Efees 6:17 - Kwatay (Kuwaataay)

¹⁷ Arijok kafaku ku naane aa arisol ékuhe yite hitiik, abe n'arijok Hirim hite Atambatun heeemo hu naane kábura, ku Búwejet Beenabe bu buwunuun.

Efees 6:17 ပူးပေါင်းရင်းမြစ်များ

Májiye 4:4

Bare Yesu n'ásafino aano: —Busokeesok ti *Míkiñjin mu kaanuku: «Búñoofoiit barebare biyino fu kákinineŋ húŋgowulan n'aroŋ, bare ni kirim ku fe k'Atambatun kaŋk'asok.»

Májiye 4:7

Yesu n'ásafino aano: —Busokeesok yooŋ ti Míkiñjin mu kaanuku: «Atum'a̱jeeŋan Atemit Atambatun úuwe.»

Efees 5:26

Áhinahin bondu kaanuku éekajiniin bija t'Atambatun. *Akuuraniinkuuran nu móhujo, ni hirim hu yooŋ.

1 Tesalonik 5:8

Bare úne, kaajiŋgan kíkinie fu úne, abe úwarawar kajoku kikaw úne. Úwarawar kasolu káyilen ku ni kámaŋioori ku naane uu úsol ebaŋgal kaanuku eŋ'eram úne. N'úsol yooŋ eyakar ite úne yite kafaku ku naane uu úsol ékuhe yite hitiik.

Esuwif i 4:12

Hirim hite Atambatun huroŋaroŋ jes, abe yooŋ hibajabaj sembe. Hihaŋahaŋ kábura kánokan fe kariyu. Uŋu huyooso bija níbahindaa ti yaan i éfimboore du nu búwejet bu, nu tu súkulinu su sífimboore du ni matoof mu. Iŋi hifeeñal biyinoor beeemo bu tu búwejet bite an, nu doon fe d'ámaŋie káhinu.

Esuwif i 6:5

Bokondu kámusa kámeyi meejake mite hirim hite Atambatun, ni kámeyi yooŋ sembe site Jáyi jeebin ju.

Kafeeñal ku 1:16

Ajokajok t'emoŋio yaatos i wúloofiiloof weemo hutok nu wúsuba, abe kábura keebaliŋge suf iŋi kíŋaasin tu butumo. Buhooŋio iŋi bisilan naane taanak tu kaajiŋgan far.

Kafeeñal ku 12:11

Bakan úne kakalokalo iŋ'ite halan hite Ametek u, nu múniyo mi kaseedee mu. Kajukerut uŋu buroŋ booniin ni kaane kéekoleyi eket i.

Kafeeñal ku 19:15

Kábura keebaliŋge suf iŋi kíŋaasin tu butumo; ne ko n'aja fu kámiñu biheet bu fe. O kahaawu bo nu hútaŋkaru hite mañ, abe n'atuusan bo naane *kireseŋ ti báatuusanum bite b'Atambatun eehaŋe u ebaja sembe bite bu kane ayiŋat dómbokun.

Kafeeñal ku 2:16

A̱watanooro wuhoofoor wúuwe. Káhinaate iyu, n'iŋ'ibin t'awe memee, abe n'iŋ'itiik bakan kondu ni kábura ku kiŋki kíŋaasin tu butumam.