Efees 6:6 - Kwatay (Kuwaataay)

⁶ Atum'árihin bondu kane káyemiuun ti kajukar barebare, kaanuku man n'aritoofiin. Bare áriñiŋkaan áriihin b'Atambatun ámaŋie bu naane búsukateen bakate Kiris.

Efees 6:6 ပူးပေါင်းရင်းမြစ်များ

Májiye 12:50

An aa áhin bi Faafam eeemo u t'etiir ámaŋie bu, an ondu aamo fu at'am, ániinam, n'íñaayam toko.

Májiye 7:21

—Káanukiiit huruw fe eeenam: «Anahaan u, Anahaan u», aja fu buyooso ti *Jáyi jite Atambatun, kane arko taŋ an éehine buroon bi Faafam eeemo u t'etiir ámaŋie bu.

Mark 3:35

An aa áhin b'Atambatun ámaŋie bu, an ondu aamo fu at'am, ániinam, n'íñaayam toko.

Eleetar i yi Pool akiñje i bakate ku Rom 6:17

Bare úene Atambatun eyeehen: aruun kéeyemie ku hítiyar hu búsukateen bite kaahoofoor ku, arijokajok hahiye árihabanein tu múniyo m'ariliikenee mu.

1 Korent 7:22

Ábuki ásukateen a Anahaan u aruwe anuuta tu húsukateenaate hu, abe akina an ite Anahaan u. An yooŋ eenooto ásukateen abe *Kiris n'aruwo, áyemia ásukateen ite Kiris.

Galasi 1:10

Íñje fíya eemo ti kaŋesu man ésuk i n'esokorooram? Aaa, Atambatun i ímaŋie fu asokorooram. Íñje fíya eemo ti kaŋesu man ésuk i kikawiin nu kutoof t'íñje? Kane isooñ iŋes man ésuk i kikawiin nu kutoof t'íñje, man íyemi aroka ite Kiris.

Efees 5:17

Iŋ'ite ho aamo fu atum'arisoŋoto, bare áriñiŋkaan man n'árinandin buŋ b'Anahaan u ámaŋie fu aŋ'árihin.

Fílip 2:12

Náami kújakuwe, aruun k'ímaŋie-maŋie ku, árijeŋginamjeŋgin ko kireyi fe h'íyemie hu n'aruun; bare hahiye naane aamo i inooto t'aruun, ariwarawar kahaŋu kájeŋginam. Áriñiŋkaan ariirok áriiwufoor kaanuku arifakafak, abe n'árihin bo ti kábitu ni sembe hágila Atambatun,

Kolos 1:9

Iŋ'ite ho aamo fu huta h'iŋ'iribin irijam bo, iriwasut kalawu Atambatun bija t'aruun. Iŋ'irilawo kaanuku man n'áhinuun áriimeyi b'ámaŋie bu árihabanein, abe Búwejet Beenabe bu ni bíhinuun áriiwasi abe n'áriwesinato yooŋ.

Kolos 4:12

Epafuras eeemo u yooŋ ite t'aruun asaafuun. Akina aroka ite Yesu Kiris, abe aŋ'áñiŋkaan kep ti kalawu Atambatun bija t'aruun kaanuku man n'arijok alitee, n'arihaat yooŋ ti káyilen ku, abe n'arifare káhinu b'Atambatun ámaŋie bu fe.

1 Tesalonik 2:4

H'Atambatun ajuke hu t'uni, n'áwoolu kasaan uni Hirim Heetoofe hu iŋ'iriwaare ho. Kane íriyemi ti kawaare, kúŋgowulan kíiit k'if'iriŋes katoofu, bare Atambatun aa ajondoman tu suhol site s'úne.

1 Tesalonik 4:3

Bonde b'Atambatun ámaŋie fu: áriiyemi bakan keenabe. Aamo fu atum'ariŋot ni bakan k'ariseñeit.

Esuwif i 10:36

Kámuñu k'arisawulee fu, man n'árihin b'Atambatun ámaŋie bu, arihaban, n'aribaj doon d'aane du o kawunu úne.

1 Piyeer 2:15

Ábuki fu Atambatun ámaŋamaŋi aŋ'árihin ajakee, ñutum ñite keesoŋotee ku kéemeyiit ku doon ñeekumbo.

1 Piyeer 4:2

Náami áfiitin ti hahiye, tu kunak keeŋeñenuun ku t'etaam ye, buroŋ boonuun buwarawar káyemi naane t'Atambatun ámaŋie du bo, abe n'ariwas wúfaŋi wute kúŋgowulan ku.

1 Saaŋ 2:17

Etaam i yendu ti bija bihabano, nu wúfaŋi wu fe weeemo wu te yo. Bare an eeemo aŋ'áhin b'Atambatun ámaŋie bu, o karoŋu hiraanu.