu. Aruun yooŋ, iyu a ariware fu káhinu.

1 Korent 16:19

Bakate ku Asi *kéeyilene ku kasaafuun. Akilas ni Pirisil, ni kéeyilene ku fe kiŋki kakuukanooro tu boko kasaafuun dómbokun tu huruwu hite Anahaan u.

2 Korent 1:8

Kújakuwe, írimaŋamaŋi árimeyi sílaam s'irijuke su tu búsuk bite Asi. Sílaam sómbombokun, sútumbatumba síriif uni irisooñen n'iŋ'iriene man hite h'uni hihabanaa.

Galasi 1:2

Íñje ni *kéeyilene ku keeemo ku beebe fe írikiñjinuun fee aruun bakate ku Galasi kéeyilene ku. Uni bokondu ti kasokuuun bonde:

Galasi 3:1

Áribajaatia teereŋ kikaw, aruun bakate ku Galasi! Aañ me abuutuun fu? Arisokeesok bare akuur but naane Yesu *Kiris akete i *t'ekuruwa i.

2 Timote 1:15

Naane á̱meyie i, bakate ku tu búsuk bite Asi fe káwuŋgamwuŋg kiñaawu; Fisel n'Erumosen yooŋ boko.

2 Timote 4:10

Ábuki Demas ateyamtey aŋarkeyi naane buroon bite bu t'etaam ye b'ámaŋie fu, abe aja Tesalonik. Kiresens aja Galasi, abe Tit aja Dalmasi.

Esuwif i 11:8

Káyilen kíkinineŋe fu *Aburaham n'ájeŋgin h'Atambatun aruwo hu eeeno aja t'ésuk y'aware i bibin kawunio. N'anuut b'áyemie bu eeja t'ámeyiit yooŋ t'aja du.

1 Piyeer 1:1

Íñje Piyeer, *apotor ite Yesu *Kiris ikiñje fee bakan k'Atambatun ajifane ku, keeyisaloolee ku tu búsuk bite bu Pont, ni bite bu Galasi, ni Kapadoos, n'Asi, ni Bitini. Baabu t'áruuniit.

Kafeeñal ku 1:11

Ni keene: —Bamb'a̱juk iye, a̱kiñj bo ti kaawiit, abe n'a̱boñ ko *kéeyilene ku ti kikinu hutok nu kúsuba konde: Efees, Simirn, Perigam, Tiyatiir, Sarid, Filadelfi, ni Lawodise.

Kafeeñal ku 1:4

Íñje Saaŋ ikiñje fee bakate ku ti kikinu keemo hutok nu kúsuba kite Asi *kéeyilene ku: Atambatun aja ásoniyanuun, abe n'awunuun káasuumaay, akina eeemo u, akina éeyemie u, akina eebin u. Ñúwejet ñu hutok nu ñúsuba ñu ñeeemo ñu hágila eriikeey yeene yite híyiaate hu ñija ñúsoniyanuun, abe nu ñuwunuun yooŋ káasuumaay.