Epotor i 14:3 - Kwatay (Kuwaataay)

³ Pool ni Barnabas ni kafiyo bare Íkoñom. Iŋi káhamin ni kikaw keeyaŋge, abe n'eyakar yómbokun t'Anahaan u. Anahaan u n'áwufoor kaanuku bimbi kawaare ti kajaku koone bite nu múniyo, ábuki awuniinwun sembe site káhinu buroon beehaŋe ésuk i kikaw.

Epotor i 14:3 ပူးပေါင်းရင်းမြစ်များ

Mark 16:20

Eriboora i ni kaja, iŋi kawaare Hirim Heetoofe hu tánotan. Anahaan u aŋ'áyokunaniin tu burok bu, abe n'alitan kawaare kooniin tu buroon bimbi káhin beehaŋe bu ésuk i kikaw.

Saaŋ 4:48

Yesu n'aano: —Afut'arijuk buroon beehaŋuun kikaw, at'áriyilen mayet.

Epotor i 13:46

Náami Pool ni Barnabas ni kásafiniin, kikawiin káayaŋgin piŋ, kaaniin: —Aruun ariware fu kajabu arijam hirim hite Atambatun. Bare makamu ariteñekaa ho, abe yooŋ arijukerajuker náami t'aruun ajakutee kaanuku ariibaj buroŋ béehabanaariit bu, iriija kame ti keenooto ku Esuwif.

Epotor i 2:22

«Aruun bakate ku *Israyel, arijamatan jak b'ija bee kasokuuun: Yesu ite u *Nasaret, akina an árimeyie kaanuku Atambatun ámoomi ne o, ábuki awunowun éehin tu buhooŋuuun buroon beejahaluun ni beehaŋuun kikaw, naane árimeyie i bo aruun kumuumuun.

Epotor i 20:24

Bare t'íñje, buroŋ búuma bijarut doon tus. Ímaŋamaŋi kep kareeŋan doon d'eemo du te do, nu burok b'Anahaan u Yesu asaanam bu: bo beemo fu kawaare kite Hirim Heetoofe hite kajaku kite Atambatun.

Epotor i 20:32

«Hahiyu iiwasuun tu sumoŋu Atambatun, ni hirim hite kajaku koone. Ho híyiniuun fu káwutiyen sihel, abe nu huwunuun yooŋ t'ebaj y'anaŋe i bija ti bakan k'akino ku.

Epotor i 4:31

H'aamo hu kahabana kalawu ku, n'ayoŋoŋanooree toko ti kakuukanooree du. Búwejet Beenabe bu nu búhoojiniin kareyi fe, abe ni káyemi ti kasoku hirim hite Atambatun ni kikaw keeyaŋge piŋ.

Epotor i 5:32

Uni iriemo fu eseede yite buroon bondu, uni nu Búwejet Beenabe bu b'Atambatun awune bu kéejeŋgino ku.

Eleetar i yi Pool akiñje i bakate ku Rom 1:16

Ifuñeit kawaare Hirim Heetoofe hu: ho heemo fu sembe site Atambatun sans'afakan ne so an fe éeyilene, éejabin t'Esuwif i, abe n'ahabanooro ti keenooto ku Esuwif.

1 Tesalonik 2:2

Árimoomi yooŋ kaanuku h'íriyemie hu Fílip, bakate ku bo káhihinoorahihinoor uni, abe ni kálafatin uni. Bare h'írireeŋina hu t'aruun, naane átaañie i fe, Atambatun ayaŋgananayaŋganan uni kikaw iriisokuun Hirim Heetoofe hu héenuutina hu te o.

Esuwif i 2:4

Atambatun n'alitan yooŋ báhamin booniin ti káhinu buroon bánoban beehaŋe ésuk i kikaw, abe n'áhin ésuk i keebaj huruw fe doon du Búwejet Beenabe bu dundu buwun naane hutoofo i.