Efees 4:1 - Kwatay (Kuwaataay)

¹ Náami íñj'endu ti kalawuuun bonde, íñje eekulee u aŋarkeyi naane iŋ'irok bija t'Anahaan u: buroŋ boonuun bíyemi naane t'Atambatun ámaŋie du h'aruwuun hu.

Efees 4:1 ပူးပေါင်းရင်းမြစ်များ

Epotor i 9:31

Náami kéeyilene ku kabajabaj káasuumaay ti kikinu kite *Súde, ni *Gálile, ni *Samari. Káyilen kooniin ti kahaŋu kayanu kep, abe buroŋ booniin fe kájeŋgin Atambatun. Búwejet Beenabe bu nu búyokunaniin yooŋ keehaŋ kahooju.

Eleetar i yi Pool akiñje i bakate ku Rom 11:29

Ábuki áramaariit doon d'aheeke eewun, ákutooraariit yooŋ an a aheeke eeruw.

Eleetar i yi Pool akiñje i bakate ku Rom 12:1

Náami kújakuwe, makamu Atambatun aŋ'ayubiyen úne dómbokun, íñj'endu ti kaanuuun waasi, ariwuno siniuun naane *kaasarah keeroŋe, keenabe yooŋ, abe nu kutoofo. Iyu a ariwaro fu kasayi ti hiñaawu nu múniyo.

1 Korent 4:16

Náami íñj'endu ti kaanuuun árihin naane íñje.

2 Korent 10:1

Ésuk i kaane, íñje Pool, if'íyemi t'aruun, iŋ'iluubo luub, abe n'ifin ikambuun, n'iŋ'ibaj butum. Íñj'endu ti káwasiyanuun bonde ti *Kiris, eeemo u an éeneenie, abe n'ajak:

2 Korent 5:20

Náami uni bakan ki Kiris aboñe, abe ti sembe soone t'if'írihamin, anokoor naane Atambatun humuumo af'áhaminuun. Uni bokondu ti káwasiyanuun bonde tu huruwu hite Kiris: waasuun, atum'ariteñeko kabukan ku n'Atambatun.

2 Korent 6:1

Makamu iŋ'irirok n'Atambatun, uni bokondu ti kaanuuun waasuun, atum'árihin kásoniyan k'Atambatun ásoniyanuun ku kéeyemi kite fuufu.

Galasi 4:12

Kújakuwe, inuutananuutan hikawam t'Eluwa i íiyemi naane aruun keenooto ku Esuwif. Hahiyu íñj'endu ti káwasiyanuun, áriyemi naane íñje. Aritinut t'íñje hikee-kee.

Efees 2:10

Ábuki Atambatun aroke fu úne. Naane úhine i t'afeeneŋ ni Yesu Kiris híkinineŋe fu n'áwuwan úne kaanuku ko kireyi fe n'uŋ'úhin kunoŋk keejake. Kunoŋk kondu, Atambatun afiyafiya afare ko kaanuku uŋ'úbin úhin ko.

Efees 3:1

Iŋ'ite ho aamo fu iŋ'ilaw Atambatun, íñje Pool eekulee u aŋarkeyi naane iŋ'irok bija ti Yesu *Kiris kaanuku íiyokunanuun, aruun keenooto ku Esuwif.

Efees 4:17

Bonde b'ija fu kasokuuun, abe íñje kajoku te bo alitee tu huruwu hite Anahaan u: buroŋ boonuun itim'iŋki bíyemi naane bite kéeyilenut ku. Biyinoor booniin bibajut éñjeriŋ,

Efees 4:4

Eni efeeneŋ taŋ ebaje fu, yeemo fu *kéeyilene ku; Búwejet Beenabe bifeeneŋ taŋ bibaje fu yooŋ; abe Atambatun, bite eyakar efeeneŋ taŋ b'aruwuun fu.

Efees 5:2

Árimaŋioori ko kireyi fe tu buroŋ boonuun naane *Kiris ámaŋie i úne. Ámaŋamaŋi úne, abe n'ásik buroŋ boone eesaan bo bija t'úne naane *kaasarah keehunde-hund t'Atambatun.

Fílip 1:27

Naane hiyino i káyemi fe, buroŋ boonuun bujoŋoor naane Hirim Heetoofe hite hu Kiris husoke i. Káhinu iyu, if'ibinuun kajuku, man yooŋ ibinutuun kajuku, íyinooni kajamu kaanuku arijokajok alitee. N'iŋ'ímeyi kaanuku arijokoorajokoor tu búwejet bifeeneŋ, aŋ'árisiiŋoorein yooŋ áriituum t'afeeneŋ bija ti káyilen ku keeyaajee ku ti Hirim Heetoofe hu.

Fílip 3:14

íñj'endu ti kateyi kep kaanuku man n'ísik hisiibanu hu. Atambatun aruwaruw úne kaanuku núusik ho t'etiir iŋi naane úhine i t'afeeneŋ ni Yesu Kiris.

Kolos 1:10

Káhinu iyu, buroŋ boonuun n'uŋu butoof Anahaan u, abe n'árihin yooŋ ko kireyi fe beetoofo bu. N'aŋ'árihin yooŋ buroon bánoban fe beejake, abe n'aŋ'arihaŋ kámeyi Atambatun.

Kolos 2:6

Náami hahiyu, makamu arijoka t'Anahaan u Yesu *Kiris, buroŋ boonuun bíyemi naane bite bakan kéehine ne o t'afeeneŋ.

Kolos 4:12

Epafuras eeemo u yooŋ ite t'aruun asaafuun. Akina aroka ite Yesu Kiris, abe aŋ'áñiŋkaan kep ti kalawu Atambatun bija t'aruun kaanuku man n'arijok alitee, n'arihaat yooŋ ti káyilen ku, abe n'arifare káhinu b'Atambatun ámaŋie bu fe.

1 Tesalonik 2:12

Iririmuunrim, n'iriyaŋgananuun kikaw, n'irilawuun yooŋ abe n'irisooñoor, kaanuku man buroŋ boonuun ni biriib naane t'Atambatun ámaŋie du, akina eeruwuun u kaanuku ariiyooso ti Jáyi joone ariijuk kániku koone.

2 Tesalonik 1:11

Iŋ'ite ho h'if'irilaw ko kireyi fe bija t'aruun. Iŋ'irilaw Atambatun ite úne kaanuku man n'áhinuun áriiyemi bakan bakate nu múniyo, buroŋ boonuun beeriib ni naane ámaŋie i h'aruwuun hu. Áyokunanuun yooŋ ni sembe soone áriiyini káhinu meejake m'árimaŋie mu, nu burok b'ariemo bu te bo aŋarkeyi naane áriyilenayilen te o.

2 Timote 1:9

Akina afakane fu úne, abe n'aruw úne kaanuku núuyemi bakan koone keenabe. Káanukiiit man úne únoŋke ajakee, bare aŋarkeyi naane búmoomi ti hikawo, abe yooŋ ámaŋamaŋi káwufoor úne kajaku koone. T'etaam i éwuwanoorutee, aanaan o kaŋaasu ti Yesu *Kiris éewufoor úne kajaku koone.

Eleetar i yi Pool akiñje i Tit 2:10

kawarutiin yooŋ kákuwat doon. Bare káyemi kep bakan keejake, abe doon fe di kasoke, ni káhin do. Ifi káhin iyu, ésuk i kasoku beejake tu bumb'úliiken bite b'Atambatun *Afakana ite úne.

Esuwif i 3:1

Kújakuwe, iŋ'ite ho aamo fu aruun keenabe ku, aruun k'Atambatun aruwe ku, arijondoman ti Yesu. Akina a Atambatun aboñe fu éeyemi *asaraha ómbokun u. Íriyilenayilen bondu, abe bo b'if'iriwaare.

1 Piyeer 2:11

Kújakuwe, aruun k'ímaŋie-maŋie ku, aruun keeemo ku emoosoora t'etaam ye abe yooŋ at'arifiyo, waasuun, ariwas wúfaŋi weejakut wu, ábuki uŋu wutiik n'aruun.

1 Piyeer 3:9

An af'áhinuun beejakut, atum'arinukan; an af'álafatinuun, atum'arinukan yooŋ. Aruun árisoniyano kep, ábuki uŋu bondu h'Atambatun aruwuun fu, kaanuku eebin éesoniyanuun.

1 Piyeer 5:10

Sílaam soonuun iti sifiyo dómbokun. Atambatun eehaŋe u émaŋia úne, aruwuunruw bite kániku koone kéehabanaariit ku aŋarkeyi naane árihinahin ni Yesu Kiris t'afeeneŋ. O humuumo karitanuun ariisiiŋo, n'ayaŋgananuun yooŋ ti kawunuuun sembe, abe n'asiiŋanuun t'ayane.

2 Piyeer 1:3

Atambatun awunawun úne ti sembe soone doon fe d'úsawulee du kaanuku núuroŋ naane ámaŋie i. Áhinahin úne bondu iŋi kámeyi k'úmeyio ku, akina eeruwe u úne kaanuku núujuk kániku koone ni kajaku koone.

2 Saaŋ 1:5

Abe hahiyu, bonde b'ilaw fu n'awe, awe Anaare u: úmaŋioori. Éluwaiit éyeni y'ikiñji fee. Eluwa yende úsaaneesaan yo huta hu ti kájabina ku.