Epotor i 14:5 - Kwatay (Kuwaataay)

⁵ Keenooto ku Esuwif, n'Esuwif i, n'eseef yeeniin ni kakuukooro kéehamin kaanuku keebin kéehihinoor Pool ni Barnabas, abe ni kámiñiin nu bujuju keeket.

Epotor i 14:5 ပူးပေါင်းရင်းမြစ်များ

Májiye 5:44

Íñje bare eenuun: árimaŋi enatoora yeenuun, abe n'arilaw bija ti kiŋki káhihinooruun.

Hirim Heetoofe hu hi Luk akiñje hu 6:28

Árisoniyan kiŋki kañaanuun beejakut, abe n'arilaw bija ti kiŋki káhihinooruun.

Epotor i 13:45

H'Esuwif i kajuke hu hahooja hu, ni kahiñan. Pool aŋ'áhamin, ni kaane tókoiit, abe ni kálafatino.

Epotor i 13:50

Bare Esuwif i ni katiŋg haare hu keejamee ku abe ni kayooso bítim booniin, ni háyine kómbokun ku bakate ti hikinu hu keerito tu Pooliin ni Barnabas, kéehihinooriin kayak kákutooriin tu búsuk booniin.

Epotor i 14:19

Abaj kunak, Esuwif ni kahaŋ káreeŋin, kánuutin Antiyoos n'Íkoñom. Ni kañak hahooja hu kéesiiŋoorein nu boko, abe ni kawiŋg Pool bujuju kaanuku keeyoolo. Kahaban, ni kañakoo tíyaŋ hikinu hu, ábuki iŋi kaane man aketa.

Epotor i 14:2

Bare Esuwif i keeteñekee ku káyilen ni katiŋg keenooto ku Esuwif kayak kayinoor beejakut ti *kéeyilene ku.

Epotor i 14:4

Bakate ti hikinu hu ni káwaajinoor: bakaake ni kásiiŋoorein n'Esuwif i, bakaaku *n'epotor i.

Epotor i 17:5

Bare Esuwif i bakaaku ni kabet. Ni kakuukan bike bísambaŋ béeyemie tu búhuhu bu, abe ni katiŋg bakan keehooje keerito ayak abin áami hikinu hu hirkaa hitik. Ni kaja t'enuuf ite Saason hiŋes Pool ni Silas kaanuku keeja nu boko ti hahooja hu.

2 Korent 11:26

Keehooje-hooj kane íyemi ti kátuki, iŋ'ijuk kúnuur tánotan: tu wuyelu wu kane kaasiiŋ ku kibin, ni t'énukenoora i. Iŋ'ijuk kúnuur ti bakanam Esuwif i, ni ti keenooto ku yooŋ Esuwif. Iŋ'ijuk kúnuur tu búsuk bu, ni t'eramba i, ni ti han hu. Iŋ'ijuk kúnuur ti keenooto ku bakati úne nu múniyo.

1 Tesalonik 2:14

Kújakuwe, beebaje bu kéeyilene ku t'Atambatun bakate ku *Súde ki Yesu Kiris akino ku, bo yooŋ bibajuun fu. Sílaam si kajuke su t'Esuwif i, so yooŋ s'arijuke fu ti bakate ku t'ésuk yeenuun.

1 Tesalonik 2:16

Iŋi kaŋes kafitu uni kaanuku itim'irisok keenooto ku Esuwif hirim héeyiniiin hu kafakan. Iyu i kálilane fu wuhoofoor wiwi kafiy káhin. Bare kayiŋat k'Atambatun ayiŋate ku tu boko kitika kireeŋiin.

1 Tesalonik 2:2

Árimoomi yooŋ kaanuku h'íriyemie hu Fílip, bakate ku bo káhihinoorahihinoor uni, abe ni kálafatin uni. Bare h'írireeŋina hu t'aruun, naane átaañie i fe, Atambatun ayaŋgananayaŋganan uni kikaw iriisokuun Hirim Heetoofe hu héenuutina hu te o.

2 Timote 3:11

nu buŋ b'íhihinooree fu, nu buŋ b'ílaame fu. Á̱moomi beebajam bu Antiyoos fe, n'Íkoñom, ni Listir. Á̱moomi sílaam s'ijuke su fe, bare Anahaan u aramamram te so sireyi fe.