Efees 4:5 - Kwatay (Kuwaataay)

⁵ Anahaan afeeneŋ taŋ abaje fu, ni káyilen kifeeneŋ yooŋ, ni *kaboste kifeeneŋ taŋ.

Efees 4:5 ပူးပေါင်းရင်းမြစ်များ

Májiye 28:19

Náami arija tánotan fe t'etaam ye, abe n'árihin ésuk i kéeyemi eriboora íima: *aribosteiin tu huruwu hite Faaf u, n'Añi u, nu Búwejet Beenabe bu,

Epotor i 10:36

Atambatun áboñinoboñin *t'Israyel Hirim Heetoofe hite káasuumaay ku, éeŋaasann káasuumaay kondu ti Yesu *Kiris eeemo u Anahaan ite ésuk i ereyi fe.

Epotor i 2:36

«Náami bakate ku Israyel kareyi fe kawarawar kámeyi bonde nu múniyo: Yesu ondu a aritibe u t'ekuruwa i, o a Atambatun áhine fu éeyemi Anahaan u n'Afakana u yooŋ toko!»

Eleetar i yi Pool akiñje i bakate ku Rom 3:30

ábuki Atambatun afeeneŋ taŋ abaje fu. Akina aja fu kajoku Esuwif i bakan kéejube ti káyilen kooniin, n'ajok yooŋ keenooto ku Esuwif bakan kéejube ti káyilen kooniin.

1 Korent 1:13

Butum aŋ'ariyinoor n'ariene Kiris áwaajinooreewaajinoor? Bare me íñje Pool ikete fu *t'ekuruwa i uŋu hoonuun hu? Tu huruwu húuma fíya *t'aribostee fu?

1 Korent 1:2

Uni bokondu ti kákiñjinuun aruun bakate ku Korent *kéeyilene ku, aruun k'Atambatun akino ku. Aruwuunruw kaanuku áriihin t'afeeneŋ ni Yesu Kiris, aruun ni bakaaku fe keeemo ku tánotan, kiŋki karuw huruwu hite Anahaan ite úne Yesu Kiris, Anahaan ooniin n'Anahaan ite úne toko.

1 Korent 12:13

Bakaake t'úne Esuwif, bakaaku kanooto Esuwif, bakaake búsukateen, bakaaku kanooto búsukateen, bare úreyi fe *úbostee fu tu Búwejet Beenabe bu bifeeneŋ bu kaanuku núuhin eni efeeneŋ. Abe Búwejet Beenabe bu bifeeneŋ bu bibine fu t'úne úreyi fe.

1 Korent 12:5

Ñurok ñu bija t'Atambatun ñuwayawayo, bare Anahaan afeeneŋ u uf'úrok bija te o.

1 Korent 8:6

T'úne bare Atambatun afeeneŋ taŋ abaje fu: o aamo fu Faaf u éewuwane u doon areyi fe, abe bija te o h'úemo fee buroŋ. Anahaan yooŋ afeeneŋ taŋ abaje fu: o aamo fu Yesu *Kiris, éekinineŋe u doon fe nu dúwuwin, abe n'ákinineŋ yooŋ n'úroŋ.

2 Korent 11:4

Ábuki aŋ'árimuñal kiŋki kabin t'aruun keewaareuun ake Yesu eewayee ni i iriwaareuun u. Abe ake af'aane eewunuun bike búwejet beewayee nu Búwejet Beenabe b'aribaje bu, man yooŋ n'awaareuun hike hirim heewayee ni Hirim Heetoofe h'arijame hu t'uni, aŋ'árimuñalo.

Galasi 5:6

Ábuki uf'úhin t'afeeneŋ ni Yesu Kiris, kateyi karam man yooŋ kateyaate karam, bondu fe bibajut éñjeriŋ. Beebaje bu éñjeriŋ beemo fu káyilen ku kiŋki kíhin úne núumaŋioori.

Efees 4:13

Úreyi fe yooŋ n'uŋ'úyini káhinu t'afeeneŋ ti káyilen ku, abe t'afeeneŋ yooŋ n'úmeyi Añi ite Atambatun. N'uŋ'úhaat ti káyilen ku, abe n'uŋ'úre ti kareyi kite Kiris.

Fílip 2:11

abe huruw fe n'anoŋk eesok aane Yesu Kiris aamo fu Anahaan u; iyu Atambatun Faaf u n'aŋ'asokorooree.

Fílip 3:8

Abe it'iraan tu bondu barebare. Doon d'íhine fe, ijokajok do naane deejarut doon, iŋ'ite hu bonde beehaŋe bu bo fe, beeemo bu kámeyi kite Yesu Kiris Anahaan úuma. Iwasawas buroon bu fe uŋu hoone hu. Ijokajok bo naane bite káfiiten tu kuwos, kaanuku man n'ibaj Kiris,

Eleetar i yi Pool akiñje i Tit 1:1

Íñje Pool ikiñje fee, íñje aroka ite Atambatun, *n'apotor yooŋ toko ite Yesu *Kiris. Atambatun aboñamboñ kaanuku íihin bakan k'ajifane ku kéeyilen te o, abe n'íhiniin kéemeyi múniyo mu kaanuku man ni kabaj buroŋ beetoofo.

Eleetar i yi Pool akiñje i Tit 1:4

Áñuumo Tit, íñj'endu ti kákiñjini eleetar yende. Awe a̱amo fu añiam nu múniyo, ábuki á̱yilenayilen ti Kiris naane íñje. Atambatun Faaf u, ni Yesu Kiris Afakana ite úne kaja kásoniyani, abe ni kawuni káasuumaay.

Esuwif i 13:7

Áribaŋino égila yeenuun keesokuun ku hirim hite Atambatun. Ariyinoor buŋ bu buroŋ booniin búmuje fe, abe n'arineefan ti káyilen kooniin.

Esuwif i 6:6

Bare ifi kawas káyilen kooniin, an at'áyini kasooñu áhiniin keewatanooro, keewas buroŋ booniin, ábuki anokooreenokoor kite kasooña katib Añi ite Atambatun *t'ekuruwa i, kéehin ésuk i yéesuwo.

Saak 2:18

Bare an n'afin aane: «Awe á̱yilenayilen, íñje n'iŋ'ifin inoŋk ajakee», íñje kaanio: «Á̱wufooram buŋ b'a̱yino fu káyilen t'á̱noŋkaariit ajakee, abe íñje n'iŋ'íwufoori káyilen kúuma tu hunoŋk húuma.»

1 Piyeer 3:21

Móhujo mondu múmoomi naane *kaboste ku kiŋki kifakanuun hahiye. Kaboste kondu, káanukiiit kite kañawu ñubub ñite eni. Aaa, ko kite kájeŋgin Atambatun nu búwejet beekuure. Kaboste ku iŋi kifakan úne aŋarkeyi naane Yesu Kiris aritaneeritan t'eket i.

2 Piyeer 1:1

Íñje Simoŋ Piyeer aroka ite Yesu *Kiris, *n'apotor oone toko yooŋ ikiñje fee bakan k'Atambatun awune ku káyilen keeree ni kite k'uni. Yesu Kiris eeemo u Atambatun ite úne, *n'Afakana ite úne toko yooŋ awunawun úne káyilen kondu aŋarkeyi naane ájubajub.

Eleetar i yi Sud akiñje i 1:20

Kújakuwe, aruun k'ímaŋie-maŋie ku, aruun bare, arihaŋ bija hágila ti káyilen koonuun keenabe ku. Aŋ'arilaw ni sembe site Búwejet Beenabe bu.

Eleetar i yi Sud akiñje i 1:3

Kújakuwe, aruun k'ímaŋie-maŋie ku, ítumbatumba ímaŋi kákiñjinuun iŋi naane Atambatun afakane i úne. Bare hahiye ijukajuk kaanuku iwarawar kákiñjinuun bike bite kayaŋgananuun kikaw, kaanuku man n'árituum uŋu múniyo mite Hirim Heetoofe h'Atambatun awune hu hiraanu bakan k'akino ku.