Epotor i 10:22 - Kwatay (Kuwaataay)

²² Ni kaano: —Korneyi, aseef ite esulaan i áboñina fu uni. Ániine éejube. Ájeŋginajeŋgin Atambatun, abe Esuwif i kareyi fe iŋi kasok te o beejake. Ake amalaka ite Atambatun aanoen aruwi bija te o, eeja eejamatan naŋ n'a̱ja fu kasoku koone.

Epotor i 10:22 ပူးပေါင်းရင်းမြစ်များ

Májiye 1:19

Siseef an ite bifeeneŋ. Ámaŋiit kásiku huruwu hite Mari asaan ésuk i. N'ayinoor aane boko kawasoor t'an ámeyiit.

Májiye 2:12

Hunuut toko, h'aamo hu kaŋota, Atambatun n'asokiin ti híyawutu aaniin itim kabatuko t'Erod. Ho híkinineŋe fu ni kaŋaas bike bítim keeyeet bija t'ésuk yeeniin.

Mark 6:20

ábuki Erod ámaŋiit doon fe dibaj Saaŋ. Aŋ'áhino kákoleyi, ábuki ámoomi kaanuku Saaŋ an ite bifeeneŋ, abe yooŋ an eenabe. Saaŋ af'áyemi ti báhamin, Erod ehelo ébebaariit tuf, bare aŋ'ámaŋi naane kajamatano.

Mark 8:38

Isokuunsok bonde ábuki ake ti bakate ku hahiye kéewuŋge ku Atambatun kiñaawu, ehoofoora yooŋ, af'aane ífuñinanafuñinani te o, íñje ni kirim kúuma, *Añi ute Húŋgowulan hu yooŋ kaanu áfuñinanafuñinani te o kane aja abin ti kániku kite Faafo, akina n'emalaka i keenabe ku.

Hirim Heetoofe hu hi Luk akiñje hu 2:25

Náami abajeebaj Serusalem ake ániine huruwu hoone Simiyoŋ. Ániine ondu ite bifeeneŋ, abe ájeŋginajeŋgin Atambatun. Ámoomi ti kanahan an eeja u kafakan *Israyel. Búwejet Beenabe bu búmoomi ne o,

Hirim Heetoofe hu hi Luk akiñje hu 23:50

N'abaj ake ániine huruwu hoone Siseef, ite ti hikinu hite Esuwif i hihi kaane Arimate. Ániine ondu ajakajak, abe ite bifeeneŋ. Ámoomi ti kanahan n'eyakar yómbokun Atambatun eesiiŋan Jáyi joone. Boko kaamo fu *sifaaf site ejoonana i, bare ariboorut ni bakano ti hirim hi kajoke hu te ho, ni ti naane káhine i.

Hirim Heetoofe hu hi Luk akiñje hu 9:26

Ábuki ake af'aane ífuñinanafuñinani te o, íñje ni kirim kúuma, *Añi ute Húŋgowulan hu yooŋ kaanu áfuñinanafuñinani te o kane aja abin ti kániku koone, ni kite ku Faafo, ni kite k'emalaka i keenabe ku.

Saaŋ 13:20

Iisokuun bifeeneŋ bu: an af'ajok áwariee ake i iboñe, íñje a ajoke fu áwariee; abe an eejokam áwariee, an éeboñinam u a ajoke fu áwariee.»

Saaŋ 17:20

«Ilawuti bija tu boko barebare, bare bija yooŋ ti keeyak ku bibin káyilen t'íñje kane kajam hirim hooniin.

Saaŋ 17:8

ábuki isokiinsok kirim k'a̱saanam ku, abe kajokajok ko. Bukuuriinkuur kaanuku t'awe t'ínuutina fu, abe káyilenayilen yooŋ kaanuku awe á̱boñinam.

Saaŋ 5:24

«Iisokuun bifeeneŋ bu: an eejame u báhamin búuma, abe n'áyilen t'an éeboñinam u, an ondu abaja buroŋ béehabanaariit bu. At'ajoonanee. Ánuutino t'eket i eebin tu buroŋ bu.

Saaŋ 6:63

Búwejet Beenabe bu ufu buwun buroŋ bu; húŋgowulan ayinaat káhinu bondu. Kirim k'isokuun ku ufu kuwun Búwejet bu nu buroŋ bu.

Saaŋ 6:68

Simoŋ Piyeer n'aano: —Anahaan u, kame iriija yooŋ t'aañ? Awe a̱baje fu kirim ku kuŋku kuwun buroŋ béehabanaariit bu.

Epotor i 10:2

Ániine ondu an éejube, abe akina nu butoŋo fe kájeŋginajeŋgin Atambatun. Aŋ'áyokunan dómbokun Esuwif i keebajut ku, abe aŋ'aboo kalawu Atambatun kep.

Epotor i 10:21

Náami Piyeer éewanein bibin ti háyine hu abe n'aaniin: —Íñj'ende, íñje a ariŋes fu. Naŋ n'aribine fu?

Epotor i 10:30

Korneyi n'aano: —Abajee hahiyu kunak kíhaaji, ímoomi ti kalawu t'enuuf diye t'ewahatu yende, taanak tu káafesin. Ija kajuku, náami ániine eesiimee wañ weesilane asiiŋaa hágilaam

Epotor i 10:33

N'ihaŋ íboñin búuwe, abe á̱hinahin áwariee naane a̱bine i. Hahiyu uni bokondu diye irireyi fe hágila Atambatun, kaanuku iriijamatan bireyi fe b'Atemit asaani bu kaanuku a̱asok uni.

Epotor i 10:6

t'ake ániine aroka wubaŋ, huruwu hoone Simoŋ. Enuuf yeene yendu kaagoroor ni han hu.

Epotor i 11:14

O kasokii kirim kite kafakani, awe ni bakate ku t'awe kareyi fe.»

Epotor i 22:12

«Ake ániine éejube ámoomi bo iŋi kaano Anañas. Ajokajok *Eluwa yite Moyis dómbokun, abe Esuwif i bakate ku Damas fe iŋi kasok te o beejake.

Epotor i 24:15

Íkooki eyakar yendu t'Atambatun naane háyine hondu, yite kaanuku kéejube ku ni kéejubut ku fe bíriteina t'eket i.

Epotor i 6:3

Kújakuwe, iŋ'ite ho aamo fu arijifan t'aruun háyine kaamo hutok ni bákasuba kéewoore, keehooje bib nu Búwejet Beenabe bu, abe ni káwesinato yooŋ, iriisaaniin burok bondu.

Eleetar i yi Pool akiñje i bakate ku Rom 1:17

Múniyo Hirim Heetoofe hu húwufoorawufoor buŋ b'Atambatun af'ajok húŋgowulan an éejube: ti káyilen ku taŋ. Ti káyilen ku tu bondu bíjabina fu, ni biraan yooŋ te ko, naane busokee i ti *Míkiñjin mu. Meenaan: «An éejube, buroŋ boone káyemi bite káyilen.»

2 Korent 5:18

Abe bondu fe t'Atambatun tu búnuutina fu, o éehine u núubukan ne o, aŋ'asaan bo ti Kiris. Abe hahiye Atambatun n'asaan uni burok bondu bite káwufoor ésuk i kaanuku ámaŋamaŋi kabukan nu boko.

1 Timote 3:7

Awarawar kabaju huruwu heejake ti kéeyilenut ku, kaanuku man itim kabin kasok te o beejakut, abe Setani n'ajoko t'éfiir yeene.

Esuwif i 10:38

Atambatun aane: An éejube t'íñje, buroŋ boone káyemi bite káyilen. Bare af'añako, hikawam man hutoof te o.»

Esuwif i 11:2

Bakate ku kóŋkeyin, káyilen kooniin kíkinineŋe fu ni katoof Atambatun.

Esuwif i 12:23

Arilohaloh ti biñi bite Atambatun keerahare ku kakuukanooree du, boko ku kuruwu kooniin kikiñjee ku t'etiir bufor bu. Arilohaloh Atambatun aa ajoonan kúŋgowulan ku kareyi fe, nu ñúwejet ñite bakan keejoŋoore ku k'Atambatun áhine ku *keekuur but.

2 Piyeer 3:2

Áribaŋino báhamin *b'eyiŋana yite Atambatun keenabe ku kabine bu kasok kóŋkeyin, n'eluwa yite Anahaan u *n'Afakana u yooŋ toko, *y'epotor i k'Atambatun áboñinuun ku kaliikenuun i.

3 Saaŋ 1:12

Ésuk i ereyi fe eŋ'esok beejake ti Demetiriyus, abe humuum múniyo mu múwufoorawufoor kaanuku bite toko. Uni yooŋ iriseedoseede beejake, abe á̱moomi kaanuku bimb'irisok bite toko.

Kafeeñal ku 14:10

o yooŋ búhujo ébiñ ite Atambatun yite i kane ayiŋat! Ébiñ yendu káyunanee t'ejoofutee t'ekot ite Atambatun yite i kane ayiŋat. Kiŋki kanij ii fe káhihinooree ti sineemak su n'efor yéesufe i tu buhooŋu emalaka i keenabe ku n'Ametek u.