Epotor i 13:2 - Kwatay (Kuwaataay)

² Hike hunak, ni káyemi ti kasokoroor Atemit, abe yooŋ ni *kawoor. Búwejet Beenabe bu ni beene: —Árikajinam Barnabas nu Sóol bija tu burok b'iruwiin bu.

Epotor i 13:2 ပူးပေါင်းရင်းမြစ်များ

Májiye 6:16

—*Af'ariwoor, atum'áritaañian ñuhooŋuuun naane ñatuuk ñu. Iŋi kákojian ñuhooŋiiin, kéewufoor ésuk i kaanuku bokondu ti baawoor. Iisokuun bifeeneŋ bu: kaheeka keebaj hisiibanu hooniin.

Májiye 9:38

Arilaw ate múwañiin mu man n'áwutiyen bakan keebin kéehotukano.

Hirim Heetoofe hu hi Luk akiñje hu 10:1

Hunuut toko, Anahaan u n'ajifan eriboora kaamo bakan bákahaaji nu sumoŋu ni bákasuba, abe n'aboñiin ni bákasuba kéegilano toko ti kikinu ku, ni tánotan fe t'akina humuumo aware du bija.

Hirim Heetoofe hu hi Luk akiñje hu 2:37

ániine u n'aket. N'aja ayak abin áami abaja simit bakan bakabaakiir ni sibaakiir. Áwasaariit *t'Enuuf ite Atambatun. *Aŋ'awoor káajiim ni kaajiŋgan, abe n'alaw eesokoroor Atambatun.

Epotor i 10:19

Piyeer toko kep ti kayinoor kite beefeeño bu, Búwejet Beenabe bu ni beeno: —A̱jam, háyine bákahaaji bokondii ti kákandijen.

Epotor i 10:30

Korneyi n'aano: —Abajee hahiyu kunak kíhaaji, ímoomi ti kalawu t'enuuf diye t'ewahatu yende, taanak tu káafesin. Ija kajuku, náami ániine eesiimee wañ weesilane asiiŋaa hágilaam

Epotor i 13:3

Náami hi kawoore hu abe ni kalaw kahaban, ni kásit sumoŋiiin ti Barnabas nu Sóol, abe ni kawasiin keeja.

Epotor i 13:4

Iyu u Búwejet Beenabe bu buboñe fu Barnabas nu Sóol. Ni kaja Sélusi, kanuut bo, ni kájufo t'esahar keeja t'ekiŋk ite Siipur.

Epotor i 14:26

Kanuut toko, ni kájufo t'esahar keeja Antiyoos, hikinu hu ti kanaŋee du yéeni ti kajaku kite Atambatun, kaanuku kéeyini káhinu burok boone. Abe hahiyu burok bondu bihabanaa.

Epotor i 20:28

Áriwasiyoor kikawuun, abe n'arinaŋ ko yooŋ ti kaahaaw ku fe ku Búwejet Beenabe bu bisaanuun ku ariihaaw. Áriyemi ehaawa yite bakate ku Atambatun kéeyilene ku, k'aŋese ku ni halan hite Añi oone.

Epotor i 22:21

Bare Anahaan u n'aanam: «A̱ja, ábuki íñje kaboñii t'akambe, ti keenooto ku Esuwif.»

Epotor i 4:36

Iyu a ake ániine áhine fu, huruwio Siseef. Akina *Alefit, eebukee Siipur. Epotor i n'iŋi kasokorooro Barnabas (aamo fu «an u aa ayaŋganan kikaw»).

Epotor i 6:4

Uni n'iŋ'íriyini kajoŋoor ni kalawu ku, ni kawaare kite hirim hu.

Epotor i 8:29

Búwejet Beenabe bu ni beene Filip: —A̱tof a̱reeŋ esaret yendu.

Epotor i 9:15

Bare Anahaan u n'aano: —A̱ja, ábuki ijifanajifan ániine ondu kaanuku eebin éewufoor keenooto ku Esuwif, ni bákayi kooniin, ni bakate ku *Israyel íñj'eemo fu aañ.

Eleetar i yi Pool akiñje i bakate ku Rom 1:1

Íñje Pool aroka ite Yesu *Kiris ikiñje fee eleetar yende. Atambatun aruwamruw kaanuku íiyemi *apotor, abe n'ákajinam kaanuku iŋ'iwaare Hirim hoone Heetoofe hu.

Eleetar i yi Pool akiñje i bakate ku Rom 10:15

Buŋ b'an aja fu kasokiiin ho t'aboñutee? Míkiñjin mu meenaan: «Aŋ'atoof dómbokun kane kiŋki kawaare Hirim Heetoofe hu káreeŋin!»

Eleetar i yi Pool akiñje i bakate ku Rom 15:16

íiyemi aroka ite Yesu *Kiris bija ti keenooto ku Esuwif. Burok b'eemo bee te bo bite kawaare kite Hirim Heetoofe hu búmoomi naane bite *asaraha, kaanuku man keenooto ku Esuwif ni káyini káyemi kaasarah keetoofe Atambatun, ku Búwejet Beenabe bu bíkajine bija te o.

1 Korent 12:11

Búwejet bifeeneŋ bu ifi bíhin ii bondu fe: huruw fe n'uŋu buwuno beewayee, naane tu hutoofe du bo.

1 Korent 7:5

An atum'ateñeko kasaan áwiyo hikawo, kane arko taŋ boko kajamoore ni kaane keefin keewas bondu dikee keejoŋoor ni kalawu ku. Bare bondu buwas, n'iŋi kabatuko ti biseño booniin. Káhinaate iyu, man káyini bújokumooro, abe Setani n'aŋ'abaj bítim eeneyaniin ti kaahoofoor.

2 Korent 11:27

Irokarok burok beeniŋe, abe ífandaariit kaŋotu. Iŋ'ijoñjolat, búhujo bu yooŋ nu bujokam, abe aŋarko íbajaariit íihin ti haram. Kajokokana ku nere t'íñje, abe íbajaariit yooŋ wañ weeniŋe.

2 Korent 6:5

ni bímiñ bu, nu tu bukulu bu, ni ti naane ésuk i ee erito iŋ'ite h'uni, nu ñurok ñeeniŋe ñu, ni kaŋotaate ku, ni kañoofaate ku.

Galasi 1:15

Bare Atambatun afiyafiya ajifanam t'ibukoorutee, abe n'aruwam ti kajaku koone. Abe h'áhabaneina hu

Efees 3:7

Atambatun ti kajaku koone, asejanamsejan burok kaanuku iŋ'isok ésuk i Hirim Heetoofe hu. Awunamwun bondu ti sembe soone.

Kolos 4:17

Ariene Arkip anaŋ toko hikawo tu burok b'Anahaan u asaano bu, man n'ahaban bo áwariee.

1 Timote 2:7

Bondu bíkinineŋe fu Atambatun n'áhinam íiyemi *apotor. Aanamyen iwaare abe n'iliiken keenooto ku Esuwif bite káyilen ku, ni bite múniyo mu. Íñjeiit ijuuse, bifeeneŋ taŋ b'if'isok.

2 Timote 1:11

Atambatun áhinamhin íiyemi *apotor kaanuku iŋ'ibin iwaare ésuk i Hirim hondu Heetoofe hu, abe n'iliikeniin ho.

2 Timote 2:2

Báhamin b'a̱jamam bu ti kasoku hágila bakan keehooje-hooj, a̱liiken bo bakan kéewoore, kéeyinie kaliiken bo yooŋ bakaaku.

2 Timote 4:11

Luk unoono aamo fee n'íñje. Abe n'a̱bin ni Mark, ábuki áñjeriŋamñjeriŋ tu burok bite Atambatun.

2 Timote 4:5

Bare awe á̱jokumooro tu buroon bu fe, á̱muñ ti sílaam su, á̱ñiŋkaan a̱awaare Hirim Heetoofe hu, abe n'a̱reeŋan burok b'Atambatun asaani bu.

Esuwif i 5:4

An ayinaat kanoŋku eeyitooro, éehinooro asaraha ómbokun. Atambatun af'aruwo eesaano burok bondu, naane abine i aruw *Aaron kóŋkeyin.