Epotor i 16:1 - Kwatay (Kuwaataay)

¹ Hunuut toko, Pool n'aja Derib, ahaban n'aja Listir. Abajeebaj bo ake ániine éeyilene huruwu hoone Timote. Íñaayo Asuwif éeyilene, abe faafo *Agerek.

Epotor i 16:1 ပူးပေါင်းရင်းမြစ်များ

Epotor i 14:1

Hi Pool ni Barnabas kareeŋe hu Íkoñom, ni kayooso ti *báalawum bu naane káhine i Antiyoos. Ni káhamin atoof ayak abin áami bakan keehooje-hooj t'Esuwif i, ni keenooto ku Esuwif káyilena.

Epotor i 14:21

Pool ni Barnabas ni kawaare Hirim Heetoofe hu ti hikinu hite Derib, abe ni káhin bo bakan úkaan kéeyilen ti Yesu. Kahaban, ni kasooñ Listir, n'Íkoñom, n'Antiyoos.

Epotor i 14:6

H'epotor i kajame hu bo, ni katey bija Listir, ni Derib, ni kaaku kikinu kite ku Likawoni,

Epotor i 17:14

Náami kéeyilene ku keemoken kéehin Pool eeja bija ti han hu. Bare Silas ni Timote ni kariiko Bere.

Epotor i 18:5

Hi Silas ni Timote káreeŋina hu kéenuutin Maseduwan, Pool n'ajoŋoor kep ni kawaare ku. N'aŋ'áwufoor Esuwif i akuur but kaanuku Yesu aamo fu *Afakana u.

Epotor i 19:22

N'aboñ Timoteiin n'Erasit, bákasuba t'ejokoora yeene Maseduwan, abe akina humuumo n'afin ariiko Asi afiyo dikee.

Eleetar i yi Pool akiñje i bakate ku Rom 16:21

Timote ii irirok, n'ebukaam Lusiyus, ni Saason, nu Sosipater kasaafuun.

1 Korent 16:10

Timote af'áreeŋin, árihin wáhowah ariijoko áwariee man hikawo nu hutoof, ábuki aŋ'áhin yooŋ burok bite Anahaan u naane íñje.

1 Korent 4:17

Bondu bíkinineŋe fu n'íboñinuun Timote eeemo u naane añiam i ímaŋie, abe n'ájub t'Anahaan u. O kábaŋinanuun buŋ bu buroŋ búuma ti bítim bite Kiris beemo fu ariike, abe buroŋ bondu b'if'iliiken ésuk i tánotan ti *kéeyilene ku kareyi fe.

1 Korent 7:14

Ábuki ániine éeyilenut u áhinahin t'afeeneŋ ni *kéeyilene ku iŋi naane aamo i n'anaar'o éeyilene u; anaare éeyilenut u yooŋ áhinahin t'afeeneŋ ni kéeyilene ku iŋi naane aamo i n'áyino éeyilene u. Káhinaate iyu, biñi booniin n'iŋi káyemi naane kéeyilenut ku, abe bare boko yooŋ káhinahin t'afeeneŋ ni kéeyilene ku.

2 Korent 1:1

Íñje Pool eeemo u *apotor ite Yesu *Kiris naane t'Atambatun ámaŋie du, n'ati úne Timote írikiñjinuun fee aruun bakate ku Korent *kéeyilene ku, ni bakaaku fe bakate ku Akayi k'Atambatun akino ku.

2 Korent 1:19

Ábuki Yesu *Kiris Añi ite Atambatun i iriwaareuun u, íñje, ni Silas, ni Timote, abinut kaanuku éeyemi o afeeneŋ u «hee» ni «aaa». Ko kireyi fe akina aamo fu «hee» yite Atambatun.

Fílip 1:1

Íñje Pool ni Timote, eroka yite Yesu *Kiris írikiñjinuun fee aruun arireyi fe, bakan kite Atambatun ki Yesu Kiris akino ku keeemo ku Fílip, nu kunahaan koonuun, n'ejokoora yeeniin.

Fílip 2:19

Tu hutoofe Anahaan u Yesu, íñje káboñinuun memee Timote, kaanuku man hikawam ni hiyaŋg ti b'ija bu kajamu t'aruun.

Kolos 1:1

Íñje Pool eeemo u *apotor ite Yesu *Kiris naane t'Atambatun ámaŋie du, n'ati úne Timote írikiñjinuun fee,

1 Tesalonik 1:1

Íñje Pool, ni Silas, ni Timote, irikiñjuun fee, aruun bakate ku Tesalonik *kéeyilene ku, aruun k'Atambatun Faaf u, n'Anahaan u Yesu *Kiris kakino ku. Atambatun aja ásoniyanuun, abe n'awunuun káasuumaay.

1 Tesalonik 3:2

abe n'íriboñinuun ati úne Timote aa arok n'uni bija t'Atambatun ti kawaare kite Hirim Heetoofe hu, heesoke hu iŋ'ite hu Kiris. Íriboñinuunboñino kaanuku eeyaŋgananuun kikaw ti bítim bu, abe n'ahaŋ yooŋ kalitan káyilen koonuun.

1 Tesalonik 3:6

Bare Timote ábatikeino afiyeitee, abe asokasok uni beejake ti káyilen koonuun, ni kámaŋioori koonuun. Asokasok uni yooŋ kaanuku siheluun fe sondu t'uni kep, abe árimaŋamaŋi kajuku uni naane írimaŋie i yooŋ kasooñu irijukuun.

2 Tesalonik 1:1

Íñje Pool, ni Silas, ni Timote, írikiñjinuun fee, aruun bakate ku Tesalonik *kéeyilene ku, aruun k'Atambatun Faaf úne, n'Anahaan u Yesu *Kiris kakino ku.

1 Timote 1:18

Áñuumo Timote, bonde b'isejani fu. Bo bifeeneŋ bu ni *b'eyiŋana yite Atambatun kabine bu kasok kóŋkeyin t'awe. A̱jok te bo man n'á̱yini kátuumu étuum yeejake i

1 Timote 1:2

Íñje íkiñjini fee awe Timote i ijoke u naane añiam ite nu múniyo ti káyilen ku. Atambatun Faaf u, ni Yesu Kiris Anahaan ite úne kaja kásoniyani, ni kayubiyeni yooŋ, abe ni kawuni káasuumaay.

2 Timote 1:2

Íñje íkiñjini fee awe Timote eeemo u naane añiam ímaŋie-maŋie u. Atambatun Faaf u, ni Yesu Kiris Anahaan ite úne kaja kásoniyani, ni kayubiyeni yooŋ, abe ni kawuni káasuumaay.

2 Timote 1:5

Iŋ'íbaŋino káyilen keeyane keeemo ku t'awe. Káyilen kondu k'íñaayi ómbokun Loyis, n'íñaayi Enis kajabe ku kabaj, abe bukuuramkuur kaanuku a̱bajabaj ko yooŋ.

2 Timote 3:11

nu buŋ b'íhihinooree fu, nu buŋ b'ílaame fu. Á̱moomi beebajam bu Antiyoos fe, n'Íkoñom, ni Listir. Á̱moomi sílaam s'ijuke su fe, bare Anahaan u aramamram te so sireyi fe.

Filemoŋ 1:1

Íñje Pool eekulee u aŋarkeyi naane iŋ'iwaare Hirim Heetoofe hite hu Yesu *Kiris ikiñje fee eleetar yende. Íñje n'ati wane Timote írikiñjini fee, awe Filemoŋ, áwiy uni bajen eeemo u burok úne bifeeneŋ.

Esuwif i 13:23

Íñj'endu ti kasokuuun kaanuku ati úne Timote ánuutino t'ekulu i. Af'asoŋk áreeŋin, n'iŋ'íriboorin ne o iriibin irijukuun.