Epotor i 15:1 - Kwatay (Kuwaataay)

¹ Bakaake háyine ni kánuutin *Súde keebin Antiyoos, abe ni káyemi ti kaliiken *kéeyilene ku iŋi kaaniin: «*Afut'ariteyanee karam naane *t'Eluwa yite Moyis esoke du, at'áriyini kafaku.»

Epotor i 15:1 ပူးပေါင်းရင်းမြစ်များ

Saaŋ 7:22

Moyis n'aanuun t'Eluwa i *aŋ'ariteyan karam ehaawa yeenuun. (Ákinaiit bare aamo fu átiyar u ti kaanu koonuun aŋ'aritey karam; ti sifaafuun kéegilano ku tu kúnuutina fu.) Bare makamu iyu i Moyis asoke fu, n'aŋ'arifin ariteyan karam ehaawa yeenuun hutoof yooŋ t'erimaas ite úne.

Epotor i 1:15

Tu kunak kondu, *kéeyilene ku bokondu ti kakuukanooree du (kareeŋ téemeer nu butuman), Piyeer n'arito asiiŋo t'etut abe n'aaniin:

Epotor i 15:22

Náami *epotor i, ni *sifaaf su, ni *kéeyilene ku fe ni kajamoor kaanuku keejifan bakaake tu boko, abe ni kaboñiin bija Antiyoos nu Pool ni Barnabas. Ni kajifan Silas, nu Sud ii kaane Barsabas, t'ésubaiin fe kajamajamo ti kéeyilene ku.

Epotor i 15:23

Eleetar yende yi kasaaniin fu: «Uni bakatuuun epotor i ni sifaaf su irisaafuun, aruun keenooto ku Esuwif kéeyilene ku, abe n'arikin Antiyoos, ni Siri, ni Silisi.

Epotor i 15:24

Irijamajam kaanuku bakaake bakate t'uni kajauunja kábuju sihel ni kirim kooniin. Úniiit íriboñiniin.

Epotor i 15:3

Hi kéeyilene ku kásilimbaniin hu kahaban, boko ni kayuun kátuki ku. Ni kakan búsuk bite Fenisi ni *Samari, iŋi kakaro kasok buŋ bi keenooto ku Esuwif kabine fu kajok bítim bite *Kiris. Kéeyilene ku kareyi fe kikawiin nu kutoof iŋ'ite hu bondu.

Epotor i 15:32

Makamu Sud ni Silas, boko *eyiŋana yite Atambatun, ni káhamin ni kéeyilene ku afiyo, kaanuku keehaŋiin kayaŋganan kikaw, abe yooŋ ni kawuniin sihel.

Epotor i 15:5

Bare bakaake Esuwif ti keeriboore ku *n'Efarisiyeŋ i abe ni kajok bítim bite Kiris, ni karito keeene: —Keenooto ku Esuwif kéeyilene ku kawarawar kateyanee karam, abe ni kasokee kéejeŋgin Eluwa yite Moyis.

Epotor i 21:20

Hi kajame hu bondu, ni kasokoroor Atambatun abe ni kaane Pool: —Abuke, a̱jukajuk kaanuku Esuwif keereeŋe súñjune kayoosaa bítim bite *Kiris, abe kajokajok *Eluwa yite Moyis káhabanein.

Epotor i 6:14

Ábuki irijamojam ti kaanu áyin ondu Yesu ite u *Nasaret kawelej Enuuf ite Atambatun, abe n'atit ejoosan yu Moyis asaane i úne.

Galasi 2:1

Abaj simit sumoŋu ni sibaakiir, n'ibatuko Serusalem íñje ni Barnabas. Irijaja yooŋ ni Tit.

Galasi 5:6

Ábuki uf'úhin t'afeeneŋ ni Yesu Kiris, kateyi karam man yooŋ kateyaate karam, bondu fe bibajut éñjeriŋ. Beebaje bu éñjeriŋ beemo fu káyilen ku kiŋki kíhin úne núumaŋioori.

Galasi 6:12

Kiŋki katiŋguun ii kaane ariwarawar *kateyi karam, kámaŋamaŋi bujukano ésuk i tu buroon bite kúŋgowulan. Bondu bimbi káhin ii, kaanuku taŋ itim kabin káhihinooree naane kiŋki kawaare eket ite *Kiris *t'ekuruwa i.

Kolos 2:16

Iŋ'ite ho aamo fu atum'ariwas an eetinanuun tu buroon bamb'ariñoofo, ni bamb'árihujo, man yooŋ naane aamo i aŋ'ariteñeko káhinu sike sifeet site Esuwif i, árijokaariit yooŋ erimaas yeeniin, nu hunak hite kánuutina kite hiim hu.

Kolos 2:8

Arinaŋ toko kikawuun an atum'abuutuun nu búwesinato bite húŋgowulan, beeemo bu bibajut éñjeriŋ. Búwesinato naane bondu iŋi kajam bo t'ejoosan ite kúŋgowulan ku, nu tu ñúwejet ñeebaje ñu sembe ñite ñu t'etaam ye. Búwesinato bondu búnuutinoot ti Kiris.