Efees 4:18 - Kwatay (Kuwaataay)

¹⁸ abe kájokaariit doon fe. Kabajut buroŋ b'Atambatun bamb'awun, ábuki kámeyiit doon tus, abe ñúwejet ñooniin yooŋ iŋi ñíbaani túruk.

Efees 4:18 ပူးပေါင်းရင်းမြစ်များ

Májiye 13:15

Ábuki kayaŋgayaŋg aa kikaw, iŋ'ite ho hu ñúwejet ñooniin ñínandinaariit fu; kalofalof wúkondiniin, kaanuku utum'uŋu wujam; kaŋotaŋot ñíkiniin, kaanuku itim'iŋi ñujuk. Káhinahin ii kaanuku itim kabin káwuŋgan inde íñje, íihiniin kéekoyi.»

Mark 3:5

Yesu n'áheeliniin káayiŋatin naane. Átaañianataañian yooŋ naane ñúwejet ñooniin ñíbaanie i. N'aane ániine u: —A̱raaw emoŋii. Ániine u n'araaw yo, náami ékoyia, ebatikaa naane hítiyar hu.

Saaŋ 12:40

«Atambatun áhiniinhin kéefuum, kaanuku ñíkiniin itim'iŋi ñujuk, afeŋkafeŋk yooŋ ñúwejet ñooniin, kaanuku itim'iŋi ñínandin; itim kabin káwuŋgan nu boone éehiniin kéekoyi.»

Epotor i 17:30

Hítiyar hu, Atambatun aboŋketaboŋket bondu fe, ábuki ésuk i kámeyiit bimbi káhin. Bare hahiye áwufoora ésuk i fe bakate ku tánotan kaanuku kawarawar buwatanooro kinij kooniin keejakut ku.

Epotor i 3:17

«Kújakuwe, hahiyu ímoomi kaanuku ti kámeyiaate t'árihine fii Yesu, aruun n'eseef yeenuun.

Eleetar i yi Pool akiñje i bakate ku Rom 1:28

Naane aamo i kateñekateñeko kámeyi Atambatun, Atambatun n'awasiin nu búwesinato booniin beeñunut bu kaanuku iŋi káhin buroon bi kawarut bu káhinu.

Eleetar i yi Pool akiñje i bakate ku Rom 11:25

Kújakuwe, ímaŋamaŋi áriimeyi béenuusee bonde kaanuku atum'aribin arijokooro bakan kómbokun: bakaake ti bakate ku *Israyel, ñúwejet ñooniin aŋ'ábaani. Bondu bifiyo yooŋ ayak abin áami bakan k'Atambatun ajifane ku ti baabu biheet fe kajoka bítim bite *Kiris.

Eleetar i yi Pool akiñje i bakate ku Rom 11:7

Náami uŋ'úene yooŋ buŋ? Keehaŋe kahooju ti bakate ku Israyel kabajut bi kaŋese bu. Keefamut tu boko taŋ k'Atambatun ajifane ku kabaje fu bo. Bakaaku, ñúwejet ñooniin ñíbaanabaani,

Eleetar i yi Pool akiñje i bakate ku Rom 2:19

A̱jokoorajokooro naane ágilana ite kéefuume ku aa á̱wufooriin bítim bu, n'a̱jokooro yooŋ naane meejaaŋe mite keeemo ku t'ébaani i,

1 Korent 1:21

Múniyo kúŋgowulan ku nu búwesinato booniin fe kámeyiit Atambatun, abe bondu Atambatun áhine fu bo nu búwesinato boone. Náami Atambatun áhabaneina fu kaanuku eefakan *kéeyilene ku ni hirim hih'iriwaare heeemo hu naane heeñunut.

1 Korent 2:8

Mayet afeeneŋ ti bakan kómbokun ku bakate ku t'etaam ye ámeyie búwesinato bondu. Kane kámeyi bo, man katib yéeni *t'ekuruwa i Anahaan éenike u.

2 Korent 3:14

Náami búwesinato booniin biyinaat kánandin bondu. Bija yooŋ t'úmiye fe, ifi káyemi ti kajaŋga ti kaawiit kite kaajamoor kítiyar ku, musoor uŋu múkumbalool ñúwejet ñooniin, abe kájokaariit. Musoor mu uŋu munuut t'an éehine t'afeeneŋ ni Kiris barebare.

2 Korent 4:4

Bokondu káyilenut, ábuki atambatun eejakut u ite etaam i ámiñamiñ ñúwejet ñooniin ñéeyemi t'ébaani. Áhinahin bondu kaanuku itim káyini kajuku meejaaŋe mite Hirim Heetoofe hu, héewufoore hu kániku kite ku *Kiris eeemo u humuum búnokoorum bite Atambatun.

Galasi 4:8

Hítiyar hu, t'árimeyioorut Atambatun, aruun búsukateen yéeni bite buroon beenooto etambatun ite nu múniyo.

Efees 2:1

Hítiyar hu, árimoomi t'Atambatun naane bakan keekete aŋarkeyi naane aŋ'árijuum, abe yooŋ aŋ'arihoofoor.

Efees 2:12

Áribaŋino kaanuku kóŋkeyin arikambakamb *Kiris; árigiiloolutee ti bakate ku *Israyel; árigiiloolutee yooŋ tu *wujamoor w'Atambatun ajamoore wu nu boko. Árimoomi naane emoosoora. Arikinakin t'etaam ye, bare aribajut yéeni eyakar, árimeyiit yooŋ Atambatun.

Kolos 1:21

Hítiyar hu, aruun yooŋ arikambakamb Atambatun, árimoomi enatoorao iŋi meejakut mamm'ariyinoor, ni mamm'árihin yooŋ.

1 Tesalonik 4:5

abe atum'awas wúfaŋi weejakut wu weehaŋo sembe, naane *kéemeyiit ku Atambatun ii káhin.

Esuwif i 5:2

Áyinooni kayubiyen kiŋki kahiil iŋ'ite kajokaate kooniin, ábuki akina yooŋ humuumo húŋgowulan barebare.

Esuwif i 9:7

Bare asaraha ómbokun u, o af'ayooso t'ásooboriyan u akina unoono taŋ, abe yooŋ hifeeneŋ t'emit i. Abe áyoosaariit toko t'ajeit ni halan hite enuk eesarah ho bija tu wuhoofoor woone, ni w'ésuk i wiwi káhin yooŋ ti kámeyiaate.

Saak 4:4

Aruun fu bakan kéejubut! Árimeyiit kaanuku kámaŋi aduna i aamo fu kahuufu Atambatun? An af'ámaŋi kábuki n'aduna i, áhinooraa anatoora ite Atambatun.

1 Piyeer 1:14

Árijeŋgin Atambatun, abe atum'aribatikan siheluun tu wúfaŋi woonuun wute wu ti hítiyar hu t'árimeyioorut múniyo mu.

1 Saaŋ 2:11

Bare an eehuufe at'o, an ondu ondu t'ébaani i; aŋ'añaah t'ébaani i, abe ámeyiaariit diin t'aamo fu ti bija bu, ábuki ébaani i ébujobuj ñíkin.