Epotor i 11:14 - Kwatay (Kuwaataay)

¹⁴ O kasokii kirim kite kafakani, awe ni bakate ku t'awe kareyi fe.»

Epotor i 11:14 ပူးပေါင်းရင်းမြစ်များ

Mark 16:16

An eeja u káyilen, abe *n'abostee, o kafaku. Bare an at'a áyilen, Atambatun akufokufo awasan.

Hirim Heetoofe hu hi Luk akiñje hu 19:10

Ábuki *Añi ute Húŋgowulan hu abinabin kaŋesu bakan kéetowutee ku, abe n'afakaniin.

Saaŋ 12:50

Abe ímoomi kaanuku báhamin boone ufu buwun buroŋ béehabanaariit bu. Náami bimb'isok, iŋ'isok bo naane ti Faafam asokam du bo.

Saaŋ 20:31

Bare beeemo bu te ko bikiñjeekiñj man n'áriyilen kaanuku Yesu aamo fu *Afakana u, Añi ite Atambatun. Abe af'áriyilen te o, n'aŋ'aribaj te o buroŋ bu.

Saaŋ 4:53

Ániine u n'ábaŋino kaanuku t'ewahatu yendu yooŋ ti Yesu aano fu: «Añi úuwe karoŋu.» Náami éeyilen te o, akina nu butoŋo fe.

Saaŋ 6:63

Búwejet Beenabe bu ufu buwun buroŋ bu; húŋgowulan ayinaat káhinu bondu. Kirim k'isokuun ku ufu kuwun Búwejet bu nu buroŋ bu.

Saaŋ 6:68

Simoŋ Piyeer n'aano: —Anahaan u, kame iriija yooŋ t'aañ? Awe a̱baje fu kirim ku kuŋku kuwun buroŋ béehabanaariit bu.

Epotor i 10:2

Ániine ondu an éejube, abe akina nu butoŋo fe kájeŋginajeŋgin Atambatun. Aŋ'áyokunan dómbokun Esuwif i keebajut ku, abe aŋ'aboo kalawu Atambatun kep.

Epotor i 10:22

Ni kaano: —Korneyi, aseef ite esulaan i áboñina fu uni. Ániine éejube. Ájeŋginajeŋgin Atambatun, abe Esuwif i kareyi fe iŋi kasok te o beejake. Ake amalaka ite Atambatun aanoen aruwi bija te o, eeja eejamatan naŋ n'a̱ja fu kasoku koone.

Epotor i 10:43

*Eyiŋana yite Atambatun fe kasokasok uŋu hoone hu; kaanaan an fe éeyilene ti Yesu, ti sembe site huruwu hondu t'Atambatun aja fu kaboŋketo wuhoofoor wu.

Epotor i 10:6

t'ake ániine aroka wubaŋ, huruwu hoone Simoŋ. Enuuf yeene yendu kaagoroor ni han hu.

Epotor i 11:13

N'asok uni naane ajuke i amalaka n'áŋaasin t'enuuf te o abe n'aano: «A̱boñ bakan Sope bite Simoŋ ii kaane Piyeer.

Epotor i 16:15

H'aamo hu áyilena, n'abostee, akina ni bakate ku tu boko, abe n'alaw uni aane: —Makamu arijukajuk kaanuku nu múniyo íyilenayilen t'Anahaan u, aribin kame ariiwanan t'íñje. N'anoŋkooran uni iriieno hee.

Epotor i 18:8

Kirispus, aseef ite báalawum bu n'áyilen t'Anahaan u, akina nu butoŋo fe. Keehooje yooŋ ti bakate ku Korent ni káyilen hi kajame hu Pool, abe ni *kabostee.

Epotor i 2:39

Ábuki aanaan o kawunuuun bo, aruun, ni bakañuuun, ni keekine ku t'akambe, bija yooŋ ni k'Atemit Atambatun ite úne ayak ku karuwu kareyi fe.

1 Korent 1:16

(Ániya! Ibostaboste yooŋ butoŋ bite Sitefanas, bare íyilenut kaanuku isooñasooña iboste ake away.)