Efees 3:9 - Kwatay (Kuwaataay)

⁹ Atambatun éewuwane u doon areyi fe afiyafiya ánuus béeyemie bu ti hikawo. Náami asaanamsaan yooŋ kaanuku íiwufoor ésuk i akuur but buŋ b'aja fu bo káhinu,

Efees 3:9 ပူးပေါင်းရင်းမြစ်များ

Májiye 10:27

Bimb'isokuun t'ébaani i, arisok bo mijiniŋga raŋgaw; bamb'arijiisanee yooŋ, ariyiŋan bo ti sifiñjan su.

Májiye 13:35

Iyu i bije fii kaanuku hirim honde *h'ayiŋana ite Atambatun abine hu asok ni hibaj. Aanaan: «Íñje káhaminiin ikolofan, Íñje káwufooriin béenuusee bu huta h'etaam i eŋ'ebin éwuwanee.»

Májiye 25:34

Náami áyi u kaanu keeemo ku inde baatoso: «Aruun ki Faafam ásoniyane ku, aribin áriikini Jáyi jeefaree ju bija t'aruun huta h'etaam i eŋ'ebin éwuwanee.

Májiye 28:19

Náami arija tánotan fe t'etaam ye, abe n'árihin ésuk i kéeyemi eriboora íima: *aribosteiin tu huruwu hite Faaf u, n'Añi u, nu Búwejet Beenabe bu,

Hirim Heetoofe hu hi Luk akiñje hu 24:47

Abe eriboora yeene kawarawar kawaare tánotan fe t'etaam ye tu huruwu hoone, kéejabin Serusalem. Kawarawar kasoku ésuk i keewatanooro kinij kooniin keejakut ku man wuhoofoor wooniin nu wuboŋketee.

Saaŋ 10:30

Íñje ni Faaf u, uni k'afeeneŋ ku.

Saaŋ 5:17

Bare Yesu n'aaniin: —Faafam ondu tu burok ko kireyi fe, íñje yooŋ íñj'endu tu burok.

Saaŋ 5:19

Yesu n'asooñ aaniin: —Iisokuun bifeeneŋ bu: Añi u ayinaat bunoŋkooro éehin doon; aŋ'áhin doon d'ajuke du Faaf u ti káhinu barebare. Buroon bi Faaf u bamb'áhin bireyi fe, Añi u yooŋ aŋ'áhin bo.

Epotor i 15:18

Íñje isoke fu bo, íñje Atemit, abe íhinahin ésuk i kéemeyi bo huta hu kóŋkeyin.»

Eleetar i yi Pool akiñje i bakate ku Rom 11:25

Kújakuwe, ímaŋamaŋi áriimeyi béenuusee bonde kaanuku atum'aribin arijokooro bakan kómbokun: bakaake ti bakate ku *Israyel, ñúwejet ñooniin aŋ'ábaani. Bondu bifiyo yooŋ ayak abin áami bakan k'Atambatun ajifane ku ti baabu biheet fe kajoka bítim bite *Kiris.

1 Korent 2:7

Aaa, iŋ'iriwaare búwesinato b'Atambatun ánuusaanie bu, abe kúŋgowulan ku kánandinut bo. Atambatun afiyafiya afare búwesinato bondu t'etaam i éwuwanoorutee, bija ti kánikan kite k'úne.

Efees 1:4

T'áwuwanoorut etaam i, ajifanajifan úne ti Kiris kaanuku man n'úyemi bakan keenabe te o, keeyinaatee kawatan tu doon. Makamu ámaŋamaŋi úne,

Efees 3:2

Mánoman arijamajam kaanuku Atambatun ti kajaku koone, asaanamsaan burok bite káhinu bija t'aruun.

Efees 6:19

Arilaw yooŋ bija t'íñje, man Atambatun n'aŋ'awunam kirim keejoŋoore kane íyemi ti báhamin, hikawam heeyaŋg iŋ'iwaare béenuusee bite Hirim Heetoofe hu.

Kolos 1:23

Bare ariwarawar kajoku alitee ti káyilen ku, abe n'arisiiŋo te ko ayanee. Atum'áriwuŋg kiñaawu eyakar y'aribaje i huta h'aŋ'aribin arijam Hirim Heetoofe hu. Hirim hondu Heetoofe hu huwaareewaare kúŋgowulan ku fe t'etaam ye, abe íñje Pool, burokam hahiyu kawaare ho.

Kolos 1:26

Hirim hondu heemo fu h'afiye hu ánuus ésuk i fe huta hu ti sifaaf, bare hahiye áwufoora ho bakan k'akino ku.

Kolos 3:3

Ábuki ariketaket, abe buroŋ boonuun búnuuseenuus ni Kiris t'Atambatun.

Kolos 4:3

Af'áriyemi ti kalawu, n'aŋ'arilaw n'uni man Atambatun n'awun uni bítim iriiwaare ésuk i hirim hoone, abe n'irisokiin yooŋ béenuusee bite bu *Kiris. Aŋarkeyi naane iwaarawaare béenuusee bondu híkinineŋe fu n'ikulee.

2 Tesalonik 2:13

Kújakuwe, iriwarawar kaanu ko kireyi fe Atambatun eyeehen uŋu hoonuun hu, aruun k'Anahaan u ámaŋie ku. Múniyo Atambatun ajifanuunjifan kaanuku áriiyemi étiyar i ti kafaku ku.

1 Timote 3:16

Béekoofaanie bu bite bítim bite b'úne bihahahah, abe an ayinaat kajeeŋan bo. Bo beemo fu bonde: Abinabin éehinooro naane húŋgowulan, Búwejet Beenabe bu nu búwufoor kaanuku ájubajub. Emalaka i kajukojuk, abe ésuk i ni kawaare uŋu hoone hu ti keenooto ku Esuwif. Bakate ku t'etaam i ni káyilen te o, abe Atambatun n'ayito t'etiir t'ánike du.

2 Timote 1:9

Akina afakane fu úne, abe n'aruw úne kaanuku núuyemi bakan koone keenabe. Káanukiiit man úne únoŋke ajakee, bare aŋarkeyi naane búmoomi ti hikawo, abe yooŋ ámaŋamaŋi káwufoor úne kajaku koone. T'etaam i éwuwanoorutee, aanaan o kaŋaasu ti Yesu *Kiris éewufoor úne kajaku koone.

2 Timote 4:17

Bare Anahaan u aseeŋamseeŋo, abe n'awunam sembe isooñen n'íyini kawaare Hirim Heetoofe hu hireyi fe, keenooto ku Esuwif kareyi fe kayak kajam ho. Abe Anahaan u n'áhin iifak ti bíŋaŋ bu.

Eleetar i yi Pool akiñje i Tit 1:2

Iyu, n'uŋu bukuuriin kaanuku boko kabaju buroŋ béehabanaariit bu. Huta hu t'etaam i éwuwanoorutee, Atambatun éejuusaariit u asokasok aane o kawunu úne buroŋ bondu.

1 Piyeer 1:20

T'etaam i éwuwanoorutee n'Atambatun ajifano fu, abe afeeñafeeñ uŋu hoonuun hu tu kunak konde keeemo ku kiraanu ku.

Kafeeñal ku 13:8

Bakate ku t'etaam i fe kásukaay éndakakureŋ i; aamo fu bakan ku fe ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee. Kaawiit kondu kite Ametek eeyoolee u.

Kafeeñal ku 14:6

N'ijuk ake amalaka tu búwiito, abe aliŋanaliŋan. Ákooki Hirim Heetoofe héehabanaariit hite kawaare bakate ku t'etaam i fe: bakate biheet bánoban, nu búsuk bánoban, ni bakate kíhaminiin kánokan, ni bakan kánokan.

Kafeeñal ku 17:8

Éndakakureŋ y'a̱juke i émoomi yéeni buroŋ, bare eŋkut eroŋ. Yo kánuutina ti kaayeen kéesulie-sulie ku, bare yite bútowuto hiraanu. Bakate ku t'etaam i, ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee, bijahale kane kajuk éndakakureŋ i, ábuki émoomi yéeni buroŋ, abe hahiye eŋkut eroŋ, bare yo kásooñina.

Kafeeñal ku 4:11

«Atemit, Atambatun ite uni, awe a̱jare fu káyeki kániku ku, nu kusokorooru ku, ni sembe su. Ábuki awe á̱wuwane fu buroon bu fe, abe ti kámaŋi kúuwe tu búwuwanee fu beebaj.»