Epotor i 13:10 - Kwatay (Kuwaataay)

¹⁰ abe n'aano: —Awe ajuusa, batuuk, añi Setani, anatoora ite meejake mu! Kaakaŋ me n'a̱ja fu karaan kayeeman kite buroon beejoŋoore bu b'Atemit ámaŋie bu kasiiŋan?

Epotor i 13:10 ပူးပေါင်းရင်းမြစ်များ

Májiye 13:38

hitaaŋaat hu heemo fu aduna i; sinawaay su seemo fu bakate ku ti *Jáyi jite Atambatun; husuwa hu heemo fu bakate ku Setani;

Májiye 15:19

Ábuki fu tu búwejeto ti biyinoor beejakut bu t'ufu búnuutin, beeyoosano tu búyoolool bu, huŋotu hu n'an i kaseñeit, bufurukato bu, ékuwe i, haajuus hu asaan bakan, nu husoku hu ti bakaaku.

Májiye 23:13

—Átaañi t'aruun *émuse yite Eluwa yite Moyis, n'aruun *Efarisiyeŋ i! Ñatuuk ñondu! Arikulakul ésuk i tíyaŋ *Jáyi jite Atambatun. Ariyooseit toko aruun kumuumuun, abe n'ariteñeko yooŋ kawasu kéemaŋie ku keeyooso.

Májiye 3:7

Hi Saaŋ ajuke hu kaanuku *Efarisiyeŋ keehooje *n'Esaduseyeŋ iŋi kabin te o kaanuku eebosteiin, n'aaniin: —Ñuroon ñondu! Aañ me aanuun fu árinooni kateyi Atambatun, makamu hunak hoone hite Kajoonan ku húlohenno?

Hirim Heetoofe hu hi Luk akiñje hu 11:39

Náami Anahaan u eeeno: —Aruun *Efarisiyeŋ i, aŋ'ariñaw akuur but meejukanee mite ekot i bija ebool i fe, bare níbahindaa, aŋ'arihooj bib nu wúfaŋi wute kákuwat, ni biyinoor boonuun beejakut bu.

Hirim Heetoofe hu hi Luk akiñje hu 11:52

«Átaañi t'aruun émuse yite Eluwa i! Árisikasik ejaab i yey'éfeŋgin karuŋ kite búwesinato bu. Ariyooseit toko aruun kumuumuun, abe n'ariteñeko yooŋ kawasu kéemaŋie ku keeyooso.»

Saaŋ 1:23

N'ásafiniin hirim honde *h'Esayi ayiŋana ite Atambatun abine hu asok. N'aaniin: «Íñj'eemo fu kaaji kite an u aa ataŋk t'eramba i aŋ'aane: “Arifare éhuhu yeejoŋoore bija t'Anahaan u!”»

Saaŋ 8:44

Setani aamo fu faafuun, abe beetoofo bu b'af'árimaŋi káhinu. Huta hu ti kájabina ku, aŋ'ayool ésuk i. Ásokaariit bifeeneŋ, ábuki múniyo mu munooto te o. Af'ajuus yooŋ, máhaminaro, ábuki akina ajuusa, abe akina átuute fu haajuus.

Epotor i 20:30

Abe bakaake t'aruun kumuumuun kasoku báhamin bite haajuus kaanuku keeñak kéeyilene ku.

2 Korent 11:3

Bare íkolakoleyi an atum'abin abuutuun éehinuun ariiwas kájeŋgin Kiris kájeŋgin keejoŋoore abe nu kukuur, naane yooŋ doon du dibine i dubuut Eef ni haajuus hu.

Galasi 1:7

Káanukiiit man abajeebaj hike hirim heetoofe, aaa, abajutee. Bare abajeebaj bakan keeemo ti kábujuuun sihel, kéemaŋie kawetekanoor Hirim Heetoofe hite hu Kiris.

Efees 4:14

Náami ut'uŋk'úyemi biñi. Ut'uŋk'úyemi naane busoona bu móhujo miñake tánotan ti han hu, man yooŋ b'eyam i etendeŋane. Ejuusa i yooŋ it'iŋki kabuut úne ni báhamin bimbi kanoŋk kéetuut.

2 Piyeer 2:15

Kawasawas bítim beejoŋoore bu, abe ni kátowuto. Iŋi kasa ti hiñaawu Balam ayiŋana u, añi ite Bosoor, akina éemaŋie u ajaamee sírirem éehin meejakut.

1 Saaŋ 3:8

An eekine ti kaahoofoor, akina an ite Setani, ábuki Setani ahoofoorahoofoor huta hu ti kájabina ku. Bonde bíkinineŋe fu Añi ite Atambatun n'abin: kaanuku éebuj burok bite Setani.