Efees 4:14 - Kwatay (Kuwaataay)

¹⁴ Náami ut'uŋk'úyemi biñi. Ut'uŋk'úyemi naane busoona bu móhujo miñake tánotan ti han hu, man yooŋ b'eyam i etendeŋane. Ejuusa i yooŋ it'iŋki kabuut úne ni báhamin bimbi kanoŋk kéetuut.

Efees 4:14 ပူးပေါင်းရင်းမြစ်များ

Májiye 11:7

H'eriboora yite Saaŋ kaje hu, Yesu n'asok hahooja hu bite bu Saaŋ. N'aaniin: —Naŋ n'arije fu bajuk bu t'eramba i? Yariyoon y'á̱meyie kaanuku eyam i katibu, n'eŋ'eyoŋoŋanooro? Aaa fu!

Májiye 24:11

Kabaju yooŋ keehooje keeyak kajuusu kaane boko kaamo *eyiŋana yite Atambatun, abe boko kabuutu bakan keehooje.

Májiye 24:24

Ábuki bakaake bibin, abe n'iŋi kajuus kaane boko kaamo fu Afakana u, man yooŋ eyiŋana yite Atambatun. Boko káhinu buroon úkaan beejahale ésuk i, kaanuku keebuut ti káyinie, humuum bakan k'Atambatun ajifane ku.

Epotor i 23:21

Bare atum'á̱yileniin! Ábuki keehaŋe bakan bákasuba tu boko kaane kéewufoo keebin keejoko. Kawaatawaat kaane iti káhin doon fe ti kariin, iti káhujo yooŋ ti kayooluto. Kafaraa fe, awe taŋ i kanahan fu kaanuku á̱asafiniin.

1 Korent 12:2

Árimoomi kaanuku hítiyar hu, aruun t'ariyoosoorut bítim bite *Kiris, aŋ'ariwas yéeni bakaaku keeñakuun ti ñájiim ñéehaminaariit ñu, abe áriyiniaariit biteñeko.

1 Korent 14:20

Kújakuwe, atum'aŋ'ariyinoor naane biñi. Ti káhinu kite meejakut mu, áriyemi naane bilekej; bare ti biyinoor bu, áriyemi naane sifaaf.

1 Korent 3:19

Ábuki búwesinato bite bakate ku t'etaam ye, t'Atambatun diyu kaañunaate. Múniyo *Míkiñjin mu meenaan: «Atambatun aŋ'ajok kúwesina ku ti bífiir booniin bi kanoŋke bu keekuuj.»

2 Korent 2:17

Irinooto naane bakaaku keehooje kaa kiŋki kájula Hirim hite Atambatun. Uni iŋ'írihamin boone bu ajoŋoor júl, abe yooŋ tu buhooŋio naane eroka bakate Kiris, ábuki akina Atambatun aboñe fu uni.

2 Korent 4:2

Iriteñekateñeko béefuñinanie bu bumbu búnuusee. Íribuutaariit an, abe írihosanaariit yooŋ Hirim hite Atambatun. Múniyo mu kep m'if'íriwufoor ésuk i akuur but, man huruw fe n'ámeyi t'ehelo hágila Atambatun kaanuku uni bakan kéejube.

Galasi 3:1

Áribajaatia teereŋ kikaw, aruun bakate ku Galasi! Aañ me abuutuun fu? Arisokeesok bare akuur but naane Yesu *Kiris akete i *t'ekuruwa i.

Efees 6:11

Arijok bujuŋko b'Atambatun awunuun bu bireyi fe, kaanuku man n'áriyini bisiiŋo alitee kane Setani aŋesuun kabuutu.

1 Timote 3:6

Hikaw hite bakan kéeyilene awarut káyemi an eefiyeit ti bítim bite *Kiris; n'aŋ'ajendan biyitooro, abe Atambatun n'aŋ'ajoonano naane ajoonane i Setani.

2 Timote 1:15

Naane á̱meyie i, bakate ku tu búsuk bite Asi fe káwuŋgamwuŋg kiñaawu; Fisel n'Erumosen yooŋ boko.

2 Timote 3:13

Bare kéenafute ku ni ñatuuk ñu, boko kahaŋu ti meejakut mooniin kep. Boko kabuutu bakaaku, abe boko kumuumiin yooŋ kabuutiee.

2 Timote 4:3

Ábuki bibin birko ésuk i it'iŋki kámaŋi kajamatan bimbi kaliikenee bite bu nu múniyo. Boko kajoŋoor nu wúfaŋi wooniin. Boko kaŋesu bakan keehooje iŋi kabin kaliikeniin bimbi kámaŋi kajamu.

Esuwif i 13:9

Atum'ariwas an eebuutuun ni maliikenar mánoman, meewayee ni m'ariliikenee mu. Ajakeejak suhol site s'úne ni sibaj sembe séenuutina ti kajaku k'Atambatun kaŋk'áwufoor úne. Sembe sondu súnuutinoot ti kájeŋgin kite buluwa beesoke bu tu buroon b'an awarut kateŋu. Ábuki buluwa bondu bibajut éñjeriŋ bija ti kiŋki kájeŋgin bo.

Saak 1:6

Bare an ondu awarawar kalawu ni káyilen, abe ehelo etum'éhin kúsuba; ábuki an e ehelo éhine kúsuba ámoomi naane húsuw hite káajuŋeey h'eyam i eritane, abe n'etiŋg ho t'émaŋie du.

Saak 3:4

Arijondoman yooŋ ti bisahar bu: bihah buŋ mi bihahe, kúsofooru kite te bo kiŋgiŋgilij. Hutoof yooŋ eyam yeebaje sembe n'etib, tu hutoofe du eteyana i t'ifi bija.

2 Piyeer 2:18

Iŋi káhamin báhamin beeñunut bite jímak taŋ, abe n'iŋi kafurukato yooŋ kaanuku man ni kabuut bakan keeemo ku ti kánuutinaiin ti bakaaku keeroŋe ku t'ébaani.

1 Saaŋ 2:19

Bokondu bakan úneiit nu múniyo, iŋ'ite ho hi kanuute fu t'úne. Múniyo kane káyemi bakan úne, n'iŋi kariiko yéeni n'úne. Bare iyu i bije fu t'ahaŋ kakuuru kaanuku mayet afeeneŋ tu boko aamo n'úne.

1 Saaŋ 2:26

Ikiñjuunkiñj bondu iŋi bakan keeŋes ku kabuutuuun.

1 Saaŋ 4:1

Kújakuwe, aruun k'ímaŋie-maŋie ku, atum'áriyilen ésuk i fe kiŋki kaane Búwejet Beenabe bu bondu tu boko. Ariŋesiin kep ariijuk man búwejet bi kabaje bu, t'Atambatun tu búnuutina. Isokuunsok bonde ábuki kiŋki kajuus kaane boko kaamo *eyiŋana yite Atambatun bokondu t'etaam i, abe kahoojahooj.

Eleetar i yi Sud akiñje i 1:12

Áfuñinanieefuñinani kaanuku bokondu keeñoofo n'aruun t'afeeneŋ. Káfuñaariit yooŋ kane káyemi ti hiriy, abe uŋu hooniin hu taŋ h'ifi kayinoor. Kámoomi naane etiir yéebaaniina, eyam i n'eteyoor ne yo, abe enubut. Kámoomi naane ñunukanuk ñéebukaariit, hutoof ewahatu yite te ño ereeŋe, ñunukanuk ñeerondee, butum ñéetumbe ñiket.

Kafeeñal ku 19:20

Éndakakureŋ i n'ejokee, yo n'an u aa ajuus aane akina *ayiŋana ite Atambatun, eebine u áhin buroon beehaŋe bu ésuk i kikaw tu buhooŋu éndakakureŋ i. (Nu bondu beehaŋe bu ésuk i kikaw n'abuute fu bakan kéeyekie ku ékeetanuma yite éndakakureŋ i, abe n'iŋi kásukaay búwisenum bite te yo.) Éndakakureŋ i n'an u aa ajuus aane akina ayiŋana ite Atambatun ni káfiitenee bároŋari ti han hite sineemak su n'efor yéesufe i.