Efees 5:3 - Kwatay (Kuwaataay)

³ Aruun bakan bakate Atambatun. Náami huŋotu hu ni bakan k'ariseñeit, *kakuuraate ku, ni bimero bite buroon b'árikiniit, bondu fe áritumbut ariwar bo kajemen.

Efees 5:3 ပူးပေါင်းရင်းမြစ်များ

Májiye 15:19

Ábuki fu tu búwejeto ti biyinoor beejakut bu t'ufu búnuutin, beeyoosano tu búyoolool bu, huŋotu hu n'an i kaseñeit, bufurukato bu, ékuwe i, haajuus hu asaan bakan, nu husoku hu ti bakaaku.

Hirim Heetoofe hu hi Luk akiñje hu 12:15

Ahaban, n'aane hahooja hu hireyi: —Arinaŋ toko kikawuun, áriwasiyoor bimero bite ebaj i, ábuki húŋgowulan, áyemi husaanum are buŋ fíya, buroŋ boone bunooto t'ebaj yeene.

Hirim Heetoofe hu hi Luk akiñje hu 16:14

*H'Efarisiyeŋ i kajame hu bondu, ni kásuw Yesu, ábuki iŋi kámaŋi naane sírirem.

Epotor i 15:20

Bare úkiñjiin núuwufooriin kaanuku kawas kateŋu kite efuwa yeesarahee ti ñájiim, ábuki *ekuurut, kawas huŋotu hu ni bakan ki kaseñeit, itim kateŋ yooŋ éndakakureŋ yeemootutee, kawas yooŋ halan hu.

Epotor i 20:33

Imereit sírirem, n'éwurus, ni kájufa kite an.

Eleetar i yi Pool akiñje i bakate ku Rom 1:29

Ñúwejet ñooniin uŋu ñuhooj bib nu kunoŋk kánokan kéejubut, ni meejakut, ni bimero, ni bánafut, ni kahiñan, ni kayoolu bakan, nu sulob, ni kabuutu bakan, nu butuuko. Iŋi kasok ti bakan,

Eleetar i yi Pool akiñje i bakate ku Rom 16:2

Arijoko áwariee tu huruwu hite Anahaan u naane bakan kite Atambatun kaware i káhinoor. Abe n'áriyokunano t'esawula yánoyan fe y'ayino kabaju t'aruun, ábuki áyokunanayokunan bakan keehooje, bija yooŋ íñje fe.

Eleetar i yi Pool akiñje i bakate ku Rom 6:13

Atum'aŋk'árisik siniuun arisaan kaahoofoor ku, kaanuku iŋi sibin síhin meejakut mu. Árisik so arisaan Atambatun naane bakan keeritanee t'eket i, abe n'árihabanein fe tu burok boone, aŋ'aribin árihin beejoŋoore bu.

1 Korent 10:8

Utum'úfurukato naane bakaake tu boko káhine i, Atambatun ayak ayool tu boko bakan kaamo súñjune butuman ni síhaaji tu hunak hifeeneŋ.

1 Korent 5:1

Irijamajam tánotan fe kaanuku abajeebaj t'aruun bufurukato b'árimeyie kaanuku humuum hite kéeyilenut ku kánijaariit iyu: kaane ake t'aruun aŋ'aŋot n'anaare ite faafo!

1 Korent 6:13

Aŋ'ariene yooŋ: «Maanu wúhineehin bija ti har, abe har n'áhinee bija ti maanu.» Nu múniyo, bare hike hunak Atambatun kábuju muroon mondu t'ésuba te mo. Sini site s'úne bare síhinutee bija bufurukato: síhineehin bija t'Anahaan u, abe Anahaan u af'asaan so doon di sisawulee du.

1 Korent 6:18

Aritey bufurukato bu! Ábuki kaahoofoor kondu kihaŋahaŋ waawu fe kabuusatan eni. An af'aŋot n'an i kaseñeit, ahoofoora humuum t'enio.

2 Korent 12:21

Íkolakoleyi n'ija ibin, Atambatun n'asooñ áhinam iisa t'aruun ñufuñ, iibin iyiy iŋi keehooje keehoofoore abe kawatanooreit keewas *kakuuraate ku, nu huŋotu hu ni haare ki kaseñeit, nu bufurukato bu.

Efees 5:12

(Múniyo buroon bimbi kánuuso kéehin, kaanuku yooŋ núusok bo uŋ'útumb úfuño.)

Efees 5:5

Árimeyi bonde jak: kiŋki kaŋot ni bakan ki kaseñeit, ni keekuurut ku iti kabaj húrub ti Jáyi jite Kiris n'Atambatun. Kiŋki kamero buroon bite ésuk i iti kabaj yooŋ húrub, ábuki anokooreenokoor kite bondu bi kahaŋe kajoku Atambatun.

Fílip 1:27

Naane hiyino i káyemi fe, buroŋ boonuun bujoŋoor naane Hirim Heetoofe hite hu Kiris husoke i. Káhinu iyu, if'ibinuun kajuku, man yooŋ ibinutuun kajuku, íyinooni kajamu kaanuku arijokajok alitee. N'iŋ'ímeyi kaanuku arijokoorajokoor tu búwejet bifeeneŋ, aŋ'árisiiŋoorein yooŋ áriituum t'afeeneŋ bija ti káyilen ku keeyaajee ku ti Hirim Heetoofe hu.

Kolos 3:5

Náami ariyool ti siniuun doon fe deeemo dite t'etaam: huŋotu hu ni bakan k'ariseñeit, *kakuuraate ku, kámaŋi kite buroon béefuñinanie bu, wúfaŋi weejakut wu, ni bimero bite buroon b'árikiniit bu. (An af'amero doon d'ákiniit, ajokajok bondu ahaŋ naane ajoke i Atambatun.)

1 Tesalonik 4:3

Bonde b'Atambatun ámaŋie fu: áriiyemi bakan keenabe. Aamo fu atum'ariŋot ni bakan k'ariseñeit.

1 Tesalonik 4:7

Atambatun aruwut úne kaanuku núuyemi bakan *keekuurut, bare kaanuku núuyemi bakan keenabe.

1 Timote 2:10

Bare káwari kooniin kuwarawar káyemi kanoŋku ajakee; bondu bijake fu ti haare keeene kájeŋginajeŋgin Atambatun.

1 Timote 3:3

Awarut káyemi áhujaa ómbokun, awarut yooŋ káyemi aloba, bare awarawar káneeni, abe n'áyemi an ite káasuumaay. Awarut kanaŋu hikawo ti sírirem.

1 Timote 6:10

Ábuki káfaŋi kite sírirem abuke fu beejakut bánoban. Bakaake kahaŋahaŋ bimero so kasooñen ni kawas káyilen ku, keesejanooro wúseñji weehooje.

2 Timote 3:2

Múniyo ésuk i kayinoor huruw hikawo, ni kámaŋi yooŋ sírirem, boko kamaku, ni kayitooro yooŋ, abe ni kálafatin Atambatun. Iti kájeŋgin sifaafiin ni síñaayiin, iti kaane an eyeehen, abe boko biteñeko yooŋ doon fe deenabe.

Eleetar i yi Pool akiñje i Tit 1:11

Kawarawar kakumbiee ñutum, ábuki iŋi kayeeñooran kaanas ñeeba ti kaliiken kite ésuk i beejarut bu, kaanuku taŋ keebaj sírirem si kásuwatut.

Eleetar i yi Pool akiñje i Tit 1:7

Hikaw hite kéeyilene ku af'atofotoor burok bite b'Atambatun; iŋ'ite ho aamo fu awarut kabaju bike b'an ayino kawatano te bo. Awarut biyitooro, awarut kahilu ti kayiŋat, awarut káwusan, awarut káyemi aloba, atum'aŋes yooŋ kabaju sírirem seekuurut.

Eleetar i yi Pool akiñje i Tit 2:3

A̱ane yooŋ haare hu keehaane ku kabaj buroŋ beetoofe Atambatun. Kawarut kasoku t'an, itim káyemi yooŋ búsukateen bite ehob. Kawarawar iŋi karimu ésuk i ajakee.

Esuwif i 12:16

An t'aruun atum'afurukato, man yooŋ n'ahuuf buroon beenabe naane Esawu abine i áhin. Ásikasik hifaafaate hoone ajoohen uŋu húñoofein hifeeneŋ taŋ.

1 Piyeer 5:2

arihaaw áwariee kaahaaw k'Atambatun ánihanuun ku. Atum'árihin kite bakan keenoŋkooranee, bare arinoŋk ariijukar ko naane t'Atambatun ámaŋie du. Atum'árihin burok bondu iŋi hiŋes ebaj, bare árihin bo aŋarkeyi naane ho hutoofuun n'áriyokunaniin.

2 Piyeer 2:10

O kahaŋu kaniju ti kiŋki kanaban wúfaŋi weejakut wute siniiin, abe n'iŋi kahuuf hiseefaate hu. Bokondu kiŋki kaliiken ésuk i bite haajuus hu kákoleyiit Atambatun, abe yooŋ iŋi kayitooro. Kájeŋginaariit bakate ku t'etiir kéenike ku, bare iŋi kátumb kálafatiniin.

2 Piyeer 2:14

Kikawiin fe kondu ti haare hu, kaanuku man ni kaŋot nu boko. Kálaamaariit hikee ti káhinu kite wuhoofoor wu, abe iŋi kabuut bakan keejokut ku alitee ti bítim bite *Kiris. Kabaju sírirem taŋ keemo fu ti kikawiin. Bokondu Atambatun áwuumiinwuum!

2 Piyeer 2:3

Émuse yendu, káfaŋi kooniin kite sírirem su káhinu ni kasokuun báhamin bi kanoŋke kéetuut, kaanuku man ni kahoohuun. Bare afiyee naane kajoonan kooniin kisiiŋee i, abe at'ahul bútowuto booniin ni bireeŋ!

Kafeeñal ku 2:14

Bare ítaañianataañian t'awe ti bike: bakaake bokondu t'awe keejoke ti bi Balam abine bu aliiken ésuk i kóyin sifaaf. Balam aliikene fu Balak eetiŋg bakate ku *Israyel ti kaahoofoor, ti kateŋu kite efuwa yite sunuk *seesarahee tu ñúwisenum, nu huŋotu hu ni bakan ki kaseñeit.

Kafeeñal ku 2:21

Iwasowas ewaaŋ, akina Sesabel, kaanuku man n'awatanooro, bare ateñekateñeko karaan bufurukato bu.

Kafeeñal ku 21:8

Bare bukoloow bu, ni kéeyilenut ku, ni kiŋki káhin buroon béekojie bu, ni kiŋki kayool bakan, ni kiŋki kaŋot ni bakan ki kaseñeit ku, n'élugusa i, ni kiŋki kásukaay ñúwisenum ñu, n'ejuusa i fe, boko káyemi ti han héesufe-sufe hu hite sineemak su n'efor i. Ho heemo fu eket ésooboriyan i.

Kafeeñal ku 22:15

Bare kiŋki káhin meejakut mu, n'élugusa i, ni kiŋki kaŋot ni bakan ki kaseñeit ku, ni kiŋki kayool bakan, ni kiŋki kásukaay ñúwisenum ñu, n'ejuusa i fe kiŋki kámaŋi buroon bite haajuus hu, boko káyemi tíyaŋ!

Kafeeñal ku 9:21

Bokondu kawatanooreit yooŋ naane kayoole i bakan, ni naane ii kálugus, ni naane ii kaŋot ni bakan ki kaseñeit, ni naane ii kákuwat.