Efees 6:10 - Kwatay (Kuwaataay)

¹⁰ Biraanu búuma beemo fu bonde: ariŋes sembe soonuun t'Anahaan u, ni ti sembe soone sómbombokun su.

Efees 6:10 ပူးပေါင်းရင်းမြစ်များ

1 Korent 16:13

Áriniyo, abe n'arisiiŋo ayan faŋ ti káyilen ku. Atum'aŋ'árikoleyi, bare aribaj sembe.

2 Korent 13:11

Hahiyu úwasoor kújakuwe! Ariŋes káyemi bakan keekuure but, ariyaŋgananoor kikaw, arijamoor, abe n'arikin ti káasuumaay. Af'árihin iyu, Atambatun éemaŋie u ésuk i, abe n'aŋ'awuniin káasuumaay n'aŋ'áyemi n'aruun.

Efees 1:19

Ímaŋamaŋi yooŋ árimeyi sembe sómbombokun su sunsu surok t'úne *kéeyilene ku. Sembe sondu sómbombokun su, Atambatun átumbatumba áwufoor so

Efees 3:16

Ánikanik areeŋ ñaaj, abe abajabaj yooŋ doon areyi fe. Náami íñj'endu ti kalawio kaanuku man n'áhin Búwejet boone beewun siheluun sembe.

Fílip 3:1

Kújakuwe, hahiyu iisokuun bonde: kikawuun kutoof naane árihine i t'afeeneŋ n'Anahaan u. It'ílaam hikee ti kasoku koonuun b'iheeke bu iikiñj, abe bo bihaŋe fu káwooru bija t'aruun.

Fílip 4:13

Íyinooni káhinu bondu fe aŋarkeyi naane *Kiris aŋ'awunam sembe.

Fílip 4:8

Kújakuwe, biraanu búuma bonde: árisik siheluun arinaŋ tu buroon beejake, beejare kasokorooree. Bo beemo fu doon fe dite nu múniyo, doon fe dite kájeŋginee, déejube, *deekuure, deetoofe, nu doon fe deewaree kajoku nu sumoŋu súsuba.

Kolos 1:11

Iŋ'irilawo yooŋ kaanuku man n'awunuun ti sembe soone séenike su, aŋ'aribin árimuñ ko kireyi fe, abe n'arijok yooŋ alitee ni katoofu kómbokun.

2 Timote 2:1

Áñuumo, awe bare a̱baj sembe t'Atambatun, éewufoore u úne kajaku koone h'úhine hu t'afeeneŋ ni Yesu *Kiris.

2 Timote 4:17

Bare Anahaan u aseeŋamseeŋo, abe n'awunam sembe isooñen n'íyini kawaare Hirim Heetoofe hu hireyi fe, keenooto ku Esuwif kareyi fe kayak kajam ho. Abe Anahaan u n'áhin iifak ti bíŋaŋ bu.

1 Piyeer 3:8

Hirim húuma hiraanu hu honde: aribaj biyinoor bifeeneŋ, abe n'arijamoor yooŋ. Árimaŋioori naane bakati; áriyemi bakan kéeneenie, abe atum'ariyitooro hágila bakanuun kúŋgowulan.

1 Piyeer 4:11

An eeemo ti kawaare awarawar kasoku kirim kite Atambatun. An eeemo ti káyokunan ake awarawar káhabanna sembe s'Atambatun awuno su, kaanuku man tu buroon bu fe Atambatun n'asokorooree iŋ'ite hu Yesu *Kiris. Kániku ku kíyemi koone ku hiraanu, ni sembe su fe! Amiin.

1 Piyeer 5:10

Sílaam soonuun iti sifiyo dómbokun. Atambatun eehaŋe u émaŋia úne, aruwuunruw bite kániku koone kéehabanaariit ku aŋarkeyi naane árihinahin ni Yesu Kiris t'afeeneŋ. O humuumo karitanuun ariisiiŋo, n'ayaŋgananuun yooŋ ti kawunuuun sembe, abe n'asiiŋanuun t'ayane.

1 Saaŋ 2:14

Kúñuumo, isooñ ikiñjuun bonde: árimoomi Faaf u. Aruun sifaaf su, isooñ ikiñjuun bonde: árimoomi an éeyemie u huta hu ti kájabina ku. Aruun biñi bu, isooñ ikiñjuun bonde: aribajabaj sembe; hirim hite Atambatun hondu t'aruun, abe yooŋ arikalaa Batuuk bu.